Utensa:Enrico/Exenpi sintasi

Note

Come se mete łe note

Se scrive cusì:

Łe note łe se mete cusì<ref>testo de ła nota</ref> 
(resto del articoło)
== Note ==
<references />

E vien fora cusì:

Łe note łe se mete cusì (resto del articoło)

'Ndove se mete łe note

Ła sesion riservà a łe note ła va mesa verso el fondo de ła pajina, secondo el seguente schema standard:

==Note==

==Bibliografia==

==Voxe ligae==

==Altri progeti==

==Ligamenti foresti==

In caxo de nota co link esterni

Se ła nota ła ga un link esterno basta metare:

Łe note łe se mete cusì<ref>[link testo de ła nota]</ref>

Mejo ncora se se spesifega in che lengua che xe sto link (serve soło che se no'l xe in vèneto), xontando prima de ła nota el modèl co'l codexe de ła lengua. Exenpio par un link in italian:

Łe note łe se mete cusì<ref>{{it}} [link testo de ła nota]</ref>

Se fuse in inglexe bastaria metare en al posto de it. Se el link el xe in pì de na lengua se mete:

Łe note łe se mete cusì<ref>{{lingue|it|en}} [link testo de ła nota]</ref>

In sto caxo go ipotixà che ła pajina ła sia in italian e in inglexe. Se ła fuse in fransexe e in inglexe se metaria {{lingue|en|fr}}.

In caxo de nota "conpagne"

Capita serte volte de dover metare ła 'stesa identica nota in pì posti. Come fare? Ghe xe ła posibiłità de darghe un nome a ła nota e dopo riciamarla. Eco come:

A volte xe nesesario metar note conpagne<ref name=x>testo nota</ref>

tipo in sto exenpio cuà<ref name=x />

NB: al posto de x te meti el nome che te vol

Che vien fora cusì:

A volte xe nesesario metar note conpagne

tipo in sto exenpio cuà

Sesion del articoło

I articołi i va divixi in sesion, co te ghe tacà laorar so sta wiki te faxevi na roba tipo cusì:

<big>'''Titoło sesion'''</big>

<big>'''Altro titoło sesion'''</big>

E vegneva fora na roba tipo:

Titoło sesion

Altro titoło sesion

In sto modo no vegnea fora el indice a inisio pajina e so ogni pajina che te faxevi metevimo el aviso {{W}}

che'l signifega che ła pajina no ła jera "wikifegà" overo no ła jera formatà secondo i standard de Wikipedia. Deso invese te laori cusì:

=='''Titoło sesion'''==

=='''Altro titoło sesion'''==

Che vien fora cusì:

Altro titoło sesion

Che xe scuaxi justo. Parché scuaxi? Parché no te ghe da doparar el graseto inte i titołi de łe sesion. Overo va fato cusì:

==Titoło sesion==

==Altro titoło sesion==

Par crear na soto-sesion basta xontarghe un =

==Titoło sesion==
===Titoło soto-sesion===
====Titoło soto-soto-sesion====

Che vien fora:

Titoło sesion

Titoło soto-sesion

Titoło soto-soto-sesion

NB: varda sora so'l indice come che vien raprexentae ste soto-sesion

Link vari

Link interni

In wikipedia i normałi link interni, diti wikilink, i se mete cusì, co do parentexi cuadre:

[[link]]

che mostra

• link se ła pajina linkà no ła existe
• link se ła pajina existe

A volte xe nesesario far in modo che no vegna fora ła scrita del link ma n'altra roba. In sti caxi:

[[link|n'altra roba]]

che mostra:

• n'altra roba

Interwiki e link a categorie

I interwiki i xe caxi speciałi de wikilink. I xe dei link che i rimanda a pajine de altre wiki del projeto Wikimedia. Eco un exenpio de un interwiki verso na pajina de it.wiki:

[[it:link]]

Ła formuła xenerica ła xe: [[Codexe lengua:link]]. De sołito i interwiki i se mete a fondo pajina, pena dopo łe categorie. I conpare a sanca so ła sidebar, soto ła voxe Altre lengue.

A volte po'l servir, magari inte na discusion co altri wikipediani, de metare un interwiki come un normałe link. Par farlo basta xontare : prima del codexe lengua:

[[:it:link]]

In sto modo el link el conparirà 'ndove che'l vien meso da chi che scrive, come che'l fuse un normałe wikilink.

Se dopara sta sintasi anca se se vol linkare na categoria:

[[:Categoria:nomecategoria]]

In sto modo vien fora el link 'ndove che'l vien meso da chi che scrive, come che'l fuse un normałe wikilink. Ła normałe sintasi par łe categorie ła xe invese:

[[Categoria:nomecategoria]]

Co se fa cusì ła pajina vien categorixà e 'l link a ła categoria el conpare a fondo pajina.

