Trieste
|
Sto articolo l'è scrito en diałeto triestin
|
 Trieste |
|
|---|---|
| Stato: |  Itałia |
| Regione: |  Friułi-Venesia Julia |
| Provincia: | Trieste |
| Coordinate: | |
| Altitudine: | 2 m s.l.m. |
| Superficie: | 84,49 km² |
| Abitanti: | 207.069 31-12-04 |
| Densità: | 2.479,80 ab./km² |
| Frasion: | Vedi elenco |
| Comuni contigui: | Dolina, Duìn-Aurixina, Repentabor, Muja, Sexana (Sežana) (SLO), Sgonico |
| CAP: | 34100 |
| Prefiso teł: | 040 |
| Codice ISTAT: | 032006 |
| Codice catasto: | L424 |
| Nome abitanti: | triestini |
| Santo patrono: | San Giusto |
| Giorno festivo: | 3 de novenbre |
  |
|
| Sito istitusionałe | |
Trieste, o a la vecia triestina Tarieste (per latin Tergeste, par talian Trieste, par tedesco, par sloven e par croato Trst, per tergestin Trièst), xe na zità e un porto de la Italia nord-oriental, propio sul confin co la Slovenia. Come che 'l dixi 'l poeta triestin Carolus Cergoly, Trieste saria come un fior "fato de piera" (el altipian del Carso che 'l scominzia drio de la zità), "piantà su creste / d'onde marine" (el Golfo de Trieste, nel Mar Adriatico setentrional). Trieste la ga 209.557 anime (stima zenaio 2003), e la xe capital de la Region Autonoma Furlania - Venesia Giulia e de la provinzia de Trieste.
Indice |
[canbia] Orizine
Su l'orizine del nome de Trieste ghe xe diverse teorie. Ghe xe chi che dixi che deriva dal latin Tergeste, che tradoto saria come dir "tre volte costruida". Altri dixi che deriva de la parola celtica "trg" - mercato. Po i romani ghe ga ficà la dexinenza -este per farla più latina. Un'ultima teoria saria questa: in siriaco ( variante de l'aramaico) la parola "Ter'uza" o "Terguza" vol dir "melon". Una variante al feminile saria "Terguzta", che al plurale fa "Terguzte".
Ora xe noto a tuti che 'l melon xe un antico simbolo de la zità, al qual ghe se ga zontà l'alabarda. Zerto che saria de vèder come che ghe podeva esser ne l'antichità un nome siriaco, o fenicio, in uni caxo semitico de la zità. Zerto xe che i Fenici traficava per tuto 'l Mediteraneo e i conta de lori anca ne l'Iliade.
In tanti caxi i Romani lassava 'l nome che ghe iera prima, come par esempio Lubiana se ciamava Emona o Aemona prima 'ncora che rivassi i Romani; lori i la ga ciamada solo Iulia Emona. Cussì pol esser che la località dove che ghe iera l'antica Tergeste, za la se ciamassi col nome simile "Terguza" o "Terguzta". Ma a Trieste cresseva i meloni? Bela domanda.
[canbia] Zircoscrizioni e rioni
Zircoscrizioni
- Altipian Ovest
- Altipian Est
- Rojan - Greta - Barcola - Cologna - Scorcola
- Zitanova - Bariera Nova - San Vito - Zitavecia
- Bariera Vecia - San Giacomo
- San Giovanni - Ciadin - Rozol
- Servola - Chiarbola - Valmaura - Borgo San Sergio
Rioni e frazioni
- Santa Croxe, Proseco, Contovel
- Opcina, Bane, Trebician, Padrician, Gropada, Basoviza
- Mìramar, Grinian, Barcola, Greta, Rojan, Scorcola, Cologna, Guardiela (in parte)
- Zitanova (Borgo Teresian), Zitavecia, Bariera Nova, Borgo Giusepin, Sant'Andrea, San Vito
- Bariera Vecia, San Giacomo, Ciarbola (in parte), Santa Maria Madalena Superior (in parte)
- Rozol, Ciadin, Guardiela, Longera
- Santa Maria Madalena Superior, Santa Maria Maddalena Inferior, Chiarbola, Servola, Borgo San Sergio, Altura
[canbia] Frazioni
Barcola, Opcina, Miramar, Grignan, Basoviza (sloven Bazovica, tal. Basovizza), Bane, Catinara, Conconel, Contovel, Gropada, Lonjer, Padrice, Proseco (sloven Prosek, tal. Prosecco), Santa Croxe, Trebician.
Barcola la xe giusto sora el mar, e la xè famoxa per i Topolini che xè diexe stabilimenti balneari gratuiti su tuto'l lungomar, de subito dopo la Pineta fina'l Porticiolo e su'ncora, stavolta proprio la sui scoi, avanti fina'l Bivio de Miramar e oltre. Ghe xe anca tanti ristoranti de pesse, bareti, chioschi e gelaterie.
[canbia] Loghi interesanti
[canbia] Colegamenti esterni
