Antonio Bisaglia

Da Wikipedia, l'ençiclopedia libara.
Va a: navigasion, serca

Antonio Bisaglia (Rovigo, 31 de marso 1929 - Santa Margherita Ligure, 24 de giugno 1984) el xe sta on omo połitego veneto e Ministro deła Republica Itałiana.

Biografia[canbia | canbia sorxente]

El provegneva da 'na fameja de origini poarete (so pare el gera feroviere) e con tanti fioi, Bisaglia el ga studià en seminario; 'ntel 1945 el se ga iscrito a ł'Asion Catołica.

'Ntel 1951 el xe sta ełeto consijere nasional del movimento xovaniłe democristian.

El se ga łaureà en giurisprudensa a ł'Università de Padova e po el xe 'nda a łavorar ała Casa Mutua dei Coltivatori Direti de Rovigo.

El xe 'nda drento el Parlamento ałe ełesion połiteghe del 1963 e el xe sta ełeto deputato fin al 1979, cuando che el xe sta ełeto senador 'ntel cołejo ełetoral de Basan e confermà ałe ełesion połiteghe del 1983.

El ga svolto incarichi de governo par sirca 8 ani a partir dal 1972:

El xe morto el 24 de giugno 1984 a Santa Margherita Ligure, travolto da on'onda mentre el gera drio ciapare el sołe co so mujere Romilda Bollati de Saint Pierre, maridà ł'ano prima.

Al momento deła morte el gera presidente del grupo democristian al Senato deła Republica.

El 17 de agosto 1992 a xe morto negà, in circostanse misterioxe, 'ntel łago de Sentro de Cadore, visin a Domege en provincia de Bełun, el fradeo prete, don Mario Bisaglia.

El 30 de apriłe 1993 a xe morto negà 'ntel Adexe anca el so ex segretario particołare, Gino Mazzolaio.

Bibliografia[canbia | canbia sorxente]

  • Giampaolo Pansa. Bisaglia, una carriera democristiana Sugarco Edizioni, Milano, giugno 1975;