Negroamaro
| Negroamaro | |
 | |
| Sinònemi | Albexe, Abrusexe, Jònego, Mangnaverde, Negro Amaro, Nero Lecexe, Nigra amaru, Niuru maru, Uva Can |
|---|---|
| Stato |  Itàłia |
| Xona de produsion | Puja |
| Cołore | Nero |
El Negroamaro (scrvesto anca negro amaro[1] e negramaro) xe un vignàl a baca negra coltivà scuaxi escluxivamente in Puglia, in modo partegołar inte el Salento.
Istòria[canbia | canbia el còdaxe]
L'orìxene del nome segondo alcuni no xe altro che ła ripetison de ła paroła nero in do łengue: nizer in łatin e μαύρο (trasliterà mávro)[2] in greco, da cui il dialettale màru. Segondo altri el derivarìa invese dal cołor asè mòro dei grani e dal saor amaro del vin[1]. El xe uno dei prinçipałi vignałi de l'Itałia Meridionałe.
Utiłixo[canbia | canbia el còdaxe]
Ła xe na ùa stremamente versatiłe, tanto utiłixada anca par ła vinfegasion in roxà. In comercio xe posìbiłe reperir sia prodoti vinifegài in puresa sia smisià. Tanto conosùo xe el Salice Salentino DOC che par disiplinar l'è otegnùo traerso un conpòsto de ùe Negroamaro 85% e Malvasia Nera 15%, ła cuała afievołise łe caratèristeghe note amarognołe tìpeghe del Negroamaro.
Sinonemi[canbia | canbia el còdaxe]
El vin xe conosùo co tanti altri nomi: Albese, Abruzzese, Arbese, Jonico, Mangiaverde, Negro Amaro, Nero Leccese, Nigra amaru, Niuru maru, Uva Cane.
Caratèresteghe[canbia | canbia el còdaxe]
Epoca de madurasion: mèdia (fin de setenbre-inisio de otobre), se registra variasion in baxe a ła xona de coltivasion. Vigoria: otima.
Produtività: bondante e costante.
Pexo mèdio del graspo: medio-ełevà (300-350 g).
Acino: medio-groso, forma ovałe pì łargo insìma; scorsa pruinoxa, de cołor negro viołaseo, poco sutiło e consistente.
Exigense anbientałi e colturałi: adatàbiłe co façiłità a diversi tipi de teren, co preferensa par cuełi calcareo-arxiłoxi, e ai climi caldi anca se àridi.
Utiłixi: escluxivamente par ła vinifegasion, in puresa o unìo ad altri vignałi, storegametne a ła Malvasia Nera (Malvasia Nera, Sangiovese, Montepulciano).
Inte ła cultura de masa[canbia | canbia el còdaxe]
El grupo muxegałe dei Negramaro ghe deve el nome a sto vignal.