Joe Satriani

Joe Satriani
Biografia
Nasimènto	15 de lujo del 1956 (68 ani); Westbury (New York) (it)
Dati personałi
Altri nomi	Satch
Formasion	Carle Place High School (en) ; Five Towns College (en)
Atività
Ocupasion	chitarista, pedagozista, conpozitor, sonador de banjo, mandołinista
Atività	1986
Menbro de	Squares (en) ; Chickenfoot (it)
Zènare	Rock, blues, rock strumentale (it) , rock & roll, rock duro, fusion (it) , heavy metal classico (it) e progressive metal (it)
Influense	Jimi Hendrix (it)
Instrumento muzicałe	chitara
Targheta discogràfega	Epic Records (it)
Àlbun	22 (da sołista)
Àlbun stùdio	14 + 2 EP
Àlbun dal vivo	4
Àlbun compilation	2
Repertòrio
	Fusion, Rock Strumentałe, Hard Rock, Heavy Metal
Sito web	satriani.com

Joseph "Joe" Satriani (Westbury, 15 łujo 1956 el ze un ghitarista statunitense

Biografia

Satriani el gà raìze itałiane (i noni infati i gera de Piacensa e de Bobbio, cuełi de ła parte de só mare de Bari) infati inte'l só primo live itałian a Trezzo sull'Adda el ga ezordìo in itałian dizendo "Buona sera a tutti mi chiamo Giuseppe Satriani" (Bona sera a tuti A me ciamo Giuseppe Satriani) confermando łe só raìze. Dopo aver scoltà Jimi Hendrix, co el gà 14 ani el taca sonàr el strumento che'l ghe darà sełebrità, ła ghitara. Inte'l 1978 el taca dar lesion de ghitara par mantenjerse. Intrà i só studenti ghe ze anca chitaristi deventài indrìoman famozi profesionisti 'fà Steve Vai, Kirk Hammett dei Metallica, David Bryson dei Counting Crows, Larry LaLonde dei Primus e Alex Skolnick dei Testament.

El só primo vero àlbun (Not of this Earth) el vien publegà soło inte'l 1986, soratuto in pì in un primo momento inte'l cuało el se fiansiava da só posta. Finalmente, grasie al só ex puto Steve Vai, el trovarà un acòrdo pa'ła publegasion co ła Relativity Records. El suceso el riva co'l segondo àlbun produzesto da ła stesa caza discogràfega e el cui titoło el ze Surfing With The Alien, ełezesto drioman a mejo àlbun chitarìstego de l'ano, par el cuało l'artista el reseve el disco de platino.

Inte'l 1988 Satriani el vien ciamà da Mick Jagger par sostituir Jeff Beck cofà ghitarista par el só primo tour sensa i Rolling Stones. Dopo el tour, esperiensa un mucio inportante, come ch'A declararà pròpio Joe, el reałiza inte'l steso ano el só terso albun Dreaming#11 (co brani in studio e brani live) e par el cui łaoro el riseve el disco d'oro e l'ano drìo el produze n'altro albun Flying in a Blue Dream, indove se pol anca scoltàr la só voze (in alcune tràse), seguìo inte'l 1992 da cueło che oncora ancùo el ze el só albun pì apresà da ła critica: The Extremist.

Inte el 1993 el publica Time Machine (disco live più disco in studio). Tra el disenbre del '93 e i primi sìe mezi de'l 1994 el ze co i Deep Purple par ciapàr el posto de Ritchie Blackmore che'l gaveva mołà ła band durante el pien de un tour. Inte'l 1995 el pùblega Joe Satriani, albun da'l son mazormente blues e che'l se destaca dai só presedenti łaori. Inte'l marso de'l 1998 Joe Satriani el reistra el só otavo albun Crystal Planet. Inte'l 2000 A vien fora l'albun Engines of Creation co ciare influense de mùzega ełetrònega. Come ch'A dizarà el steso Satriani, "no A se pol considarar ła mùzega dei Prodigy".

Da'l 1996 Satriani el gà invià el prozéto G3, un tour in cui co Satriani el se ezibise Steve Vai e Eric Johnson. Drioman co Satriani inte el projeto G3 A se gà alternà altri virtuozi de ła ghitara cofà Yngwie Malmsteen, John Petrucci, Robert Fripp, Paul Gilbert, Steve Morse. El conserto el prevede, in zenerałe, na prima parte inte łe cuałe onji ghitarista el propone tochi propi, seguìa da na jam in cui i tre i se sfoga łibaramente a ła propia verve inprovizando so brani asé famozi cofà Voodoo Child o Smoke On The Water. Durando ła só carièra Satriani el gà anca cołaborà co un mondo de altri artisti infra i cuałi Blue Oyster Cult, Alice Cooper, Stuart Hamn, Pat Martino, Spinal Tap e Ian Gillian.

Inte'l 2009 co Chad Smith dei Red Hot Chili Peppers, Sammy Hagar e Michael Antony dei Van Halen el fonda el grupo Chickenfoot. 'Sto supargrupo el ga publegà el só albun de debuto in Europa el 5 zunjo 2009 par l'eticheta earMusic (grupo Edel). Inte l'istà de'l 2010 el entra in studio par rejistràr el só tredezèzemo albun, che'l venjarà publegà ad otobre de'l steso ano.

Vita privàda

Satriani el se definise catòłego (anca se rare vòlte el parla de ła só féde). Spozà da oltra vint'ani, mai divorsià, el gà esprimesto inte i só dischi ła só sensibiłità par i vałori de ła famegia, par ezenpio co Home, Always with me, always with you, Rubina, You saved my life e co i vari rifarimenti a só muger, Rubina.

