How I Met Your Mother

Da Wikipedia, l'ençiclopedia libara.
Va a: navigasion, serca
How I Met Your Mother
Paexe Stati Unii de ła Mèrica
Ano 2005 - in produsion
Formato serie TV
Xenere sitcom
Stajon 8
Epixodi 184
Durata 22 minudi (a epixodio)
Lengua orixenałe Inglexe
Carateristeghe teniche
Aspect ratio 16:9
Risołusion 1080i
Cołore a cołori
Audio Dolby Digital 5.1
Crediti
Ideator Craig Thomas, Carter Bays
Regia Pamela Fryman
Produtor executivo Carter Bays, Craig Thomas, Pamela Fryman, Rob Greenberg
Caxa de produsion Bays & Thomas Productions, 20th Century Fox Television
Interpreti e personaji
Voxe e personaji
Prima vixion
Dal 19 de setenbre 2005
Al in corso
Rete tełevixiva CBS
Se invita a seguir łe linee guida
del Projeto Tełevixion

How I Met Your Mother (łeteralmentre Come go catà vostra Mare (titoło Tałian: E alla fine arriva Mamma par łe prime dó stajón, pò conpanho al titoło Inglexe), ła xe na serie tełevixiva ndà in onda par ła prima òlta el 19 de Seténvro 2005 in Mèrica. Kéła de i àni 2013-2014 ła serà ła nòna e oltima stajón. Sta serie ła va drìo al personajo prinçipał, Ted Mosby, e el só s'ciapo de amighi k'i stà de caxa a Manhattan, ł'ìxoła de New York. Ted, nte ł'àno 2030, el ghe cónta a só fiółi i fati ca i ło ga portà a catar só mare de łuri.
Ła serie ła xe stà creà da Craing Thomas e Carter Bays, k'i xe speso anca produtori executivi e scridori. Ła xe stà, insiéme co' calke personajo, łibaraméntre ispirà da ła só amiçìsia da zóveni. Tuti i epixòdi a parte dódexe (de 180 totałi) i xe stà dirixésti da Pamela Fryman.
Łe riprexe par ła 9^ stajon łe ga tacà nte ła seconda setimana de Lujo.
Conhoxésto par ła só strutura unega e 'ł senso de ł'umorìxmo s'centrà da i skèmi mericani, How I met your Mother a xe stà on sucèso fra ła crìtega nte ła major parte de i epixòdi e 'l ga ciapà on status de cult àno dopo àno. El xe stà nomenà par 24 Emmy awards e ghi n'à vinti 7. Dó atùri de ła sèrie i ga vinto el People's Choice Award par el mejo atór e ła mèjo atrìxe, nteł 2010 e nteł 2012.

Atùri[canbia | canbia sorxente]

  • Josh Radnor el xe Ted Mosby, on profe de arkitetura e personajo prinçipał de ła serie. El se ga trasferìo a New York City co' i só amighi Marshall e Lily dopo èsarse łaureà a ła Wesleyan University. A New York el ga incontrà Barney (al ceso del [[MacLaren's Pub, ł'ostaria ndó ca el va ispeso co' i amighi) e Robin, ca da i primi epixodi de ła serie ła deventa parte del s'ciapo. Ted el xe a ła riçerca de ła felixità e de "Keła Justa", ła femena ca el maridarà. El xe el pì asè maùro del s'ciapo, prefarendo intarèsi pì "alti" e gałanti de i altri. El fa grandi sèsti par confesàr el só amor a łe femene de ła só vida, ma tute coante łe se riveła xbajà dopo on poco. Anca sa 'l ga stì intarèsi, ispeso Ted el se conporta fà on imaùro, par exenpio ndandoghe drìo a Barney nte łe só venture da mato. El xe on gran fanatego de Star Wars e ispeso el cita el só poeta preferìo, el Ciłen Pablo Neruda. El xe naxésto in Ohio, ma el se conmsiderà on vero New Yorkexe.
    A ła fin el cata ł'amor de ła só vida, mostrà al publico par ła prima òlta nteł finał de ła 8^ stajon.
  • Jason Segel el xe Marshall Eriksen, el mejor amigo de Ted (anca sa Barney el dixe de èsar lù). El ga maridà Lily, ca 'l ama dal primo àno de universidà, e insieme co' eła el xe na ispirasión par Ted e ła so riçèrca del vero amor; cofà Ted, el vien da fora New York (el xe naxésto in Minesota), ma ła considera ła só vera caxa. El ga el sònho de deventar on avocà de ł'anbiente, ma el xe stà tenporaneamente blocà dal łaoro co' Barney a ła GNB (Goliath National Bank) ca ga fato par pagar el maridaùro co' Lily, e el se pente de onhi altro momento pasà rento lìve.
  • Alyson Hannigan ła xe Lily Aldrin, mèstra de scóła materna e só mojère de Marshall. Ła xe sènpre pronta a risolvere i problemi del s'ciapo e ła se ofre sènpre cofà spała ndó piànxar. Barney el se dexbotona ispeso co éła, anca sa no ła xe bòna de tenhèr i segrèdi. Ła ga conhoxésto Marshall al primo àno de Universidà e i xe sènpre stà moroxi, mołàndose domè na òlta. Anca sa ła pàr dolxe, ła xe na bronsa coèrta, mostrandose calke òlta agresìva o sesualmente famèlica. Co' ła 7^ stajon ła xe rimasta inçinta e ła ga dexgravà el só primo fióło, ciamà Marvin Ècołocalriva Eriksen (in Inglexe Marvin Waitforit Eriksen. ndó ca Wait for it xe na fraxa dita sènpre da Barney). Ła xe nata par davèro a New York.
  • Neil Patrick Harris el xe Barney Stinson, dirixente dal ròło no ben speçifegà a ła Goliath National Bank e "Bro" de Ted.
  • Cobie Smulders ła xe Robin Scherbatsky, xornalista e ex-moroxa de Ted.
  • Cristin Milioti ła xe ła toxa co' ł'onreèła xàła/ła Mare, só futura mojère de Ted (da ł'oltimo epixodio de ła otava stajon).
  • Bob Saget (soło ła vóxe) el xe Ted del Futuro, kéło ca 'l ghe conta a i só fiółi ła fòła de come ca 'l ga catà só mare.