Piasa de łe Erbe (Verona)

Piasa de łe Erbe
Na veduta de insieme de la piasa: se vede al çéntro la fontana de Madonna Verona e dedrìo le Caxe Mazzanti
Dati
Sorte	Piasa
Pozision
Rejon aministrativa	Verona (Itàlia)
Pozision	piazza delle Erbe
45°26′35″N 10°59′50″E45°26′35″N, 10°59′50″E

Piasa de le Erbe (o in modo più senplice Piasa Erbe l'è la piasa pì antiga de Verona, e sorge sora l'area del foro roman. Inte l'età romana xera el sentro de la vita połìtega ed economega; col tenpo i edifici romani i a lasà el posto a quełi medievałi.

Descrision

Piasa Erbe vista da la Tore dei Lamberti

La banda nord l'è ocupà da l'antigo pałaso del Comùn, da la Tore dei Lamberti, da la Ceza dei Xùdexi e da le caxe dei Mazzanti. La banda ovest, queła pì cèa, l'è serà dal baroco Pałaso Maffei, guarnìdo da diverse statue de grèghi: Giove, Ercole, Minerva, Venere, Mercurio, Apollo. La banda nord-ovest de la piasa fonda sul Campidoglio roman, che vardea verso el Foro. On mucio de abitasion conserva resti de piture a fresco. Sorge inte el lado sud la Caxa dei Marcànti (o Domus Mercatorum), indove anco el ga sede la Banca popołare de Verona. Le altre caxe più anoneme, ricorda par el raporto altesa - larghesa le caxe-tori de orìxene comunałe.

Monumenti

El monumento più antigo de la piasa l'è la fontana sormontà da la statua ciamà "Madona Verona". Sta qua in realtà l'è na statua romana, datà 380.

Altro monumento storego l'è el capitèl, dito Tribuna. Vien datà intorno al XIII secoło, periodo inte el cuało l'è stà utiłixà par varie çerimònie: in particołare, soto questo jera sentà i podestà par la çerimònia de l'insediamento e là inprestàva xuraménto i pretori.

Verso via Cappello se leva na antiga cołona sormontà da na edicoła de orìxene tresentesca, indòve inte le nìcie i ze scolpìde a rilievo le fegùre de la Verxene e dei Santi Zeno, Pietro Martire e Cristoforo.

Danànsi a pałaso Maffei sorge na anbiçióxa cołona in marmo biànco, su la sima indove l'è prexente el leon de San Marco, sinboło de la Republica de Venesia.

Galerìa fotografega

• 
  Piasa Erbe
• 
  Piasa Erbe
• 
  Altra veduta de la fontana
• 
  La Domus Mercatorum
• 
  Altra vista de la Domus Mercatorum
• 
  La "Tribuna"
• 
  Caxe afrescàde sul lado ovest de la piasa

Webcam

La prima Live Cam de la sità de Verona poxisionà su la Piasa de łe Erbe Verona in streaming video audio La Live Cam de Piasa erbe Verona Archivià il 6 de setenbre 2011 in Internet Archive.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Piasa de łe Erbe
• el detien schemi gràfeghi so