Fiume Niger

Da Wikipedia, ła ençiclopedia libara.

Mapa del corso de el Fiume Niger, in verde el basino del fiume

El Fiume Niger el xe el pi importante fiume de l’Africa Ocidentale. El Niger el xe longo 4200 km e el core da la Guinea al Golfo de Guinea pasando tra Guinea, Mali, Niger, al confin tra Benin e Nigeria, par finir co el delta, en Nigeria. El xe anca el terzo fiume africano dopo Nilo e Congo.

[modifica] Giografia

El Niger nase e pasa da zone rociose. En stò modo, el no porta limo e gha le acque ciare. Tuti i ani, dopo le piove, el Niger se ingrosa a scominzsiar da setembre fin a magio. Co el riva en Nigeria, el teren piato parmete la formazsion de el delta, co n’area pi grande del Belgio. El Niger el nase a dozento km da la costa, ma el se porta verso el deserto del Sahara e, co el riva a Tinbuctu, el gira a sud verso el Golfo de Guinea. Nel pasà, i antichi pensava che el fuse on toco de fiume Nilo (Plinio e ibn Battuta) e el xe stà solo en tel XIX secolo che tuto el traciato xe stà registrà da i giografi. El delta xe rico par la pesca e l’agricoltura. Ancò el delta del Niger el xe famoso par lo sfrutamento de el petrolio e le condizsioni d einsicurezsa dovua a la lota par l’autodertminazsion de i popoli de el Delta.

El Niger a Kulikoro

[modifica] Nome

Tanti i pensa che el nome Niger el vegna dal latin niger, nero. Altri i dixe che i portoghexi gha dato stò nome – Rio Negro – come i gha fato in altri posti. Bisogna parò dire che le acque del Niger no le xe nere, o scure; e che le popolazsioni che vive longo el fiume no le xe le pi nere de l’Africa. El nome vien da la lengoa tuareg, che i le ciama gher n’ ghren, o anca solo n’gher, che vol dir el fiume de i fiumi. On antico testo giografico en latino (Tabula Peutingeriana) parla de el Flumen Girin (Hoc flumen quidam Girin vocant, alii Nilum appellant dicint enim sub terra Etyopium in Nilum ire Lacum – el fiume ciamà Girin, che altri i ciama Nilo e che el se buta nel Lago Nilo). Sto testo no l’è preciso, ma el miscia verità co suposizsioni. Na olta se pensava che Niger e Nilo fuse en colegamento. El xe anca vera che, en tempi preistorici, el fiume Niger el formava on grande lago da le parte de Tinbuctu.