Modo de dir

An modo de dir al è na frase o na locužion da 'l senso particolar proprio de na lengua specifica, e la so tradužion leteral 'te 'n nantra lengua no la à an senso logico e la ciama, par esser intendesta, na tradužion logica.
In altre parole la è na frase che no la pol ciapar al so significato da la conbinažion lessical de i elementi de 'l descorso, ma da la interpretažion che i parlanti i è usadi a cavarghe.

Esenpi

• es: Sbassa la cresta, e al so senso logico al è: no sta a farte veder massa inportante.
• es: ndar 'te i schit, e al so senso logico al è: malarse de 'n brut mal, restar infermi.
• es: Cener cont par la spina e spander par al cocon, e al so senso logico al è: cener cont aonde che no ghe oree par po' spender tanti schei aonde che no ocor.
• es: Pjoer a sece reverse e al so senso logico al è: pjoer tant.

La tradužion de i modi de dir

Tante olte an modo de dir al è fadigoss da traduser par altre parlade, e la tradužion logica la richiede al uso de perifrasi anca longhe.

Modèl:Chiarire.

Secondo John Saeed, se trata de parole che, ligade insieme, le se à fissà te 'l tenp te na espression fossilizada

Voci colegade

• Proverbio
• Frase fata

Modi de dir

A

• Al pjou a sece reverse = al pjou tant
• Al Sol al magna le ore = al tenp al passa

C

• Cener cont par la spina e spander par al cocon = spidociar te le spese pižole e necessarie senža meterghe la testa, par po' dopo spender tant par remedjarghe

D

• desmentegarse de tirar al fià = morir

E

• El salto dea quàia = vegner fora da la mona
• Entro par na recia e fora par quelaltra = no scoltar
• Er le man de stopa = no esser boni de cener o manovrar qualcossa te le man
• Erghen pjene le braghe o erghen pjene le bale o erghen pjeni i cojoi = esser stufi

F

• Far fin fun = esser tant svelti
• Far rece da marcante = no scoltar

L

• Ligar al muss aonde che ol al paron = far quel che diss al paron

M

• Meter fogo sot a 'l cul = meter pressa

N

• Ndar a opera = ndar in žerca de qualcheduni che jute
• Ndar te i schit = malarse de 'n brut mal, restar infermi

S

• Sbassar la cresta = redimerse, no farse veder massa inportante
• Scoltar co le rece de 'l martel = no scoltar
• Smacar al fante = dugar a le carte
• Smonar la cavala = darse da far par la comunità

T

• Tor quel che gnen = Acetar al destin

Altri progeti

• Wikizionario

• Sul Wiktionary ghe xe ła voxe de disionario «Modo de dir»

Colegamenti esterni

• Modi de dir par inglese