Amici di Maria De Filippi
Amici di Maria De Filippi ("Amixi de Maria De Filippi") o anca soło Amici ("Amixi") l'é un talent show tełevisivo italian in onda sui canałi Mediaset (prima Italia 1 e dopo Canale 5) dal 2001[1] (inissialmente col titoło de Saranno Famosi[1]) e presentà da Maria De Filippi e da Luca Zanforlin.[1]
Autori del programa i xe Maria De Filippi, Luca Zanforlin, Federico "Chicco" Sfondrini, Mauro Monaco e Peppi Nocera.[1]
El programa el vien registrà a Roma, inte i studi de Cinecittà.
Dal programa xe ussìi toxi diventai poi cantanti famosi come Marco Carta, Valerio Scanu, Emma Marrone (vinçidori del Festival de Sanremo inte el 2009, 2010 e 2012) e Alessandra Amoroso.
Formuła del programa[1][2]
[canbia | canbia el còdaxe]El programa se presenta come na sorta de scoła, dove vien insegnà el canto e el bało (na volta anca reçitaxión).
Łe lexión le vien impartìe da professionisti de ła materia, come ła cantante Grazia Di Michele, el diretore d'orchestra Giuseppe Vessicchio e i produtori discografici Mara Maionchi e Rudy Zerbi pal canto, e Garrison Rochelle, Steve La Chance (che no el fa pì parte del cast), Alessandra Celentano (ła nevoda de Adriano Celentano) e Luciano Cannito pal bało. Ła reçitaxión vigneva invesse insegnà, tra i altri, da l'atrice Fioretta Mari.
I toxi che partecipa al programa, come in altri reality show, i vien seguìi costantemente da łe tełecamere (ma soło durante l'orario de łe lexión).
El programa se svolge in do fasi: inte ła prima fase, i "studenti", par 'ndar vanti, i ga da sostegnere dei esami e i połe essere anca mandai via dai so' insegnanti opure i połe essere sfidà da dei concorenti "esterni" a ła "scoła" che i aspira a ciapare el so' posto; ła seconda fase, ciamà ła fase "serałe", ła prevede invesse che, na volta a ła setimana, vegna eliminà uno o do concorenti (de sołito col sistema de łe nomination opure col tełevoto), finché no i resta in 3 o 4 concorenti, che i se xuga ła vitoria finałe ne l'ultima puntata.
Dal 2006, i toxi i xe divisi in squadre: inte ła fase inixiałe l'esito de ła sfida a squadre determina chi che ga da 'ndare in sfida, inte ła fase finałe chi che ris-cia de vignere nominà e de 'ndare diretamente casa.
Ła gara a squadre no se ga disputà inte ła fase "serałe" de l'edixion 2011/2012.
Da l'edision del 2010/2011 a l'edision del 2011/2012, ghe xe stà do vinçidori, uno pal canto e uno pal bało. Inte l'edixion 2011/2012, inte ła fase serałe xe stà xontà ła gara dei cosideti "big", o sia dei toxi che gaveva parteçipà inte łe preçedenti edision e che dopo ga 'vudo suceso inte el mondo de ła mùxica.
Vinçidori de łe varie edision[3]
[canbia | canbia el còdaxe]- 2001/2002: Dennis Fantina
- 2002/2003: Giulia Ottonello
- 2003/2004: Leon Çino
- 2004/2005: Antonino Spadaccino
- 2005/2006: Ivan D'Andrea
- 2006/2007: Federico Angelucci
- 2007/2008: Marco Carta
- 2008/2009: Alessandra Amoroso
- 2009/2010: Emma Marrone
- 2010/2011: Virginio Simonelli (canto)/Denny Lodi (bało)
- 2011/2012: Gerardo Pulli (canto)/Giuseppe Gioffrè (bało)/Alessandra Amoroso (categoria big)
- 2012/2013: Moreno Donadoni
- 2013/2014: Deborah Iurato[4]
- 2014/2015: The Kolors
- 2015/2016: Sergio Sylvestre
- 2016/2017: Riccardo Marcuzzo
- 2017/2018: Irama
- 2018/2019: Alberto Urso[5]
- 2019/2020: Gaia Gozzi[6]
- 2020/2021: Giulia Stabile[7]
- 2021/2022: Luigi Strangis[8]
- 2022/2023: Mattia Zenzola[9]
- 2023/2024: Sarah Toscano[10]
Note
[canbia | canbia el còdaxe]- ↑ 1,0 1,1 1,2 1,3 1,4 cfr. Grasso, Aldo - Scaglioni, Massimo, Le Garzantine - Enciclopedia della Televisione, Garzanti, Milano, 2002, p. 642
- ↑ cfr. Amici di Maria De Filippi - Sito uficiałe: Come eravamo > Insegnanti Archivià il 21 de marso 2012 in Internet Archive.
- ↑ cfr. Amici di Maria De Filippi - I vincitori di tutte le edizioni Archivià l'11 de zenaro 2012 in Internet Archive. , in: Gossip pour femme
- ↑ cfr. Amici 13, vince Deborah Iurato, in: La Stampa, 28-05-2014
- ↑ Amici 2019: Alberto Urso ze il vincitore assoluto della diciottesima edizione su Coming Soon.it
- ↑ "Amici 19", Gaia batte Javier all'ultima sfida e trionfa so TGcom24
- ↑ Giulia vince "Amici 2021": in finale ha battuto Sangiovanni (il suo fidanzato) so Il Corriere della Sera
- ↑ Chiara Maffioletti, Chi è Luigi Strangis, vincitore di «Amici»: «Maria mi ha fatto crescere. Sanremo? Non ho fretta di andarci» so Corriere della Sera, 16-05-2022
- ↑ Amici 2023, il vincitore è Mattia Zenzola so Sky TG24
- ↑ Sarah Toscano a 18 anni vince “Amici di Maria de Filippi”: “Sanremo 2025? Non è il mio sogno” so La Stampa, 19-05-2024
Łigamenti foresti
[canbia | canbia el còdaxe]
Wikimedia Commons el detien imàjini o altri file so Amici di Maria De Filippi
el detien schemi gràfeghi so
