Autodromo Enzo e Dino Ferrari

Da Wikipedia, l'ençiclopedia libara.
Va a: navigasion, serca
Circuit Imola.png

L'Autodromo Enzo e Dino Ferrari de Imola l'era uno dei pì consideradi e dei pì famosi zircuiti par le machine de Formula 1. Fin ancò al 2006 se ghe corea el Gran Premio de San Marin de Formula 1. Deso le atività iè fèrme par via de laori de amodernamento de la strutura, che la ghe n'gavea bisogno.

'Ntel 1994 el traciato l'è restà famoso par via de uno dei piassè sfortunai gran premi de Formula 1: nel vènerdi Barrichello su Jordan-Hart el se gha schiantà contro na mureta vegnendo fora da la variante basa; 'ntel sabo l'austriaco Ratzenberger su Simtek el sà schiantà ne la curva Villeneuve e el sà copà; de domenega xé 'ndà anca pezo: in partensa la Benetton de JJ Lehto l'è restà piantà en griglia e Pedro Lamy su la so Lotus-Mugen el gha ciapà in pieno, e i detriti de le do veture i gha ferìo anca dei tifosi sui spalti; al setemo ziro a la curva del Tamburelo Ayrton Senna el se ghà schiantà contro el muro de protesion ai 300 km a l'ora e l'è morto, e poco dopo el pilota de la Larrousse Comas el gà ris-cià de tor soto i socoridori che i x'era su la pista par Ayrton Senna; durante el secondo pit-stop la Minardi de Michele Alboreto la gha perso la ruda de drio destra che la gha ciapà 'n pieno tri mecanici Ferrari e un Lotus. Dopo quei fati i gha pensà de risistemar el traciato e de réndarlo piasè seguro: le do curve Villeneuve e del Tamburelo x'è stae sostituie con piassé lente chicane, mentre x'é stà eliminae la chicane de l'acqua mineral e un toco dela variante basa, sostituie con do curve normal.

Pitlane

Ligamenti foresti[canbia | canbia sorxente]