Vittoria Puccini

Da Wikipedia, l'ençiclopedia libara.
Vittoria Puccini
Vittoria Puccini cropped.jpg
Vittoria Puccini inte el 2011
SitadinansaItàlia
Nasimento18 de novenbre, 1981, Firense
MorteCànbia el vałor in Wikidata
Łéngue parlaeŁengua itałiana
Perìodo atività2000 Cànbia el vałor in Wikidata –
Ocupasion
  • atora
Sito ufisiałe
IMDB: nm0699756 Allocine: 211574 Allmovie: p430559


Vittoria Puccini, (Firense, 18 de novenbre, 1981) ła ze na atora itałiana

Biografia[canbia | canbia el còdaxe]

Nasesta a Firense inte el 1981, so fia de Giusto Puccini, profesor ordenario de derito pùblego, e di Laura Morozzi, insegnante ełementar, ła consegue ła madurità clàsega al Łiceo Ginnasio Michelangelo de Firense e, drìoman, ła frecuenta Zurisprudensa a l'univarsidà (sensa parò dar alcun ezame).

Vittoria Puccini ła ze cuzina par parte de mare de Orsola Branzi, condutora radiofònega conosùa come la Pina[1], e nipote acquisita di Andrea Branzi, architetto e designer[1]. Inazonta, senpre da parte de mare[2], ła ze cuzina de Sofia Viscardi, youtuber e scritora miłaneza.

Cariera[canbia | canbia el còdaxe]

Ła ezordise inte el 2000 intarpretando el ròło de Gaia inte el film Tutto l'amore che c'è, direto da Sergio Rubini. Inte el 2001 ła fa aparision in tełevizion inte ła miniserie in do pontae La crociera, regia de Enrico Oldoini, e l'ano drio inte ła miniserie Sant'Antonio di Padova, regia de Umberto Marino; in pì inte el 2002 ła torna oncora sol grando schermo col film Paz!, direto da Renato De Maria.

Ła otine la consacrasion co ła serie tełeviziva Elisa di Rivombrosa (2003), grasie a ła cuała ła vinse el Tełegato come personajo femenin de l'ano.[3] Ła serie, in tredeze pontade, anbientà inte el Piemonte del Setesento e ispirà al romanzo anglezo Pamela, o la virtù premiata de Samuel Richardson, ła conta ła travajà storia d'amor intra l'umiłe dama de conpanja Elisa Scalzi e el conte Fabrizio Ristori (Alessandro Preziosi). Direta da Cinzia TH Torrini, ze stata trasmessa da Canale 5.

Senpre in tełevizion inte el 2004 ła interpreta el roło de Octavia in Imperium: Nerone. Inte el 2005 ła ze ła protagonista del film Ma quando arrivano le ragazze?, regia de Pupi Avati. Inte el steso ano ła torna so Canale 5 co Elisa di Rivombrosa - Parte Segonda, par cui ła vinse ła Telegrolla d'Oro, come mejo atora de fiction par el roło de Elisa Scalzi Ristori. Senpre inte el steso ano ła interpreta el roło de ła Baronesa Maria Vetsera in Il destino di un principe, regia de Robert Dornhelm, che parla dei fatti di Mayerling, in onda inte el 2006 co suceso in Austria e in Zermania, e in Itałia, so Rai Uno, el 17 de disenbre del 2007.

A setenbre del 2006 ła scominsia a zirar ła miniserie Le ragazze di San Frediano, ciapà da l'omonemo romanzo de Vasco Pratolini, in onda inte el 2007 so Rai Uno. I altri protagonisti i ze: Martina Stella, Chiara Conti, Camilla Filippi e Giampaolo Morelli.

Inte el 2007 ła zira ła miniserie TV La baronessa di Carini, regia de Umberto Marino, co Luca Argentero. A majo del steso ano ła taca łe repreze del film Colpo d'occhio, regia de Sergio Rubini, di cui ła ze protagonista insenbre a Riccardo Scamarcio, inte łe sałe a marso 2008. Par sto film ła reseve da novo el premio Diamanti al Cinema come mejo atora protagonista ex aequo co Violante Placido a ła Mostra del Sinema de Venesia 2008.

Inte el 2009 ła zira łe miniserie TV Tutta la verità, direta da novo da Cinzia TH Torrini, e C'era una volta la città dei matti..., regia de Marco Turco, insentrà so ła vita e so l'atività de Franco Basaglia, el psichiatra che ga ispirà ła łeje 180/78 che regoła l'asistensa psichiatrega in Itałia, in onda entranbe so Rai Uno. Senpre inte el 2009, el rejista Gabriele Muccino ła sernise come coprotagonista inte el film Baciami ancora[4], sequel del za famozo L'ultimo bacio, inte el cuało quale Vittoria ła interpreta el rolo de Giulia (intarpetà da Giovanna Mezzogiorno inte el film presedente). Altri interpreti Stefano Accorsi, Pierfrancesco Favino, Giorgio Pasotti. Par sto roło, el 20 de zugno 2010, a Vittoria Puccini vien asenjà el Golden Goblet Award come mejo atora protagonista a ła 13ª edision del Festival Internasionałe del Film de Shanghai.

Inte el 2010 ła zira infra Kenya e Salento el film La vita facile par ła regia de Lucio Pellegrini, oncora co Pierfrancesco Favino e Stefano Accorsi. Inte el setenbre 2010 ła vinse par ła tersa volta el premio Kinéo-Diamanti al sinema par l'intarpretasion de Baciami ancora. Senpre durante ła 67ª Mostra del Sinema de Venezia ła vien insinjìa del premio "L'Oréal Paris par il Cinema", dedegà ai zovani tałenti co ła motivasion: "Beła, tałentuoza brava e apresada da critica e pùblego".