Achipajamento

Ghitare e pickups

Co el sona da'l vivo, Satriani el uza ghitare Ibanez pì o manco da'l 1987. Inte'l 1990 Ibanez ła reałiza el modeło signature JS Joe Satriani model, che'l sarìa na 540Radius modiegà co ła cołaborasion de'l mùzego. El modeło JS el eziste in racuante varianse: JS1, JS6000, JS900, JS1000, JS2000, JS1200, JS2400 e altre (pì che altro rarése o reałizàe in Corea), e segondo el modèło el monta vari pickups DiMarzio (PAF Pro, FRED, PAF Joe, Mo Joe). Oltra ai modèłi de serie, Joe fa de frecuente siało de modèłi custom co gràfeghe partegołari, ma da łe caratarìsteghe invariàe respeto ai modełi de produsion (ad ezenpio na Ibanez bianca co el logo dei Chickenfoot so'l body). In studio, oltra a łe Ibanez, Joe el dopara na gran mota de ghitare che apartien a ła só granda cołesion vintage, soratuto Fender e Gibson d'anàda.

Anplifegadori

Satriani el dòparava anplifegadori e cabinet Marshall, masime ła serie Anniversay 6100 tre canałi, vanti ch'el pasase a Peavey. Par un periodo el gà utiłizà anplifegadori Peavey JSX, prodòti soto so indegasion, e case Peavey JSX 4x12, ma da'l tour co i Chcikenfoot (2009) el ze tornà ad uzàr Marshall. Inte'l so ùltemo tour, The Wormhole Wizard Tour, el uza anplifegadori Marshall JVM 410 modifegà soto so indegasion dai inzenjeri Marshall.

Rack ed efèti

Inte'l só setup A ze prezenti do delay Vox Joe Satriani Time Machine (Satriani Signature), setà in maniera tałe da aver do tipołozìe de eco: uno pì curto par łe ritmiche ed uno pì łongo par i asołi. Inte ła só pedałiera A ghe ze : un wah-wah modeło Vox Big Bad Wah (Satriani Signature), un POG Poliphonic Octave Generator, do destorsori Vox Joe Satriani Satchurator (zviłupài da ła Vox soto ła personałe suparvizion de l'artista), un Fulltone Ultimate Octave, un Boss CH-1 Super Chorus, un destorsor Boss DS-1, un DigiTech Whammy IV, un compressor/sustainer Boss CS-3.

Patàche e tracòłe

El sona co patàche Planet Waves JS 0.83 e tracòłe Planet Waves desenjàe da łù.

Discografia

Sołista

Full-length

1986 – Not of This Earth
1987 – Surfing with the Alien
1989 – Flying in a Blue Dream
1992 – The Extremist
1993 – Time Machine
1995 – Joe Satriani
1998 – Crystal Planet
2000 – Engines of Creation
2002 – Strange Beautiful Music
2004 – Is There Love in Space?
2006 – Super Colossal
2008 – Professor Satchafunkilus and the Musterion of Rock
2010 – Black Swans and Wormhole Wizards

Filmografia

2012 – Satchurated: Live in Montreal

Curiosità

La canson Satch Boogie se cata inte el videoxogo Guitar Hero World Tour.
La canson Summer Song se cata inte el videoxogo Gran Turismo 4.
La canson Back to Shalla-Bal se cata inte el videoxogo Formula One 95.
La canson Speed of Light, prexente 'ntel' albun Time Machine, fa parte de ła cołona sonora del film Super Mario Bros..

Bibliografia

Gianluca Verrengia, Massimo Mingardi, Joe Satriani. Il sogno della chitarra totale, 2002, Editori Riuniti, ISBN 978-88-359-5215-2

Note

↑ Nell'edizione su DVD del 2005, il brano Camel's Night Out di Eric Johnson ze stato sostituito co S.R.V., dedicato alla memoria dello scomparso Stevie Ray Vaughan.
↑ Dallo stesso tour ze stato realizzato il DVD G3: Live in Denver co una diversa lista tracce.

Linganbi foresti

(inglezo) Sito ufisałesatriani.com. Sconosesta: inglezo (juto)
Joe Satriani (canale ufisałe)YouTube.
Joe SatrianiLast.fm, CBS Interactive.
(EN) Joe SatrianiAllMusic, All Media Network.
(EN) Joe SatrianiDiscogs, Zink Media.
(EN) Joe SatrianiMusicBrainz, MetaBrainz Foundation.
(EN) Joe SatrianiWhoSampled.
(EN) Joe SatrianiSecondHandSongs.
(EN) Joe SatrianiEncyclopaedia Metallum.
(EN) Joe Satrianigenius.com.
(EN) Joe SatrianiInternet Movie Database, IMDb.com.

(EN) Satriani.com, sito web uficiałe
(EN) Date del G3 tour
Foto del concerto de Joe Satriani a Trezzo Sull'Adda (11 zugno 2008) Archivià il 4 de zunjo 2010 in Internet Archive.

Altri progeti

Wikimedia Commons el detien imàjini o altri file so Joe Satriani
Scholia el detien schemi gràfeghi so Joe Satriani

Controło de autorità	VIAF (EN) 5989392 · ISNI (EN) 0000 0000 7838 9790 · Europeana agent/base/60730 · LCCN (EN) n93069043 · GND (DE) 128628448 · BNF (FR) cb139427231 (data) · NLA (EN) 40580477 · WorldCat Identities (EN) n93-069043

[1] Nell'edizione su DVD del 2005, il brano Camel's Night Out di Eric Johnson ze stato sostituito co S.R.V., dedicato alla memoria dello scomparso Stevie Ray Vaughan.

[2] Dallo stesso tour ze stato realizzato il DVD G3: Live in Denver co una diversa lista tracce.

[1]

[2]