Wikipedia:Aministradori/Candidai/Fierodelveneto

Xonta lingambo
Da Wikipedia, l'ençiclopedia libara.

Fierodelveneto[canbia | canbia el còdaxe]

Questionario pa'l candidà

Eco de seguito alcune dimande: łe to risposte (facoltative) łe podaria esar d'juto a i wikipediani che i voja esprimare on vodo so ła to candidaura:

1. Quałi tra i conpiti de i aministradori te vurisi svolxare en particołare? (ricorda de lezare ła pajina Wikipedia:Aministradori)
R. I conpiti pì inportanti i me par chełi de vèr ła masima atività par poder jutar el laoro ai contribudori, rispondare el pì in presa pusìbiłe a łe problemadeghe segnałae dai utenti, slargare el pì pusibiłe łe posibiłità de contribusion cuà drento: Xontando novi modèłi temadeghi e infobox (anca seguendo łe dimande fate dai cołeghi contribudori), crear novi sondaji par ełexare democradegamente una intrà łe varie e pusibiłi proposte par ła resołusion de on problema o conflito. Un altro dei conpiti intrà i pì inportanti, el xé cheło seguramente de scrivarghe ai novi contribudori, de łasarghe on mesajo de benvegnesto e de darghe ła pì granda disponibiłità e darghe desluxegasion a łe so domande e ai so dubi. St'ùltimo in particołare poso dirlo de verlo xà fato pì volte!
In pì, d'łasemeło dire, ma credo el sipia neçesario riativar el canałe Kiwi IRC par na mejor coordinasion e discusion, rapida e pì resołutiva!
2. Tra łe voxe o contribui che te ghe jutà a reałixare so Wikipedia, ghe ne xè calcheduna de cui ti si particołarmente sodisfà? Se sì, parché?
R. In realtà digo ła verità, so sodisfà de pì contribusion, che go slargà e che oncora slargarò: Agricoltura, Architetura, Comunicasion, Endustria, par no parlar de ła pułitega, economia e ełetronega.. e łe xé soło algune. Na granda sodisfasion ła xé seguramente ła pàjina prinsipałe, par el so renovamento estetego e funsionałe, soratuto par ła mejor fruibiłità in te ła version mobiłe. ---> Racuante altre pajine bixogna reinpostarle in tal senso: Vetrina e Juto i xé dei exenpi
3. Te xè mai capità de trovarte en conflito có altri utenti o ritiento che posa esarse verifegai de i atriti? Come sito riusio a risolvare el problema?
R. Sì, in conflito me so xà catà pì volte e credo che ła sipia na roba bona, anca parché xé dai confliti, dai cusì ciamai "destingui" che njien fora łe mejori vie de mexo, pì articołae e mejo costruie.. parché pì pensae. El problema el se risolve parlando e rivando a on fin contratando, esplegando łe propie motivasion e sercando de capire chełe de chełi altri catando ponti in comun.
4. Quało xeło secondo ła to opinion el ruoło/ła funsion/el conpito de l'aministrador?
R. El roło de l'aministrador el xé on roło fondamentałe par ła soravivensa de ła Wiki, parché se połe esare in te łe condision de blocare in tenpo na pusibiłe ondada de "Vandalbot", de podèr descançełare pajine creae par sbajo so domanda, poder xontare nove funsion (estension) co łe riva disponibiłi par łe Wiki. Pò, ła masima rapidità in te łe risposte, risołusion e sistemasion e cuanto altro łe me par łe robe intrà łe pì inportanti!
5. Visto che te dovarisi 'ver leto ben łe pułiteghe inerenti al ruoło de aministrador, come chełe de bloco, de mesa al bando, e de łe protesion, in che modo pensito de riusire a aplicarle co inparsiałidà, ponendo senpre el bene de vec.wiki come prima roba?
R. Inparsiałità ła me par na roba fondamentałe! Ła pułitega de bloco ła xé neçesaria co riva xente che vandałixa, desfa o crea pajine co insulti e/o besteme e ghe vołe ła pì granda rapidità. Mese in bando e łe protesion łe vegnarà discuteste intrà admin e contribudori tuti e łe protesion łe vegnarà aplicae soło in te łe pajine sensibiłi a łe modifeghe e che łe podaria desfare tochi de modèłi o cuanto altro. Ła discusion par ste robe ła me par pì che fondamentałe!!

Ulteriore dimanda da parte de ...

