Amici di Maria De Filippi

Da Wikipedia, l'ençiclopedia libara.
Va a: navigasion, serca
Sto articoło el xe scrito in vixentin

Amici di Maria De Filippi ("Amixi de Maria De Filippi") o anca soło Amici ("Amixi") l'é un talent show tełevisivo italian in onda sui canałi Mediaset (prima Italia 1 e dopo Canale 5) dal 2001[1] (inissialmente col titoło de Saranno Famosi[1]) e presentà da Maria De Filippi e da Luca Zanforlin.[1]
Autori del programa i xé Maria De Filippi, Luca Zanforlin, Federico "Chicco" Sfondrini, Mauro Monaco e Peppi Nocera.[1]

El programa el vien registrà a Roma, nei studi de Cinecittà.

Dal programa xé ussìi toxi diventà poi cantanti famosi come Marco Carta, Valerio Scanu, Emma Marrone (vinçidori del Festival de Sanremo nel 2009, 2010 e 2012) e Alessandra Amoroso.

Formuła del programa[1][2][canbia | canbia sorxente]

El programa se presenta come 'na sorta de scoła, dove vien insegnà el canto e el bało ('na volta anca reçitaxión).
Łe lexión le vien impartìe da professionisti deła materia, come ła cantante Grazia Di Michele, el diretore d'orchestra Giuseppe Vessicchio e i produtori discografici Mara Maionchi e Rudy Zerbi pal canto, e Garrison Rochelle, Steve La Chance (che no 'l fa pì parte del cast), Alessandra Celentano (ła nevoda de Adriano Celentano) e Luciano Cannito pal bało. Ła reçitaxión vigneva invesse insegnà, tra i altri, da l'atrice Fioretta Mari.

I toxi che partecipa al programa, come in altri reality show, i vien seguìi costantemente dałe tełecamere (ma soło durante l'orario dełe lexión).

El programa se svolge in do fasi: neła prima fase, i "studenti", par 'ndar vanti, i gà da sostegnere dei esami e i połe essere anca mandà via dai so' insegnanti opure i połe essere sfidà da dei concorenti "esterni" ała "scoła" che i aspira a ciapare el so' posto; ła seconda fase, ciamà ła fase "serałe", ła prevede invesse che, 'na volta ała setimana, vegna eliminà uno o do concorenti (de sołito col sistema dełe nomination opure col tełevoto), finché no i resta in 3 o 4 concorenti, che i se xuga ła vitoria finałe ne l'ultima puntata.
Dal 2006, i toxi i xe divisi in squadre: neła fase inixiałe l'esito deła sfida a squadre determina chi che gà da 'ndare in sfida, neła fase finałe chi che ris-cia de vignere nominà e de 'ndare diretamente casa.
Ła gara a squadre no se ga disputà inte ła fase "serałe" de l'edixion 2011/2012.

Da l'edision del 2010/2011 a l'edision del 2011/2012, ghe xe stà do vinçidori, uno pal canto e uno pal bało. Inte l'edixion 2011/2012, inte ła fase serałe xe stà xontà ła gara dei cosideti "big", overo dei toxi che gaveva parteçipà inte łe preçedenti edision e che dopo ga 'vudo suceso inte 'l mondo de ła mùxica.

Vinçidori de łe varie edision[3][canbia | canbia sorxente]

Note[canbia | canbia sorxente]

  1. 1,0 1,1 1,2 1,3 1,4 cfr. Grasso, Aldo - Scaglioni, Massimo, Le Garzantine - Enciclopedia della Televisione, Garzanti, Milano, 2002, p. 642
  2. cfr. Amici di Maria De Filippi - Sito uficiałe: Come eravamo > Insegnanti
  3. cfr. Amici di Maria De Filippi - I vincitori di tutte le edizioni, in: Gossip pour femme
  4. cfr. Amici 13, vince Deborah Iurato, in: La Stampa, 28-05-2014

Łigamenti foresti[canbia | canbia sorxente]