Luisa Corna

Da Wikipedia, l'ençiclopedia libara.
Va a: navigasion, serca
Luisa Corna
Luisa Corna 'ntel 2008
Luisa Corna 'ntel 2008
Informasion xenerałi
Nasùo/a 2 de disenbre 1965, Palazzolo sull'Oglio
In atività dal 1992
Xenere muxicałe Pop, Blues, Rock
Eticheta discografega Joe&Joe
Atività prinsipałe cantante
Altre atività atrice, prexentatrice tełevixiva
Discografia
Àlbun publicai 2
Studio 2
Sito web

Luisa Corna (Palazzolo sull'Oglio, 2 disenbre 1965) xe 'na cantante, prexentatrice tełevixiva, atrice e modèła itałiana.

Come cantante ła gà partesipà al Festival de Sanremo 2002 in cùbia co' Fausto Leali e ła gà publicà do dischi, cofà condutrice ła gà prexentà tra l'altro i programi Tira e molla, Notti Mondiali, Si è proprio lui, Sognando Las Vegas e Domenica In, come atrice ła gà recità nel film Al momento giusto de Giorgio Panariello e ne ła fiction Ho sposato uno sbirro-

Biografia[canbia | canbia sorxente]

I exordi[canbia | canbia sorxente]

Luisa Corna gà tacà ła so carièra sfiłando par Dolce & Gabbana, Mariella Burani e Missoni, e puxando par fotografi cofà Fabrizio Ferri e Helmut Newton, fasendo 'na conparsa anca in alcuni spot.

Drìoman ła gà studià recitasion e dision al Centro Teatro Attivo e al Centro Professione Musica.

Ła gà tacà cantàre a 18 ani co' ła Tequila Band e 'ntel 1992 gà partesipà al Festival de Castrocarp par i xoveni tałenti, rivando segonda co' el brano Dove vanno a finire gli amori scrito da Depsa.

'Ntel 1997 ła gà fato 'na aparision nel ròło de ła dea Kalì 'ntel film Nirvana de Gabriele Salvatore.

El suceso[canbia | canbia sorxente]

'Ntel bienio 1997/98 ła xe stàda cantante fisa de Domenica in e 'ntel 1998 gà afiancà Giampiero Ingrassia prexentando Tira e molla, programa che l'à vista anca cantàr in quanto cantante. Dal 1999 al 2002 l'è stà la prexensa feminiłe fisa 'ntel programa sportivo Controcampo, in conpagnìa de Sandro Piccini.

Nel steso periodo ła gà recità 'ntel film Al momento giusto, de e co' Giorgio Panariello, (2000), nel ròło de ła fotoreporter Lara e 'ntel 2001 gà prexentà al Teatro Ariston Sanremo si nasce, co' Michele Cucuzza e Massimo Lopez.

'Ntel 2002 ła gà partesipà, come cantante in gara fasendo cùbia co' Fausto Leali, al Festival de Sanremo 2002 co' ła canson Ora che ho bisogno di te, clasificandose al quarto posto, e ła gà prexentà prima Notti mondiali, co' Marco Mazzocchi e Giampiero Galeazzi, po' Si è proprio lui, varietà co' ła regia de Pier Francesco Pingitore dedicà a ła scoverta de nòvi comici e imitatori.

Ła gà fato altre do condusion de łe edision dal 2002 al 2006 de Napoli prima e dopo, programa muxicałe dedicà a ła muxica partenopea; de Sognando Las Vegas 'ntel 2003, varietà tełevixivo trasmeso el sabo sera in 10 spontàde, e del premio Le Grolle d'Oro trasmeso so Raiuno da Saint-Vincent.

Giorgio Albertazzi 'ntel 2004 ła gà vosùa 'ntel ròło de ła maga Circe in una version teatrałe de l'Odisea, indove ghe gà dà voxe anca a łe sirène. 'Ntel steso ano ła gà inprestà ła so voxe anca al personaxo de Lola in Shark Tale, che ne ła version orixinałe xe dopià da Angelina Jolie.

'Ntel 2004, 2005, 2007 so Rai 1 ła gà prexentà: el Premio Barocco, riconosimento de ła celénsa itałiana; 'ntel 2005 dal teatro de Taormina, La Kore, kermesse dedicà ai maxori stiłisti itałiani, in cùbia co' Valeria Marini, e ancora 'ntel 2005 el David di Donatello, in conpagnìa de Mike Bongiorno.

El 31 marso 2006 xe insìo el so primo disco, intitołà Acqua futura, che gà undexe canson, tra cui ła title track scrita co' Gatto Panceri, L'ultima luna scrita da Renato Zero e Santa Vita cover de St. Teresa de Joan Osborne.

Ne l'edision 2006/07 de Domenica in...L'Arena ła gà dotà co' cantanti de diversi xeneri muxicałi ne ła so sesion canora drento al programa. Ne łe edision drìo 2007/08 e 2008/09 ła so sesion canora xe stà spostà in Domenica in... Rosa

Ła gà recità co' Flavio Insinna ne ła fiction Ho sposato uno sbirro (2008) e in quel'altro sucesivo Ho sposato uno sbirro 2 (2010), nel ròło de publico ministero Lorenza Alfieri.

'Ntel novenbre 2010 xe insìo Non si vede in silenzio, so segondo disco, che gà 2 Sillabe, brano sonà da Alex Britti, e diverse cover tra cui ła title track de Gino Paoli e Corri e vai; version itałiana de Run Baby Run de Sheryl Crow. El disco xe publicà da l'eticheta discografega de Joe&Joe.

'Ntel 20120 ła gà partesipà al talent de Rai 1 Tale e Quale Show ne łe vesti de Renato Zero (prima pontàda), Mina (segonda pontàda) e Liza Minnelli (quarta ed ultima pontàda); sucesivamente ła partesìpa al torneo dei canpioni del programa interpretando Amii Stewart (prima pontàda), Mariah Carey (segonda pontàda) e Rita Pavone (tersa pontàda), mentre ne ła quarta e ultema pontàda ła se exibise da nòvo cofà Whitney Houston.

Discografia[canbia | canbia sorxente]

Albun[canbia | canbia sorxente]

Singołi[canbia | canbia sorxente]

Tełevixion[canbia | canbia sorxente]

Filmografia[canbia | canbia sorxente]

Teatro[canbia | canbia sorxente]

Note[canbia | canbia sorxente]

  1. Scheda film Nivana so IMDB. URL consultà el 27 ottobre 20101.
  2. Scheda film Al momento giusto so IMDB. URL consultà el 27 ottobre 20101.

Altri progeti[canbia | canbia sorxente]


Łigadùre foreste[canbia | canbia sorxente]