Alex Britti

Da Wikipedia, l'ençiclopedia libara.
Va a: navigasion, serca
Alex Britti
Alex Britti so'l set del video "Piove"
Alex Britti so'l set del video "Piove"
Informasion xenerałi
Nasùo/a 23 de agosto 1968, Roma
In atività dal 1992
Xenere muxicałe Blues rock
Muxica d'autor
Eticheta discografega
Strumento voxe, chitara acustica e ełetrica
Atività prinsipałe cantante, muxicante, conponidor
Discografia
Àlbun publicai 7
Studio 5
Live 1
Racolte 1
Sito web

Alessandro "Alex" Britti (Roma, 23 de agosto 1968) xe un cantautore e chitarista italian.

Biografia[canbia | canbia sorxente]

A disisete ani, el fonda el primo grupo de xenere blues e taca a laorare nei locałi romani e a cołaborare co' muxicisti foresti in Itałia, da Louisiana Red a Buddy Miles e Billy Preston, fin a ła tournée eoropea co' Rosa King.[1] El suceso 'rente el grando publico riva ne l'istà del 1988, co' 'l so singoło Solo una volta (o tutta la vita) resbalsa al primo posto de łe clasifiche itałiane. A dir el vero el publica el so primo albun xa 'ntel 1992 co'l titoło senplice "Alex Britti" restà squaxi sconosùo, dovarà pasàr ben 6 ani 'vanti che un novo disco veda el ciaro.

Ne l'otobre del 1998 el gà publicà l'albun it-Pop, che gà vendùo più de tresentomìłe copie.

'Ntel 1999 el xe rivà a partesipàr al Festival de Sanremo vinsendo ne ła categoria Nove Proposte co' ła canson Oggi sono io, che qualche ano drìo xe stà incixa anca da Mina. 'Ntel 2000 el gà publicà el so segondo albun. La vasca e i so do singołi Una su 1.000.000 e La vasca ło gà menà da nòvo so'i primi posti de ła clasifeghe.

'Ntel 2001 el gà partsipà da nòvo al Festival de Sanremo co' Sono contento, che se gà clasifegà al setimo posto. El 5 xenaro 2002 xe infra i super ospiti so Rai Uno del programa Un Ponte fra le stelle, ła Curcuma dei putełi vitime de łe guère e del terorismo, prexentà da Mara Venier e prodòto da Ruggero Pegna e "Far Film", co' el Patrocinio de l'Alto Comisariato de łe Nasion Unìe par i Refugiài.

'Ntel 2003 el torna al festival co' 7000 caffè (se gà clasificà secondo subito dopo Alexia). Po' el gà publicà el so terso albun "3" che contien anca i so ùgnołi, La vita sognata e Lo zingaro felice.

'Ntel 2005 el gà publicà el so quarto albun dal titoło "Festa", dove che xe prexenti tre canson conposte in cołaborasion co' Maurizio Costanzo. Da l'albun xe stài estrati tre singòłi: "Prendere O Lasciare", "Festa" e "Quanto Ti Amo".

'Ntel 2006 el xe ritornà al Festival de Sanremo co' "...Solo con te", clasificandose terso neła categoria omeni. 'Ntel steso ano da ła cołaborasion co' Edoardo Bennato nase el doto "Notte di mezza estate" cołaborasion che porta i do a xiràr tuta Itałia co' un tour che łi gà visti exibirse insieme.

Britti durante 'na pauxa so'l video de ła canson "Quanto ti amo"

El 29 setenbre 2007 gà registrà nei studi de Mtv Itałia el segondo MTV unplugged itałian de ła storia: el concerto che rivixita i concerti del chitarista in version acustega patòca, xe insìo el 1° febraro 2008, in un cofaneto a preso speciałe Cd+Dvd e, inaxonta, xe xe stà trasmeso so' Mtv el 28 xenaro 2008. 'Ntel concerto xe xa prexente anca un brano xa de l'albun La vasca. Milano, primo singoło estrato da l'albun xe stà trasmeso da łe radio e da Mtv steso a partir da xenaro 2008. Dal secondo MTV Unplugged itałian xe stà estrato anca un novo singoło Favole. Ne ła so band in sto ulimo laoro: Luca Scorziello ałe percusion, Stefano Sastro al piano, Luca Trolli a ła bateria, Emanuele Brignola al contrabaso, Monica Hill e Gabriella Scalise a łe voxe, Hugo Tempesta al mixer.ù

