Vajo deł'Aqua
El Vajo deł'Aqua xe el pi grande dei vaj ke vien xo dała Cadena de łe Tre Croxe verso ła Gazza. El se ciama cusì parkè ghe xe un fontego de aqua freskisima proprio ała baxe del vajo, soto ła strada miłitare. Xe mejo farlo d'inverno quando ke ła neve juta a ndar su (i mesi pi comodi xe i primi deł'ano). Ocio al tenpo e al pericoło de valanghe: prima de partire telefonare al Centro Valanghe de Aràba, a Łivinałongo del Col de Łana o sentire el paron del rifugio Battisti. Par ciapar el vajo, se parte dal Rifugio Battisti: se va drio verso sud par la vecia strada miłitare e dopo 10 minuti se riva ała base del vajo, larga xento metri. Se monta pian pian su par ła neve finkè no se riva a un terso del vajo: da lì se se tien suła sinistra e se riva in sima, ała Boketa del Sevoła, a pochi metri dała sima del Sevoła.
Tempi in su e in xo
[canbia | canbia el còdaxe]Par far tuto el vajo ghe vol 2-3 ore. Dopo, par tornar xo, convien ciapare el troso ke vien xo da Paso Ristełe, a 10 minuti a sud-est (trosi 202-121): altre do ore.