Marco Polo

Da Wikipedia, l'ençiclopedia libara.
Va a: navigasion, serca
Marco Polo

Marco Polo (Venesia, 15 de setenbre 1254 - Venesia, 29 de genaro 1324) el xe stà un marcante e esplorador venesian, che insieme co so pare Nicolò e so zio Maffeo el xe stà uno dei primi oçidentałi a rivar fin in Cina (che lu el ciamava Catai) longo ła via de ła séda. Ła cronaca del so viajo ła xe contà 'nte'l libro Deuisament dou monde, mejo conosùo come el Miłion. El xe ritegnùo uno dei pi grandi esploradori de tuti i tenpi.

El viajo[canbia | canbia sorxente]

Nicolò e Matteo Polo i xera do fradei venesiani che i traficava spéso con l'Oriente, e inte'l 1252 i xera nà star a Costantinopołi, da 'ndove i xe partìi inte'l 1259 direti verso Est, rivando infine inte'l 1266 a Khanbaliq, el vecio nome de Pechino, dove i xe stà risevùi dal Gran Khan dei Mongołi. Tornai na prima 'olta a Venesia, i do fradei i xe ripartìi inte'l 1271 insieme co'l fiol de Nicolò, Marco, che'l gavea 'pena disete ani, rivando quatro ani dopo a Khanbaliq. I Polo i xe restai in Cina par altri 17 ani, e Marco el xe deentà un streto cołaborador e amigo del Khan, che el lo mandava in mision diplomatiche in giro par el so inpero, e el se faxea descrìvar da lu łe tere che'l gavea visto inte i so viaji e łe storie che'l gavea sentìo.

Dopo el so ritorno a Venesia inte'l 1295, Marco Polo el xe stà ciapà dei Xenovexi durante un scontro naval, e el xe stà tegnù prigioniero par calche mexe, durante sto periodo de tenpo el gà detà ła storia del so viajo a fra' Rustichello da Pixa, che'l la gà scrita inte'l Miłion.

Controversie[canbia | canbia sorxente]

In Croàsia se dixe che Marco Polo sia nasuo inte l'ixoła dalmata de Curzoła e donca el xè croato. No ghe xé però nisuna evidensa storica de sto fato.