Ditatura

Da Wikipedia, ła ençiclopedia libara.

Na ditatura o ditadura ła xe un tipo de governo 'ndo che na persóna (o un grupo de persóne) ła ciapa tuti i poteri co ła forzsa e ła governa in modo asołuto senzsa rispetar i diriti fondamentałi (p.ex: come libartà personałe) dei zsitadini e fando e disfando łe leje come che ghe par e piaxe senzsa nisun controło.

Ła creazsion de na ditatura spéso ła produxe ła sospension de ła costituzsion dàndoghe tuti poteri al ditator o faxendo aprovar (co ła forzsa o łe minacie) na costituzsion aposta che dà tuti i poteri al ditator in forma legałe.

Sicome che "ditatura" ła se riferise a ła forma de governo pi che a łe ideołogìe, ghe xe o gh'è stà ditature de destra (fasismo, nazsismo) e anca de sinistra (comunismo) independentemente dal sistema econòmico-sociałe proposto.