6. ...
R.
Pareri
Comenti
  • El candidà el sodisfa i criteri de eligibiłità dal 1 al 3, e el nùmaro 6. A go calche dubio però so i punti 4 e 5... Par exenpio métare un {{Neta suito}}
al posto de un {{Scansełare}}
tanto par smovare łe acue e far intervegner un aministrador no xe mìa tanto rispetoxo del funsionamento de ła wiki. So'l punto 5: so'l fato che'l se confronte co tuti a no ghe xe dubi, me par però che a volte el sia un fià, come che dirìa i fransoxi, tranchant... PS: Ghe faso prexente a Risposta@Più Veneto]
che no'l ga gnancora i recuixiti par votar... ghe ło digo deso parché no xe mai bèło dover scansełar un voto e se spera de no doverlo fare in faxe de votasion.--GatoSelvadego (msj) 12:13, 17 avr 2020 (CEST)[respondi]

Grasie par i to comenti, łe criteghe costrutive senpre łe xé bone e funsionałi a on mejoramento. Me intaresava capire el to dubio sol ponto 5.. Te me ghè ajetivà co el tèrmano "tranchant".. Mi so che èsare tranchant no el xé on małe, tajente in tel senso figurativo de omo "deçidesto". El me par soło che on prejo èsarlo, parché par cheło che me rivarda e par chel che penso ga da èsarghe pì deçixività, pì rapidità, pì confronto, pì verture, pì grandesa, pì sogno!!.. Se ghe xé algune domande preçixe, te me łe połi fare in te łe domande dei utenti in te ła pàjina ligada a sta cuà de discusion. El to discorso sol ponto 4, te ringrasio de verlo dixesto, ma se te te rifarisi al fato che no saveo come che l'estension ła garia modifegà i editor, me par pì che normałe. Se me vien dito che ła xé cheła che gheo xà provà e no ła me piaxeva parché ła trasformava el editore vixuałe in un codaxe sorxente 2, me par normałe che diga che no me va ben.. se dopo me vien spiegà che no ła xé cusita ma vien fora n'altra roba, canbio idea.. ma no ła jera ła idea sbajada, ma el fondamento in tel cuałe l'idea ła se ga desviłupà. Me faria piaxere riçevare na to risposta inçentrada soi dó ponti, cusì da fogałixarme mejo sol ponto, anca par capire come colmare ła pusìbiłe mancansa in savere. Grasie par ła to contribusion! On strucoto --- de: ꜰɪᴇʀᴏᴅᴇʟᴠᴇɴᴇᴛᴏ (𝒮𝒸𝓇𝒾𝓋𝒶𝓂𝑒) - (ł𝒾𝓈𝓉𝒶 𝒹𝑒𝒾 𝒹𝑒𝓍𝒾𝒹𝑒𝓇𝒾) - (𝒮𝓉𝒶𝓉𝒾𝓈𝓉𝑒𝑔𝒽𝑒)