A novenbre 2010 ła ga tacà łe ripreze de ła miniserie RAI Violetta, par ła regia de Antonio Frazzi, łibaramente trazesta da l'ópara de Giuseppe Verdi La Traviata.[5]

El 31 de majo 2011 ła reseve da l'Asosiasion Donne nell'Audiovisivo el "Premio Afrodite" 2011 come "Atora de l'Ano". Senpre inte el 2011 ła ze stà ła comàre de ła 68ª Mostra internasionałe d'arte sinematografica de Venesia[6].

Inte el disenbre 2013 ła ze ła protagonista de ła miniserie in do pontade Anna Karenina, in onda so Rai 1[7].

Inte el zenaro 2014 ła vien fora inte i sìnema co ła comedia Tutta colpa di Freud direta da Paolo Genovese.[8] Inte el 2015 ła interpreta Oriana Fallaci inte ła fiction tv L'Oriana, che conta ła vita privà e profesionałe de ła zornałista;[9] mentre a teatro ła ze protagonista, insenbre a Vinicio Marchioni, de La gatta sul tetto che scotta, el drama teatrałe de Tennesse Williams.[10] Al sìnema ła ze inte el cast del film Maraviglioso Boccaccio, ispirada al Decamerone de Giovanni Boccaccio, che el conta ła istòria de dièze zovani costrenzesti a refujarse in canpanja par via de l'ondada de peste che gaveva colpìo el caołogo Toscan.[11]

Inte el 2016 ła ze protagonista de ła comedia Tiramisù darenta a Fabio De Luigi, sto ùltemo inte łe dopie veste de ator e rejista.[12]

Inte el 2019 ła interpreta Monica, protagonista de ła serie Rai Mentre ero via afiancà da Giuseppe Zeno.

Dal 9 de zugno 2020 ła ze ła prezidente de l'asosiasion UNITA (Unione Nazionale Interpreti Teatro e Audiovisivo).

Inte el 2021 ła vien candidà ai David di Donatello come mejo atora protagonista par el ròło de Elisa inte el film 18 regali.

Dal 5 de avrìl 2021 ła ze ła protagonista de ła miniserie Rai La fuggitiva.

Vita privà[canbia | canbia el còdaxe]

Dal 2004 al 2010 ła ga avùo na rełasion co Alessandro Preziosi, conosùo sol set de Elisa di Rivombrosa, e dal cuało ła ga avùo na fia, Elena, nasùa el 16 de majo 2006 a Firense[13].

Filmografia[canbia | canbia el còdaxe]

Cinema[canbia | canbia el còdaxe]

Television[canbia | canbia el còdaxe]

Dopiajo[canbia | canbia el còdaxe]

Teatro[canbia | canbia el còdaxe]

  • La gatta sul tetto che scotta (2015)

Video muzegałi[canbia | canbia el còdaxe]

Premi e reconosimenti[canbia | canbia el còdaxe]

Altri reconosimenti:

Notasion[canbia | canbia el còdaxe]

  1. 1,0 1,1 Simona Rodolli, Guardate, la sua ze una famiglia di artisti (PDF), in Grand Hotel, 21 ottobre 2011, pp. 10. entrada il 3 agosto 2014.
  2. Sofia Viscardi:<<Io che mi piaccio così come sono>>vanityfair.it.
  3. Telegatti 2004, trionfa Elisa di Rivombrosapubliweb.com. entrada il 10 zugno 2016.
  4. Baciami Ancora: Vittoria Puccini sostituisce Giovanna Mezzogiorno
  5. Violetta, l'amore struggente di Vittoria Puccinimymovies.it, 17 ottobre 2011. entrada il 19 maggio 2017.
  6. Venezia 2011, Vittoria Puccini ze la madrina
  7. Anna Karenina su Raiuno: Vittoria Puccini interpreta la protagonista del romanzo di Tolstoj Dòparo incoreto del modeło ligo ronpesto (ligo ronpesto dispunìbiłe in Internet Archive; védarse el istòrego, la prima version e ła ùltema).cultura.nanopress.it. entrada il 23 novembre 2013.
  8. Tutta colpa di Freud con Vittoria Puccinivelvetcinema.it. entrada il 27 gennaio 2014.
  9. Vittoria Puccini diventa Oriana Fallaciaffaritaliani.it. entrada il 23 novembre 2013.
  10. Vittoria Puccini a teatro in La gatta sul tetto che scottaprimapaginanews.it. entrada il 17 marzo 2015.
  11. Vittoria Puccini presenta Maraviglioso Boccacciolettera43.it, 23 febbraio 2015. entrada il 17 marzo 2015 (archivià dal URL orizenałe il 2 aprile 2015).
  12. Vittoria Puccini, da Elisa di Rivombrosa a Tiramisùsorrisi.com, 8 febbraio 2016. entrada il 10 zugno 2016.
  13. Puccini-Preziosi sono mamma e papà, tgcom24, 16 maggio 2006. entrada il 23 novembre 2013 (archivià dal URL orizenałe il 2 dicembre 2013).
  14. Vittoria Puccini: «Io, maga par La Bella e la Bestia»vanityfair.it, 14 marzo 2017. entrada il 19 maggio 2017.

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàVIAF (EN261500146 · ISNI (EN0000 0003 8149 4841 · SBN (ITIT\ICCU\RAVV\329007 · LCCN (ENno2009056620 · GND (DE138525692 · WorldCat Identities (ENno2009-056620
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Vittoria_Puccini&oldid=1070925"