Modà

Da Wikipedia, l'ençiclopedia libara.


Infotaula de personaModà

Cànbia el vałor in Wikidata
Atività
Atività 2002
ZènarePop Cànbia el vałor in Wikidata
Targheta discogràfega
Ultrasuoni
Àlbun5
Àlbun stùdio5
Repertòrio

Sito webrockmoda.com Cànbia el vałor in Wikidata










Facebook place: rockmoda
Twitter: rockmoda



MySpace: rockmoda


Youtube: UC57sVVuJpZuFCpxu4aec1KA












iTunes: 49762635

Musicbrainz: 0bd366c2-21db-4fd0-8a1f-7cfe935c660d
Songkick: 186470
Discogs: 1974635


Allmusic: mn0001491795














I Modà xe un grupo muxicałe pop rock itałian.

Istoria[canbia | canbia el còdaxe]

I scominsi[canbia | canbia el còdaxe]

Inte el 2003 i Modà publica l'EP a tiradùra dal titoło Via d'uscita registrà co ła cołaborasion de Alberto Cutolo 'rente i MassiveArtStudios de Miłan.[1]. L'EP, che al so interno ga 6 brani inediti vien comerciałixà inte el Nord Itałia, prinsipalmente inte i comuni limitrofi a l'est de l'Hinterland miłanexe. Dopo a na maùca atività live, inte el 2003 vien rimarcà a l'Indian Saloon de Bresso (MI) da Marco Sfratato, un diretor artistico, che łi fà exibìr inte el so primo pasajo tełevixivo ad un programa ciamà "Co tutto il cuore", so "Raiuno, co na prima version de Ti amo veramente, brano che deventarà el singoło de rimàrco de l'omonemo primo albun.

L'albun de exordio e ła prima partecipasion al Festival de Sanremo[canbia | canbia el còdaxe]

So'l scominsio del 2004 co l'juto de Marco Sfratato, i otien el so primo contrato discografico coła New Music de Pippo Landro, a cui segue ła prima publicasion del primo singoło Ti amo veramente. Inte l'otobre del 2004 el grupo publica el primo albun Ti amo veramente, conpagnà dal singoło Dimmi che non hai paura. Dopo l'insìda de l'albun, i concerti promosionałi inte łe piase itałiane permete ai Modà de farse conosere al publico pì vasto ed intrare ne łe clasifiche de vendita.

Inte el 2005 i partsipa al Festival de Sanremo sensa na caxa discografica a puxarli inte ła sesion "Giovani" co el brano Riesci ad innamorarmi. I otien boni consensi de critica e tanti pasagi radiotełevixivi, anca se i vien ełiminà ła sera stesa de l'exibision. Vien stanpà na segonda edision de l'albun Ti amo veramente, co ła xònta del brano portà a Sanremo.

Inte l'agosto del steso ano i partesipa a ła Xornàda Mondiałe de ła Xoventù 2005 che s'a tegnùo a Cołonia, indove i sona i so brani danànsi ad un publico un mucio numaròxo e no i se fa scanpàr l'ocaxion de prexentàr el brano Nuvole di Rock. So'l fenìr del 2005, avendo divorsià coła New Music, i firma un contrato co l'eticheta Around the Music. Sucesivamente, el (tastierista) Paolo Bovi, moła el grupo.

El segondo albun Quello che non ti ho detto[canbia | canbia el còdaxe]

El 16 magio 2006 i slansa el singoło Quello che non ti ho detto (Scusami...), che otien un otimo suceso sia radiofonico che de vendita. El videclip, ła cui regia xe de Gaetano Morbioli, vien xirà int'una viła del veronexe e trasmeso dai pì inportanti network muxegałi.

El 29 setenbre i publica el segondo laoro dal titoło Quello che non ti ho detto.

El 20 otobre ese in radio el segondo singòło Malinconico a metà. Na setimana drìo ese inte i network nasionałi el rełativo video. El brano otien un serto suceso radiofonico, anca se i rexultadi xe inferiori al precedente. Sucesivamente, el grupo publica cofà terso singòło el tòco Grazie gente, del qual xe stà girà un videoclip dai stesi conponenti del grupo, co łe imàxeni più inportanti e emosionanti de ła so atività dal vivo.

El rinovamento del grupo e el terso albun Sala d'attesa[canbia | canbia el còdaxe]

Inte el 2007 i Modà intra in studio par la registrasion del novo disco, ma durante el tenpo che i xe drìo laorarghe, do conponenti storici del grupo, el chitarista "Tino", e el baterista Manuel Signoretto sbandona el grupo. El cantante e leader del grupo Francesco Silvestre decide de no desfàr i Modà e continùar l'atività muxicałe co l basista Stefano Forcella, el chitarista sołista Diego Arrigoni e do novi muxicisti: el chitarista Enrico Zapparoli e el baterista Claudio Dirani.