'Ntel 2009 el gà sonà ła chitara ne l'ultimo disco de Claudio Baglioni "Q.P.G.A" ne ła canson "Piazza del Popolo".

El 25 setenbre 2009 xe vegnùo fora so'l marcà el singoło "Piove", seguìo, el novenbre, da l'insìda del novo albun de inediti intitołà 23. Spartìse infati co' łù questa nova aventura discografica "mostri sacri" cofà el basista Darryl Jones (Miles Davis, Sting, Eric Clapton, Rolling Stones), el baterista Paco Sery (xa 'ntel Joe Zawinul Syndacate, muxicista çełebrà da Jaco Pastorius e Wayne Shorter), el sasofonista Bob Franceschini (infra i altri, co' Mike Stern) e l'arpista Cecilia Chailly (sołista afermàda e xa al fianco, intra i altri, de Fabrizio De Andrè, Mina, Ludovico Einaudi). Inaxonta a l'albun gà partesipà uno dei nomi itałiani pì iłustri del momento, queło del viołinista e arangiator Davide Rossi, xa al fianco de Brian Eno, Robert Fripp, The Verve, Golfrapp, Royksopp e ultimamente al laoro par i archi de "Viva la Vida" dei Coldplay.

El 6 novenbre xe stà publicà el so novo sito uficiałe wwww.alexbritti.com par el quało Alex Britti gà personalmente conponesto ła cołona sonora co' do trase strumentałi inedite.

'Ntel 2011 el riłasa el singoło Immaturi cołona sonora de l'omonemo film Immaturi de Paolo Genovese.

Discografia[canbia | canbia sorxente]

Albun uficiałi[canbia | canbia sorxente]

EP[canbia | canbia sorxente]

Racolte[canbia | canbia sorxente]

Live[canbia | canbia sorxente]

Singołi[canbia | canbia sorxente]

Singołi in Hit Parade[2][canbia | canbia sorxente]

Ano Titoło Masima
Poxision
Poxision anuałe
1998 Solo una volta (o tutta la vita) 2 11
1999 Mi piaci 8
1999 Oggi sono io 1 25
2000 Una su 1.000.000 5 57
2001 Sono contento 4 77
2001 La vasca 45 -
2003 7000 caffè 13 -
2005 Prendere o lasciare 19 -
2006 ....solo con te 30 -
2006 Notte di mezza estate (con Edoardo Bennato) 8 45

Cover[canbia | canbia sorxente]

  • 'Ntel 2000 el cantante spagnoło Sergio Dalma gà reałixà 'na cover del brano Solo una volta (o tutta la vita) de Alex Britti cantàda in spagnòło e intitołà Solo una vez. El brano xe stà interpretà in doto co'l steso Alex Briti e xe stà incluxo 'ntel albun Nueva Vida de Sergio Dalma.
  • 'Ntel 2001 ła cantante Mina gà reałixà 'na cover de Oggi sono io publicà in un CD singoło

Merchandising[canbia | canbia sorxente]

'Ntel 2010 l'entourage del cantante mete in comercio 'na łinea de prodoti personałixài[3] co'l nome de Alex Britti.

Note[canbia | canbia sorxente]

  1. (IT)Biografia so Italica Rai
  2. (IT) Hit Parade Itałia - Clasifiche dischi, charts, canson, testi, muxica lixiiera, box office italia, clasifica film, discografia, festival de sanremo
  3. (IT) El sito del merchandising de Alex Britti

Altri progeti[canbia | canbia sorxente]


Łigadure foreste[canbia | canbia sorxente]