Pajine de rimando

Un rimando, ciamà anca redirect, el xe na pajina de Wikipedia co drento sta sintasi:

#VARDA [[link]]

Se el contegnùo de ła pajina A el fuse #VARDA [[B]] uno che acede a ła pajina A el vegnaria mandà diretamente a ła pajina B.

Cuando serve far un rimando? Co ghe xe na stesa identica roba ciamà in do modi difarenti par exenpio s·cioxo e bovoło: uno de i do sarà el nome de ła voxe e chealtro el sarà un rimando.

Xe capità in pasà che te ghe fato dei rimandi cuando che invese bastava ła sintasi [[link|altra scrita]] par exenpio te ghevi fato ła pajina Arsenal par rimandare a Arsenal de Venesia invese bastava doparare, 'ndove che te vołevi che vegnese fora scrito soło che arsenal, ła sintasi [[Arsenal de Venesia|arsenal]]...

Link foresti

I link foresti invese i se mete cusì, co na parentexi cuadra ugnoła:

[http://exenpio.it]

Che mostra:

• http://exenpio.it

Anca in sto caxo xe posibiłe far conparir n'altra scrita al posto del link. Basta metare un spasieto dopo ła fine del URL.

[http://exenpio.it El sito uficiałe]

Che mostra:

• El sito uficiałe

I modełi

Un modèl, in inglexe template, el xe na pajina spesałe creà par esare incluxa in altre pajine. El pol esar doparà par:

• Insèrir fasilmènte del tèsto ripetùo so diverse pajine, scrivèndoło na vólta soła. Cuesto xe el caxo de i modełi de navegasion.
• nsèrir de i ełèmènti standard, de łe tabełe informatìvè o de i avixì
• Insèrir ełèmènti de cùi sia posibiłe programar el conportàmènto in funsion de serte variabiłi.

So na pajina te fe preso a riconosare un modèl parché el xe infrà parentexi grafe.

{{nome modeło}}

A volte i modełi i ga de i parametri:

{{nome modeło|parametro1|parametro2}}

Modełi de avixo

Se trata de segnałasion mese da i utenti inte łe voxe de Wikipedia (de sołito sora a ła pajina). So ła pajina de ajuto dedicà ghe xe un elenco de sti modełi. Par come che se fa a dopararłi te rimando a i singołi manuałi de i singołi modełi.

Se so na voxe te cati uno de sti modełi te poi sercare de risolvare el problema e na volta risolto cavare el modeło de avixo.

Se invese so na voxe te cati un problema che no te si bon de risolvare o che pol risolvare soło che un aministrador (par exenpio se ła voxe ła xe da scansełare) te poi segnałar ła roba metendo el justo modèl de avixo: xe fasiłe, basta xontar in sima a ła pajina

{{nome modeło}} oppure {{nome modeło|parametro1|parametro2}}

(speso sti modełi i ga dei parametri, par exenpio data e argomento de ła voxe, che i serve par categorixar ła voxe co'l problema inte łe juste categorie de servisio).

Modełi de navegasion

Se trata de modełi mesi par fasilitar ła navegasion infrà voxe del 'steso argomento. Xe fasiłe xontarli so na voxe, basta doparar ła sintasi

{{nome modeło}}

scrivendoła in fondo a ła pajina, prima de scrivare ła/łe categoria/e e i interwiki.

Par un elenco de i modełi de navegasion varda: Categoria:Modełi de navegasion.

Modełi sinotisi

Se trata de łe famoxe tabełe riasuntive che te vedi sora a drita so łe voxe. I se mete de sołito sora a ła voxe. Par metarli:

1. te ve so'l manuałe del modèl che te vui inserir
2. te copi ła sintasi
3. te incołi ła sintasi so 'l articoło che te si drio scrivare
4. te conpili el modèl

Par un elenco de i modełi sinotisi varda: Categoria:Modełi sinotisi.

IRC

Anca se xe un fià fora tema te xonto cuà soto un par de comandi de IRC...

• /join "nomecanałe" : co sto comando se entra so'l canałe spesifegà, el canałe de vec.wiki el xe #wikipedia-vec donca se scrivaria /join #wikipedia-vec
• /part "nomecanałe" : par usir dal canałe spesifegà
• /quit : par sarar tuto
• /query "nickname" : par verxare na discusion privà co un utente, al posto de "nickname" metare el nickname. Par mandare invese un mesajo publico a chel utente basta scrivare el so nickname in mexo a ła fraxe opur tacare co "Nickname:"