Videoconferensa

Da Wikipedia, l'ençiclopedia libara.
Na videoconfarensa

Se definise videoconferensa ła combinasion de do tecnołoxìe, ndove se ga l'interasion sincrona in audio, video e dati intrà do o pì sojeti. Tìpego xe l'uxo a l'interno de grupi de łaoro (workgroup) xeografegamente deslocai so più sedi axiendałi.

Existe ancùo anca ła multiconferensa audio/video/web che mete in comunicasion tra de łori dispoxidivi diversi (PC co o sensa webcam, tełefono fiso o mobiłe, videoconferensa) rendendołi interativi tra de łori.

Descrision[canbia | canbia el còdaxe]

Un calsiasi sistema bon de convojar audio, video, dati respondente ai stàndar de ła videoconferensa pol èsar considerà un termenałe de videoconferensa. In sta definision rientra na anpia gama de prodoti co caratèristeghe tecneghe, funsionałi e costi notevolmente difarenti. Ognun de sti prodoti, ga da èsar perciò crivełà in baxe al contesto de utiłixo. El stàndar indega che ła funsionałità minimałe da garantir par 'na videoconferensa xe l'audio; l'audio steso costituise uno dei ełementi che determena in prima batùa ła bona riusìda de na videoconferensa. Se l'audio rexulta afeto da rumori, distorsion opur eco, se rende vana l'utiłità de ła videoconferensa. Sti problemi i xe anplifegài inte el caxo inte el cuało l'incontro no avegna inte ła łengua mare. In xenerałe, se ghe xe problemi łigai a ła cuałità de l'audio, ła videoconferensa ła rexultarà conpletamente ineficase.

Oltra a ła posibiłità de scoltar e védar el pròpio interlocudor, ła videoconferensa ła parmete a volte de disponer de:

  • un paneło de controło indove che i xe indicài i sojeti partesipanti.
  • un spasio de łaoro virtuałe comun, andove tuti i partesipanti i połe condivìdar testi, imàjini, tabèłe e nantre informasion.

Standar uxà[canbia | canbia el còdaxe]

Ła posibiłità de comunicar in videoconferensa, depende da ła disponibiłità de dispoxidivi che suporte ła catura, codifega, trasmision e decodifega de audio e video, e da ła capasità dei dispoxidivi stesi de cołocuiar segondo un protocòło standar comun. I protoòłi maxormente difondesti i xe H.320 e H.323. Ghe xe altre suite de protocòłi che interesa ła videoconferensa, ma el łiveło de sviłupo, consołidamento e difuxion no xe gnancora capiłar.

Existe vari [standar] e protocòłi a cui se atien i costrutori e i operadori par garantir l'interoperabiłità dei sistemi de Videoconferensa. Fra i prinsipałi protocòłi, in funsion del tipo de rede utiłixà, se anovera:

  • so redi publeghe comutàe el protocòło H.324. So sto tipo de rede ła videoconferensa xe asè poco utiłixà a cauxa de ła basa vełosità de trasmision e de ła scadente cuałità de łe imàjini che ne consegue. Alcuni costrutori ga slansà sol marcà videotelefoni che responde a sto standar.
  • so redi ISDN el protocòło H.320. Definise łe modałità de comunicasion audio, video e dati sia punto a punto che multi-punto so redi a comutaasion de sircuito (come ISDN aponto), fin ad ancò ła xe stà ła sołusion perferìa par łe aplicasion de łiveło profesionałe. Raxon de costo e de maxor flesibiłità łe xe drìo favorir ła migrasion verso sołusion so Internet.
  • so redi ATM el protocòło H.321.
  • So redi internet IP, tramite TCP/IP el protocòło H.323 o in alternativa, el protocòło SIP el definise łe modałità de comunicasion audio, video dati si punto a punto che multi-punto. Resspeto a ła sołusion so redi ISDN, łe sołusion baxàe so IP łe prexenta alcuni problemi, come na cuałità a volte conpromesa da ła perdita de pacheti o dal ritardo in ritrasmision (łatensa).
  • so redi UMTS el protocòło H.324M e vien definìa videociamada

Prinsipałi aplicasion[canbia | canbia el còdaxe]

Voxe corełàe[canbia | canbia el còdaxe]

Altri projeti[canbia | canbia el còdaxe]


Linganbi foresti[canbia | canbia el còdaxe]



Controło de autoritàGND (DE4131124-3
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Videoconferensa&oldid=1042598"