Piasa de łe Erbe (Verona)

Da Wikipedia, l'ençiclopedia libara.
Va a: navigasion, serca
Sto articolo 'l 'é scrito in veronexe
'Na veduta de insieme de la piasa: se vede al çéntro la fontana de Madonna Verona e dedrìo le Caxe Mazzanti

Piasa de le Erbe (o in modo più senplice Piasa Erbe l'è la piasa pì antiga de Verona, e sorge sora l'area del foro roman. 'Nte l'età romana xera el sentro de la vita połìtega ed economega; col tenpo i edifici romani i a lasà el posto a quełi medievałi.

Descrisión[canbia | canbia sorxente]

Piasa Erbe vista da la Tore dei Lamberti

La banda nord l'è ocupà da l'antigo pałaso del Comùn, da la Tore dei Lamberti, da la Céxa dei Xùdexi e da le caxe dei Mazzanti. La banda ovest, queła pì cèa, l'è serà dal baroco Pałaso Maffei, guarnìdo da diverse statue de grèghi: Giove, Ercole, Minerva, Venere, Mercurio, Apollo. La banda nord-ovest de la piasa fonda sul Campidoglio roman, che vardea verso 'l Foro. On mucio de abitasión conserva resti de piture a fresco. Sorge 'ntel lado sud la Caxa dei Marcànti (o Domus Mercatorum), indove anco' l'à sede la Banca popołare de Verona. Le altre caxe più anoneme, ricorda pa'l raporto altesa - larghesa le caxe-tori de orìxene comunałe.

Monumenti[canbia | canbia sorxente]

El monumento più antigo de la piasa l'è la fontana sormontà da la statua ciamà "Madona Verona". Sta qua in realtà l'è 'na statua romana, datà 380.

Altro monumento storego l'è el capitèl, dito Tribuna. Vien datà intorno al XIII secoło, periodo in cui l'è stà utiłixà par varie çerimònie: in particołare, soto questo jera sentà i podestà par la çerimònia de l'insediamento e là inprestàva xuraménto i pretori.

Verso via Cappello se leva 'na antiga cołona sormontà da 'na edicoła de orìxene tresentesca, indòve 'nte le nìcie i è scolpìde a rilievo le fegùre de la Verxène e dei Santi Zeno, Pietro Martire e Cristoforo.

Danànsi a pałaso Maffei sorge 'na anbiçióxa cołona in marmo biànco, su la sima indove l'è prexente el leon de San Marco, sinboło de la Republica de Venesia.

Galerìa fotografega[canbia | canbia sorxente]

Webcam[canbia | canbia sorxente]

La prima Live Cam de la sità de Verona poxisionà su la Piasa de łe Erbe Verona in streaming video audio La Live Cam de Piasa erbe Verona

Altri projeti[canbia | canbia sorxente]