Carlo Ruzzini

Da Wikipedia, l'ençiclopedia libara.
Va a: navigasion, serca

Carlo Ruzzini (Venesia, 11 de novembre 1653Venesia, 5 de genaro 1735) xe stà un doge venesian.

Vita[canbia | canbia sorxente]

Nato da Marco e Caterina Zeno, el gaveva du fradei. El xe sta el sentotredexeximo doxe deła Republica de Venesia.

Essendo siòr, el se ga dedicà ała cariera diplomatega, rivando presto in sima. Ła decadens deła Republica de Venesia e ła guera contro i turchi 'ntel periodo 1684-1699 ła ga conportà ła necesità de catar abiłi diplomateghi e questo a ga avantajà ła cariera del Ruzzini.

Carlo Ruzzini ritrato de Gregorio Lazzarini.

Łe notisie pì intaresanti sora ła so vida łe se cata durante łe tratative a Carlowitz (1698-1699), impegnà, senza granda fortuana, a otegner dei vantaj par ła so patria.

'Na serta exitasion e ła paura de ciapar decixion sbaglià presto i ło ga rexo sgradìo ai altri negosiadori che, quindi, presto i ło ga tegnù fora dałe decixion pì inportanti.

Sto epixodio no 'l ga blocà ła so cariera, visto che el ga partecipà a altre tratative inportanti (Utrecht, 1712) indove, però, Venesia, potensa ormai decadente e relegà 'nte i confini itałiani, no ła ga avudo gran parte e ła xe sta presto acantonada.

Ł'ultima guera combatua da Venesia contro i turchi (1714-1718) ła xe finìa co' ła pace de Passarowitz (21 de lujo 1718) che, se da 'na parte ła ga visto ancora come rapresentante diplomatego un pì decixo Ruzzini, da ł'altro ła ga meso in piena evidensa ła debołesa de Venesia, che ła ga avù poco o gnente da chel tratado.

Pur małà, el ga proseguìo ła so cariera diplomatega come anbasador e presto el xe diventà uno dei personaji pì rispetai del panorama połitego.

Candidadose sensa suceso ała carica dogałe 'ntel 1722, ła ga otegnua sensa masa far fadiga 'ntel 1732, con ben quaranta voti so quarantauno.

Dogado[canbia | canbia sorxente]

Durante el periodo del so curto dogado, tre ani apena, ła vita ła xe pasà tranquiła par Venesia, ormai sarà 'nte ła piena neutrałità e escluxa dal grande contesto internasional. Par quanto se sa, el xe sta on omo scrupołoso e sajo, ma poco considerà.


Venezia-Stemma.png Doxe de Venesia

 
Cuel prima Cuel daspò
Alvise III Sebastiano Mocenigo 1732-1735 Alvise Pisani