Wikipedia:Titoło de ła voxe

Da Wikipedia, l'ençiclopedia libara.

Sta linea guida ła serca de esar na guida de riferimento so cofà intitołar łe pajine de ła version venèta de Wikipedia. Na comun condivixion de ste convensioni ła xè oviamente inderogabiłe pà'l bon funsionamènto dell'ençiclopedia. Ciò che segue el xè 'l risultà de łe discussion zà sviłupàe in sta version o 'nte ła version in łèngua 'tałian de Wikipedia; par sugerire miglioramenti e inovasion, utiłixar l'apoxita pajina de discussion, o eventualmente dopàrare łe Ciàcołe.

El xè inportante notar che queste łe xè de łe convension, che łe xè stae aprovae, ma nò łe xè de łe regołe scrite sora na pietra. Mentre Wikipedia se sviłupa e canbia, alcune convension, ciamemołe anca "abitudini" che na olta che łe gà avuo vałore, on cò łe podarìa esar molto vecie. In caso de dubio, seguir ła convension.

Sielta del titoło de ła voxe[canbia | canbia el còdaxe]

In xenerałe, ła sielta del titoło de na voxe dovarìa dar ła priorità a cossa ła majior parte de i utenti de łèngua venèta i riconosarìa fasilmente, cò un minimo raxonevołe de anbiguità; se par exenpio dovarissimo tratar del brigante Stefano Pelloni ciamà "El Passatore", saria oportuno rifletare che ła magior parte de łe persone de łèngua (e cultura) veneta nò ne podariaria conosere nel'imediato el reałe nome propio, ma i ło conosaria scuaxi esclusivamente par el so soranome. In sto caxo, ła voxe ła gà da esar intitołà a "El Passatore", mentre par Stefano Pelloni saria ben zontare un redirect che 'l punta all'altra pajina.

Ało steso tenpo, el xè inportante rendare el pì fasiłe posibiłe l'intento de un fuduro wikipediano che el gà da crear un link a quełe voxi in maniera agevołe e intuitiva.

Ricordarse, de metare prima 'nte 'l titoło el nome e pò el cognome, en caxo se vułese scrivare na biografia su qualcheduni.

Senplisità, precision, maiuscołe e plurałi[canbia | canbia el còdaxe]

Ło scopo de ste regołe el xè de rendare łe nove pajine pì fasiłi da cołegar.

L'uxo dei wikilink[canbia | canbia el còdaxe]

Par savèrghene de pì, vardarse ła voxe Juto:Wikilink.

'Nte ło scrivare łe pajine de Wikipedia, su ogni ogeto, nome, conseto, ano o evento storego che se pensa el gà da esar cołegà ad ulteriori informasion, el xè ben metare łe dopie parentexi quadre, in modo che łe parołe interesae łe conpaia cofà łigadure. Quante łigadure metare dipende, in pratega, dal futuro sviłupo de Wikipedia. In xenerałe, quanti pì argomenti i potrà esar linkai da ciascuna voxe, tanto mejio el corpus de sto laoro el potrà produre rixultai interesanti e anca se de un dato argomento nò ła existe na voxe dedicà, podarìa rixultar funsionałe in futuro metare comunque el link, cui un altro wikipediano pì presto posibiłe el darà forse corpo. L'adexion costante a łe convension de nomenclatura e el coreto inserimento de i wikilink el renderà el pì probabiłe che łe łigadure i conduca al posto justo.

Soło ła prima letera in maiuscoło[canbia | canbia el còdaxe]

A meno che nò se trate de na sigla o de un acronimo (indicaì xeneralmènte cò tute łe letere in maiuscoło), uxae ła prima letera in maiuscoło e lasiae in minuscoło łe altre. Se el titoło de ła voxe el xè un nome de persona, metè in maiuscoło soło łe inisiałi de nome e cognome. Anca 'nte 'l caxo se trate de titołi de opare straniere.

Preferire ła forma singołare[canbia | canbia el còdaxe]

Senpre, salvo el caxo che ła forma plurałe sia de uxo prevałente, dopàrar ła forma singołare; ad exenpio: "Guarentixe" ła xè certamente pì coretto che nò "Guarentixa", anca se el senso el xè el medeximo. Se fuse molto difuxo anca l'uxo de ła forma plurałe, un redirect potrà risolvare l'anbiguità e sugerir a altri utenti che ła voxe ła xè zà stada scominsià soto altro titoło.

Nò sta uxar abreviasion[canbia | canbia el còdaxe]

Sicome su Wikipedia nò i ghè xè problemi de spasio, i gà da esar evitàe łe forme ristrete e cò abreviasion (par exenpio S. invese de San). I fà ecesion soło łe abreviasion consołidae 'nte i nomi propi (par exenpio 'nte 'l titoło ufisałe de un film).

Caratari da evitar[canbia | canbia el còdaxe]

Carateri nò inseribiłi da tastiera[canbia | canbia el còdaxe]

Nò bixogna dopàrar 'nte i titołi el caratere dell'apostrofo (’), ma el gà da esar uxà l'apise senplise (').

Parentexi[canbia | canbia el còdaxe]

Łe parentesi łe và dopàrae soło cò che ghè xè bixogno de dixanbiguare: nò łe và mese "preventivamènte" parché łe rende pì difisiłe ła riserca e łe conplicà ła creasion futura de na dixanbigua. Par exenpio, se se vołe scrivare na voxe su un edifiso se gà da scrivare el nome normalmente e controłar che nò ła sia zà prexente na voxe omonima. Se nò ła existe, el titoło de ła voxe el gavarà da esar scrito sensa metare el nome de ła stà tra parentexi. Se ła existe zà, se gà da crear na nota dixanbigua o na pajina de dixanbiguasione e uxar łe parentexi 'nte 'l titoło.

Altri carateri speciałi[canbia | canbia el còdaxe]

Par modivi tecnisi i seguenti carateri nò i xè parmesi 'nte i titołi de łe voxi:[1]

# < > [ ] | { }

Prima letera minuscoła[canbia | canbia el còdaxe]

El sistema nò 'l parmete ła creasion de voxi cò ła prima letera minuscoła. Par parmetare ła vixualixasion, all'interno de ła voxe, del titoło cò ła prima letera minuscoła el xè posibiłe utiłixar el modèło {{titoło minùscoło}} .

  1. (EN) m:Help:Page name
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Wikipedia:Titoło_de_ła_voxe&oldid=1064099"