Zona Estrateritoriałe

Na Xona Estrateritoriałe (o anca Zona Estrateritoriałe) l'è un teritorio che formalmente el fa parte de un Stato ma in realtà el vien gestìo da n'altro Stato: donca łe xone estrateritoriałi łe xe tochi de tera no tanto grandi indove che se segue dei acordi o de łe leje speciałi.

L'exenpio clàsico de xona estrateritoriałe xe łe Anbasade: formalmente łe fa parte del Stato ospitante ma in realtà łe xe sóto łe leje del Stato ospità. Par exenpio l'Anbasada tedésca in Itàlia ła xe su un toco de tera che fa parte de l'Itàlia ma ła połisìa itałiana no ła pol miga entrarghe parché aministrativamente el xe un teritorio "in man" ai tedischi.

Inte el móndo ghe xe un caxo soło de auto-anbasada cioè gh'è soło una Anbasada de un Stato sul só steso teritorio: l'è l'Anbasada itałiana par ła Santa Sede che invese de èser in Vatican (masa picenin) ła xe in Itałia.

Łe Zone Estrateritoriałi no łe va mìa confuxe co łe enclave che invese łe fa parte uficialmente de un Stato foresto rispeto a quel che łe ga tuto intorno.