Asteroide

Da Wikipedia, l'ençiclopedia libara.
Va a: navigasion, serca
Someja ciapà da ła sonda Gałiłeo el 28 de agosto del 1993, ndo se vede el asteroide (243) Ida e el so satéłite Dactyl.

On asteròide el xe on corpo rocioso, carbonàxeo o metàłico pi picenin de on pianeta e chel òrbita torno del Sol, inte na òrbita interior a queła de Netun. Da ła Tera i asteroidi i ga n'aspeto de stełe, e donca da chi el nome de asteroidi (ἀστεροειδής en greco a significa "de figura de steła"), termino dà da John Herschel poco daspó de i primi descoerximenti. I asteroidi i se ciama anca pianetoidi o pianeti minori. Ste últime denominasion łe include, soralconto, i corpi de giazo e quełi chei ga na òrbita pi in fora de Netun.

Asteroidi molto cei (in zenere framenti derivà da cołizion), con łe dimension de un maso o anca manco (secondo l'Union Astronomega Internasionałe, corpi de masa conpresa fra 10-9 e 107 kg), i ze conosiuti come "meteoroidi". I asteroidi conposti par ła maior parte di giaso i ze conosiui invece come comete. Alcuni asteroidi i ze el residuo de vecie comete, che e ga perso el loro giaso nel corso de ripetui avisinamenti al Sołe, e i ze deso conposti par lo pi de rocia.

Se pensa che i asteroidi i sia i residui del disco protoplanetario che no i ze sta incorporai nei altri pianeti, durante ła formazion del sistema.

I ga speso orbite caraterizae da na ełevada esentrisità. Ła majoría de i asteroidi che i se cata intel nostro Sistema Sołar, i ga òrbite semi-stabiłi fra Marte e Xove, paró coalchedun el xe desvià a òrbite che łe se incroxa co quełe de i pianeti pi grandi.

El 1 de zenaro 1801 el astrònomo sixiłian Bepe Piazzi, el ga descoerto el asteroide o pianeta minor, (1) Ceres, mentre el gera drio laorar a on catàlogo de stełe. Sto pianeta minor el xe stà ciamà Ceres Ferdinandea in onor de el re de łe do Siciłie de chel tenpo, Fernando I.

A ła descoerta de Piazzi łe ne va drio altre conpagne, paró de ogeti pi picenini. Ancuo stimemo che łe esista sirca 2 miłoni de asteroidi co on diàmetro major de 1 km soło intel Sinturon Prinsipal de asteroidi; ghe xe da dire che se somemo tuta ła so masa, el total el xe el 5% de ła masa de ła łuna.

El asteroide 2004 FH mentre el xe drio pasar visin la Tera, co on diàmetro de 30 m. Intel so ponto pi pròsimo se catava a 43 000 km, aproximadamente 10 olte pi pròsimo de ła Łuna. Straltra łuce che ła se oserva inte ła someja ła xe on satèłite artificiałe. Filmà fato el 18 de Marso 2004.

Da ła redefinision de pianeta de el 2006 portà caxa da ła Union Astronòmega Internasional, el tèrmino clàsico asteroide nol sparise, parò el se cata inglobà rento de i denominà corpi minori de el Sistema Sołar (eceto (1) Ceres, chel se consìdera pianeta nano), insieme co łe comete, la majoransa de i ogeti transnetuniani e coalsevoja altro sòłido chel orbita torno del Sol e el sìpia pi picenin de on pianeta nano.

Giuseppe Piazzi

Sinturon de i asteroidi[canbia | canbia sorxente]

Ła major parte de i asteroidi conozesti łi gira intel spasio in n'agrupasion che ła se conoze co el nome de Sinturon de asteroidi, chel se cata fra Marte e Xove. Sto Sinturon el xe a na distansa de el Sołe cronprexa fra 2 e 3,5 UA. Sti asteroidi i va torno el Sołe in òrbite co intervało fra 3 e 6 ani.

El 22 de agosto 2006, (1) Ceres, el xe stà reclasificà cofà pianeta nano come Pluton e Eris.

Asteroidi inportanti o interesanti[canbia | canbia sorxente]

Exquisite-kfind.png Par saverghene de pì, varda ła pajina Lista de asteroidi.