El 11 avrìl ese ne łe radio el singòło Sarò sincero, primo estrato del terso disco publicà a magio e intitołà Sala d'attesa. Indilataménte drìo l'insìda del disco taca el Sala d'attesa live tour, che vede i Modà cofà protagonisti so oltra 50 palchi in tuta Itałia. Drìoman, dal steso albun vien estrato el segondo ed ultemo singòło Meschina.

El quarto albun Viva i romantici, el Festival de Sanremo e el suceso[canbia | canbia el còdaxe]

Inte l'istà del 2009 i Modà conose el so atuałe manager Lorenzo Suraci, anca prexidente de ła radio RTL 102.5 e puxandose a l'eticheta discografica Carosello (caxa discografica) i publica el so primo singòło; Timida.

Intanto el grupo se parecia par un nòvo tour e ła produsion del quarto albun, dal titoło Viva i romantici, el 12 marso 2010 vien fora el novo singòło estrato dal novo albun. Sono già solo, che deventa un suceso radiofonico e raxonxe el segondo posto de ła Top Digital Download itałiana[2].

L'8 otobre 2010 vien publicà el singòło dal titoło La notte[3] . Anca staltro deventa un suceso radiofonego e debuta a ła setima poxision de ła Top Digital Download itałiana par po' raxonxer indrìoman ła segonda poxision.[4].

Visto el suceso che ga avùo el grupo, el 26 otobre 2010, ła New Music (prima caxa discografega dei Modà) mete sol marcà un cofaneto CD+DVD dal titòło Le origini, el qual no xe altro ła risposta de l'albun Ti amo veramente co ła xonta de tràse live e montagi in DVD de varie exibision tełevixive e radiofoniche. Tałe disco, anca se no'l xe mai stà autorixà dai Modà[5], debuta a ła tredicexima poxision de ła Clasifica FIMI Artisti.[6].

Intanto vien formà l'eticheta discografica Ultrasuoni che vede ła fuxion dei tre network radiofonici più conosùi d'Itałia: Radio Italia, RTL 102.5 e RDS col cuało el grupo firma un contrato.

El 2 magio 2011, co Gianni Morandi e Roberto Vecchioni, i ciapa parte come ospiti al programa tełevixivo muxicałe Due[7]. Sucesivamente da l'album vien estrati i singòłi Vittima! e Salvami (tràsa un mucio sentìa dal cantante, in quanto scrita in un momento de sconforto, che raprexenta un diałogo tra łù e Dio). El 18 novenbre 2011, in ocaxion de l'insìda de Viva i romantici: Il sogno, l'è stà publicà el singòło Tappeto di fragole. In seguito vien publicà Viva i romantici - Il sogno, un cofaneto che contien el CD Viva i romantici più l'inedito "Anche Stasera" e el DVD del concerto sold-out del 3 otobre 2011. Ultimo singòło publicà xe stà Come un pittore: un doto co el cantante Jarabe de Palo. Sto singòło xe stà incixo ne ła version itałiana, ne ła version Spanish e anca inte ła version Italian\Spanish. Atualmente i Modà xe drìo łavoràr a l' album che vien, Gioia che vede ła partecipasion, come in Quello che non ti ho detto, del direttore d'orchestra Charles Burgi.

Formasion[canbia | canbia el còdaxe]

Atuałe[canbia | canbia el còdaxe]

Ex conponenti[canbia | canbia el còdaxe]

  • Manuel Signoretto - batteria (2003-2007)
  • Matteo "Tino" Alberti - chitarra (2003-2007)
  • Paolo Bovi - fonico (2003-2005)

Discografia[canbia | canbia el còdaxe]

Partecipasion al Festival de Sanremo[canbia | canbia el còdaxe]

Ano e Categoria
Brani (autori)
Interprete
Dotante
Piasamento
Sanremo Giovani 2005 Riesci a innamorarmi
(Francesco Silvestre)
Modà
Ełiminà
Sanremo Artisti 2011 Arriverà
(Francesco Silvestre)
Modà co Emma
Francesco Renga
2

Autori[canbia | canbia el còdaxe]

Note[canbia | canbia el còdaxe]

  1. Via D'Uscita - Cd - Moda'
  2. Classifica settimanale FIMI (Top Digital Download) dal 23/08/2010 al 29/08/2010, FIMI. entrada il 03/09/2010.
  3. "la notte" il nuovo singolo dei modànotizie.virgilio.it. entrada l'08/10/2010.
  4. Classifica settimanale dal 04/10/2010 al 10/10/2010. Top digital download FIMI-Nielsen Soundscan International, FIMI. entrada il 15-10-2010.
  5. Sito ufficiale Archivià il 13 de novenbre 2010 in Internet Archive.
  6. Le origini su italiancharts.comitaliancharts.com. entrada il 21 febbraio 2011.
  7. Gianni Morandi, Roberto Vecchioni e i Modà protagonisti di Duepaid2write.org. entrada il 30-04-2011.

Altri progeti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Modà&oldid=1147864"