Villard blanc

Da Wikipedia, l'ençiclopedia libara.
Jump to navigation Jump to search

El Villard blanc xe un ibrido otegnest inte i primi de 'l noveçento da Victor Villard e Bertille Seyve intel sud ovest de ła Fransa. El xe el resultat de l'insembrament de do ibridi otegnesti da Albert Seibel uxando come sorxent de ła rexistensa deverse speçie de vide ameregane ma in prevałensa Vitis rupestris, mentre tra łe qałitá de V. vinifera gha contribuest soratut vide locałi come l'Aramon. Inte 'l pedigree de 'l Villard blanc ghe xe anca el Dattier (sin. Rexina) da cui provabiłmente vien a forma ovałe de i granełi.

Carataristeghe colturałi[canbia | canbia el còdexe]

El xe na quałità de ibrido bastansa tardiva che ła voe caldo par maturar parció no ła xe adata a łe region de 'l nord come altri ibridi (esempio: Seyval). El xe vigoroxo e rexistent a łe małatie. se mała na scianta de peronospora solke in condision tant favorevołi a ła małatia.

Istoria e difusion[canbia | canbia el còdexe]

Da cò xe sta sełesionà fin a i ani sesanta de'l noveçento el Villard blanc gha vest na gran diffusion. Defati, par el flajel de vigne de la fiłosera e a devastasion de łe guere, se gha dovest repiantare e vide e xe stat sielt i ibridi par a so rexistensa a łe malatie. Soratut inte ła zona de'l Armagnac e del Cognac el Villard blanc xe stat uno de i preferei par i novi impianti par via de ła produsion bondante e de bona quałitá. Inte i ani sesanta el jera ła tersa quałità de ua in fransa dopo Ugni blanc (Trebian) e Chardonay. El xe rivá anca in Veneto. Pi tardi łe lexi comunitnrie par difender i vini europei gha causa 'l espianto de el Villard blanc come de chialtri ibridi. Ancuo te ło trovi isolá visin a łe caxe o qualke cialt pa łe campanie. Xe comunque na quałità de importansa parchè el xe stat doparà per otegner tanti de i ibridi de ła generaxion sucesiva, el xe, ad exempio el xenitor de ła Bianca.

Descrision[canbia | canbia el còdexe]

Pianta: vigoroxa, na scianta cespułiosa con raixe fonde (come V. rupestris). otima fertiłità, pol portar anca 3 raspi so par cavo e fa ua anca i cavi de i oci de ła corona. Cavo: a sesion tonda de color arancio. El rasp xe tacá alt. Foja: media-grande, lisia, parsora no bołosa color verde medio, parsot glabra cò e vene poc in fora e el pecolo ros. Rasp: medio ramificà. Granel: medio, ovałe.