William Webb Ellis

Da Wikipedia, l'ençiclopedia libara.
Jump to navigation Jump to search
'Sto artìcoło el 'é scrito doparando ła grafìa dita DECA
William Webb Ellis

William Webb Ellis (Salford, 24 noenbre 1806 – Mentone, 24 febraro 1872) el ze stà un pastor protestante bretànego, e A se pensa che el sipia stà łu a inventar el zugo de'l rugby. Daspò el ze stà capełan a Łondra e a Westminster, inte ła Cieza de San Clemente de i Danezi, e paroco inte l'Essex; el ze morto a Mentone, inte’l sud de ła Fransa, onde che’l ze sepolto.

Biografìa[canbia | canbia el còdexe]

Fiol de James Ellis (un ofisiałe de i Dragoni de ła guardia, morto inte’l 1811) e de Ann Webb, el ze nasùo a Salford, inte’l Lancashire (oncó Greater Manchester) e ła só fameja ła se ga trasferìo inte ła sità de Rugby dove che’l ga podesto ndar a studiar inte ła scoła pùblega tra'l 1811 e'l 1825. Ła łejenda ła dize che inte’l 1823, cuando che racuanti studenti de ła Rugby School i jera drio zugar a football, William Ellis el ga ciapà in man ła bała (parmeso da łe règołe de l'època) e che el se gapia meso córare (A no'l jera mìa parmeso da łe règołe) ndando oltra ła łinea de fine canpo sigando “META!”. El ze un evento difìsiłe da provar, 'sto cuà, parché cuando che ła IRB (International Rugby Board) ła ga scumisià a sercar informasion parlando co ex-studenti coscriti de William Ellis, nesuni el se recordava de łu. L’ùnego che’l dizeva de ver visto 'sta asion sportiva (Matthew Bloxam) el ze morto sensa dar na declarasion spesìfega, ma soło inte un jornałe łocałe.

Donca A se pensa che 'sto sport el sipia sì nasesto inte ła sità de Rugby, ma fursi da racuanti grupi de studenti che i seitava a catar fora varianti. A łu el ze intitołà el trofèo par ła scuadra vinsidora de ła Copa de'l Mondo de Rugby e A ghe ze na statua de bronzo de łu deanti de ła scola pùblega de ła sità de Rugby.