Frase

Da Wikipedia, l'ençiclopedia libara.
Va a: navigasion, serca

La frase (da 'l greco φράση frase, sentenža, espression) la è al massimo segmento te 'l qual al pol gner dividest al descorso uman. Na frase la se conpone de diversi sintagmi, costituidi a so olta de fonemi, cenesti insieme da regole sintatiche. In pratica ogni enuncià al pol gner analizà come frase.

Strutura de la frase[canbia | canbia sorxente]

Al sintagma al è al elemento principal e minimo de la frase. La gran part de le frasi produseste te la comunicažion umana le consiste te 'n sintagma verbal e te 'n sintagma nominal (es: mi magne, Nani al dorm), anca se solche la presenža de 'n sintagma verbal la è suficiente par individuar na frase. Ten žerte lengue, come te 'l italjan, te 'l greco e te 'l latin, al sintagma co funžion de sojeto al è esprimest da la marca morfologica de 'l verbo e anca te le lengue aonde che al sojeto al ndà senpre esprimest esiste frasi fate solche da 'l sintagma verbal (es: todesch Komm, inglese Come, francese Viens.

No manca comunque frasi aonde che al sintagma verbal al manca' e te le quale ghe n'è solche sintagmi nominai (es: bela jornada!, su 'l serio?, sì).

Al sintagma verbal al pol esser anca sostituì da eventuai altri sintagmi nominai, come te 'l caso de le frasi elitiche: a Mario ghe pjass i dolci, a mi no.

Ten espression cristalizade i toch che i manca i pol esser sostituidi da 'l uso: an saluto come sani al pol gner esplicità te na frase conpleta come es. ghe augure de mancenerghe sani.

Ten altre lengue se à daspess frasi nominai quando che al sintagma verbal al è costituì da na copula (latin pulchra puella). Ten sto caso no se pol parlar de la frase elitica vera e propria parchè al nome o al agetiu in posižion predicativa al gnen esprimest normalmente.

Par eliminar anbiguità de significato, i è indispensabili i segnai no verbai che te la comunicažion a voce i se esprime tramite la intonažion (varda prosodia) e che te la lengua scrita i se esprime te la puntegiadura (varda ortografia).

Una de le proprietà fondamentai de na strutura sintatica la è quela de 'l incassament, par la qual tra do elementi de na frase se pol senpre dontarghen an teržo. Sto fenomeno se 'l cata da spess par todesch co 'l nome de satzklammerung. An esenpio: i me amighi e i me cari amighi a livel de sintagma e al libro al me à piasest e al libro che tu me à dat al me à piasest.

Voci colegade[canbia | canbia sorxente]