Pick-up

El pick-up xe un dispoxitivo eletronico che serve a trasformare un segnàłe de natura no eletrica in uno de natura eletrica cioè in difarensa de potensiałe. L'è uxa sora-de-tutoto in ambito musicàłe, come soła chitara o sol basso eletrici.

Ambito musicałe

Pai pick-up magnetici el schema base de costrusion xe questo: dei picołi magneti vièn avolti da un sotiłe fiło condutore; se ła bobina xe singoła el tipo de pick-up xe dìto single coil, se ła xe dopia (do magneti single coil, ma de oposta połarità) i pick-up xe ciamài humbacker. Oviamente łe carateristiche in termini de timbro, eficensa e sensibiłità al rumore risente alquanto de 'ste do diverse impostasiòn. I pick-up magnetici se poe anca dividare in pick-up attivi e passivi, a seconda che, rispetivamente, i sia alimentà o no; i primi rixulta pì potenti, ma i necesita de ła bateria. Esiste anca altri tipi de pick-up: quełi piezoeletrici, e quełi otici. I funsiona grasie a altri fenomeni fisici, che ghe consente de no risentire dei disturbi eletromagnetici.

Poxisionamento

El poxisionamento xe fondamentàłe pa ła timbrica de ła chitara. Dal momento che ła so funsion ła xe queła de "tradure" ła vibrasion de łe corde, se i vièn messi soto e corde visìn al manego i preleva un movimento de łe corde; se visini al ponte un movimento completamente diverso: i portarà quindi difarenti informasion in termini de armoniche. Se disposti al ponte i prelevarà tante pì armoniche rispetto ai altri, quindi el suono rixultarà pì "metaico", al contrario pì che se se sposta verso el centro de łe corde pì morbido e dolse sarà el suono prełevà. E chitare quindi de sołito łe monta pì de un pick-up di modo che sia posibie scegliare l'efeto preferìo, o comunque smisiare i suoni provenienti da pick-up diversi, pa otegnere tute e posibiłi sfumature.

Controło de autorità	GND (DE) 4185653-3