Buxo nero

Da Wikipedia, l'ençiclopedia libara.
Va a: navigasion, serca
Rapresentasion artistega de un buxo nero (fonte NASA)

Un buxo nero se definisse in astrofisica un corpo ceeste estremamente denso, dotà de na attrassiòn gravitassionałe talmente granda da no parmetare che gnente se ałontane daa propria suparficie. Sta condission a se otièn quando a veocità de fuga daa so suparficie a se majore rispéto aa veocità deła luce.Un corpo ceeste che ga ste proprietà risultarìa invisìbie e a so prexensa podarìa esare riłevà soeo indiretamente, grassie ai eféti del so campo gravitassionae. Fin uncò xe stà tolte sù tante osservaxion astrofisiche che e poe esare interpretae (anca se no in modo univoco) come indicassiòn dell'efetiva existenxa dei buxi neri soł'universo. El termine "buxo nero" eł è dovùo al fisico John Archibald Wheeler (parché prima xe parłaa de dark stars o black stars, cioè de stele scure o nere).

Formassion dei buxi neri[canbia | canbia sorxente]

Verso a fine del so ciclo vitàe, el nucleo de na stéa se stùa, dato che ła ga trasformà co a fusiòn nucleare tuto el idrogeno presente in elio.
A forxa gravitaxionae, che prima a jera in equiibrio co a pressiòn generà dae reassion de fusiòn nucleare, prevae e schìcia a massa deła stéa verso el so centro.

Quando che a densità diventa coxitta granda pode inescarse a fusiòn nucleare dell'elio, dopo deła quae ghe se a produssion de el litio, axoto e altri eementi (fin al'oxigeno e el siicio). Durante sta fase a stéa se espande e se contràe vioentemente pi volte, butando fora parte dea propria massa. E stee pi cee łe se ferma a un serto punto dea caena e łe se stùa, rafredandose e contraendose pi lentamente, atraversando el stadio de nana bianca e nel corso de tanti milioni de ani e diventa tipo un pianeta grando. In sto stàdio a forxa gravitaxionae a xe biancià da un fenomeno quantistico, ciamà pressiòn de degenerassiòn, ligà al prinxipio de esclusion de Pauli. Pa e nane bianche a pressiòn de degenerassiòn a xe presente tra i ełetroni.