cominsiemo co'l ponto 5 (el candidà el ga da èsar bon de confrontarse co tuti in maniera costrutiva)... a vòlte secondo mi sarìa mèjo se te te rilexesi, varda par exenpio cuà: a go pensà che te te si espreso małe, ma uno gavarìa anca podesto vedarlo come un "ataco personałe". Opure, come gało da ciaparlo un contiributor "feltrin/belumat/primierot/trevixan sanca Piave" un intervento de sto tipo? Opure, altro exenpio de confronto costrutivo... Probabilmente a sercar se ghi ne cata anca altri exenpi.
Pasemo al punto 4 (ga da conoser ben i prinsipi de Wikipedia e el so funsionamento): no, no me riferivo oviamente a ła cuestion VisualEditor, anca parché ła xe na cuestion vegnesta fora un par de ore dopo al me intervento. Me riferivo a na discusion che te ghe vùo co Davy a fine marso. El scanseła suito e 'l neta suito i xe do modèłi che i ga a che far co łe asion da aministrador, e gnanca un mexe fa te faxevi confuxion infrà i do. Ansi, chel che xe pexo te doparavi aposta cueło sbałià par "vełocixare łe ròbe". E anca in altre ocaxion no te ghe seguìo pì de tanto łe uxanse de ła wiki.--GatoSelvadego (msj) 00:48, 19 avr 2020 (CEST)[respondi]
Tanto probabiłe che mi me sipia espreso małe in tel ponto andove vołea spiegare de ła Đ e de ła X. Partendo dal suposto che go amighi de chełe xone là, che i dopara pontoalmente ła Đ al posto de ła Z, e ła stesa roba ła suçede andove stago mi S. Martin de Lupari e xone rènti, andove se dopara ła Đ al posto de ła Z, ła TZ so çento, e in tanti casi ła F al posto de ła S (Fpifa = Spisa) e vanti tuta, de conseguensa saria paradosałe el fato che dixendo na roba so chi che dixe Đ lo garia da ciapare come on intaco personałe, anca parché me àuto-intacaria, el che no garia senso! Go parlà dei me amighi che dopara aponto sta manjiera de parlare, propio parché esendo par ła majorparte "Xóvani" o "Đóvani" i ga ła pusibiłità de ndar drento tante łetre che altri no saria boni de catare in tel tełefonin: Ła Ł, ła Đ e via discorendo, e el me xé vegnuo "inamente" el fato che ghe xé na roba tanto estragna! No i dopara sta benedeta Đ, ma i dopara sta X.. ełora me so' dixesto: Parché cuà so Wikipedia i se ostina doparar ła Đ se sti me amighi prima de vegner cuà rento a łéxare na voxe scrita in Bełumato njianca i ghin savea l'existensa? De sta roba so' drio parlare. Nisun intaco personałe, no vujo auto-intacarme. Dopo, va vedare el rejistro de łe pàjine descançełade co chel modèło: Go fato descançełare 3 pàjine se no sbajo, łe go catae in te łe pàjine sensa interwiki. Intrà sto cuà te podevi catare "Cesso", "Luame" e n'altra pàjina so on contadin.. me pare.. (no me recordo el so nome) andove no te digo łe volgarità che ghe jera scriveste in ste pàjine, propio parché vujo che te sipia ti ndar védare (senpre se no xé sta ndà descançełada anca el istorego de ła pàjina, algune volte i vien descançełai, altre no, isteso anca so it.wiki, sensa regołe ben seguie). Go inserio chel modèl parché ritegnea che łe pàjine brasfeme prima che volgari, e el modèło "neta suito" sta roba ła prevarda. Daspò podemo dire che go sbajà dopararlo? Mi no ło so njioncora, finché no ghe sarà on regołamento par sti modèłi andove se prevardee tuti i caxi pusìbiłi e imajinàbiłi, andove sipia ben speçifegà se in sto particołar el sipia mejo l'un o che l'altro, fin a sto momento, ghe xé l'interpretasion dei regołamenti.. isteso el capita anca co łe leji del stato, de conseguensa no ghe xé novità. Dopo, ciapando par bon i inviti a no métare altro chel modeło in chel caxo, ma a métare st'altro, go dito ciaramente: "Doparo cheło par far in manjiera che finalmente łe vegna descançełae" e da cuà poso recołigarme al fato che sto cuà el xé el pensiero de chi che vede "blasfemie" scriveste, e par łe blasfemie, ancor prima che volgarità, łe domanda el modèl neta suito. Njiente altro da xontare, ma se gavì domande podì ndar vanti a farmele, no go nisun problema. On strucon --- de: ꜰɪᴇʀᴏᴅᴇʟᴠᴇɴᴇᴛᴏ (𝒮𝒸𝓇𝒾𝓋𝒶𝓂𝑒) - (ł𝒾𝓈𝓉𝒶 𝒹𝑒𝒾 𝒹𝑒𝓍𝒾𝒹𝑒𝓇𝒾) - (𝒮𝓉𝒶𝓉𝒾𝓈𝓉𝑒𝑔𝒽𝑒) 10:07, 19 avr 2020 (CEST)[respondi]
  • A propoxito de sto intervento cuà me riferivo a sta fraxe che no se capise A mi, chi che no ga capìo njiente de lengue, no me fa ni caldo e ni fredo.... A lexarla uno el podarìa anca interpretarla come se el sojeto (cheło che no ga capìo gnente) el fuse cueło che ga scrito prima de ti...
    So i modèłi ła regoła ła xe asé fasiłe: xe da cavarghe 'rexie o viołasion de copyright da na voxe ensiclopedega? Se dopara el neta suito cusì un admin el riva e 'l sconde chel che va sconto. Xe da eliminar na voxe no ensiclopedega? Se mete el scanseła suito cusì un admin el pasa e el elimina la voxe (cronostoria incluxa). PS: so'l fato de ła Đ e ła X, va tegnùo in conto che in calche variansa veneta pol capitar, visto che vien doparà tuti e do i soni, che doparando un caratere ùgnoło se cree confuxion infrà paròłe difarenti che par sta regoła łe se trovarà a èsar scrite conpagne.--GatoSelvadego (msj) 14:14, 20 avr 2020 (CEST)[respondi]
  • ...
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Wikipedia:Aministradori/Candidai/Fierodelveneto&oldid=902245"