Utensa:FranceskoPask

Wikipedia:Babel

it	Questo utente parla italiano come lingua madre

vec	Sto utènte cuà el parla vèneto come só łengoa mare.

en-2	This user is able to contribute with an intermediate level of English.

de-1	Dieser Benutzer hat grundlegende Deutschkenntnisse.

fr-1	Cette personne peut contribuer avec un niveau élémentaire de français.

la-1	Hic usor simplici latinitate contribuere potest.

Ciao fradełi!
a vegno da Santorso (VI),

A setenbre studierò al terso ano del Liçeo Lenguistego de Schio, par queło a poso contribuir na sciantineła in diferenti łengoe.

De sołito scrivo in sta wikipedia qua, ma me catè anca inteła nonciclopedia itałiana col nome de MetalloVicentino (semo mi e n'altra me amiga).

Pì vanti xonterò roba e meterò a posto sta paxena, ma portè pasiensa. ;)

Se vołì vixitar el me blog: http://francesko.ilcannocchiale.it

Me piaxerìa se descutisi so qùel che go scrito qua soto

Picoli pensieri de unità

Inte sta wikipedia qua se vede ben łe diferense tra vari diałeti vèneti. No l'è miga on problema intel parlà, ma par scrivere a se vede ben grose diferense de pronunçia (mi digo "Vicensa" altri inveçe i dixe "Vicenzsa" o "Vicentsa"). Mi go pensà a na picola onifegation de scritura. Ła scrivo sol par far sever ła maniera che penso che sia mejo scrivere, no vojo inpore gnente anca parché no go miga studià łengoistega o robe del genere. Lexiło pure e comentemeło... Se vołì discutere e gavì idee mejo diximeło pure inteła me discusion.

Scritura

• -TI- = ła -TI- tra łe parole ła pol eser łeta confà S, ZS, X. Exenpi: VENETIA, ła vien łeta confà: "Venesia", "Venezsia", "Venexia"; MANIFESTATION ła pol vegner łeta: "Manifestasion" o "Manifestazsion". Se però ła T ła ga da eser łeta T łora se ghe mete l'açento soła I (NEUROPATÌA ła vien łeta "neuropatia" e no "neuropazsia").

• Ç = sta letera qua ła pol vegner łeta łi steso confà S o ZS. Exenpi: ÇERCARE el vien łeto "Zsercare", ma anca "Sercare"; VICENÇA se łexerà "Vicensa", "Vicenzsa", "Vicentsa".

• Z = sta łetera qua ła vien leta confà na "ese sonora", ma ła pol eser łeta anca confà confà TS o ZS. Exenpi: ZENTE el pol eser łeto "Xente", "Tsente", "Zsente".

• S = sta łetera qua confà "ese sorda".

• J = ła I ŁUNGA ła vien senpre łeta confa na "I INTERVOCAŁE" e in çerti caxi anca confà na "G". Exenpi: REJON łeto "Region" o "Reion", JUSTO łeto "giusto" o "iusto".

• L = secondo de mi sarìa mejo trar via ła "Ł", parché no ła se catà miga dapartuto e intel computer e par internet tante volte no ła vien gnanca riconosesta confà na łetera, dopo a go visto che gh'è pì de Ł che de L e no'l xe miga masa estetego (no so se me spiego). Se ła cavemo a canbia poco gnente, ansi: sarà pì façiłe scrivere e chi che'l vorà łexerà ła L come che'l penserà mejo.

• -ER- = tante volte n'altri dixemo çerte parołe co na A al posto de na E ("Scrivere" ło dixem "Scrivare"). Secondo de mi sta roba quà no ła xe altro che on difeto che gh'emo n'altri intel parlar. Se podrìa scrivere secondo mi senpre co ła ER ma łexerlo AR come i Tedeschi: łori i fa ła stesa identica roba che go dito mi.

• QÛ- = in sto caxo quà ła U no ła vien łeta. Exenpi: AQUA ła sarà łeta "akua", ma QÛALCHEDUN el sarà łeto "kalkedun".

• SB, SL, SM, SN = i vien łeti confà "XB, XL, XN, XN", ma i va scriti co ła S par on motivo pì che altro de estetega.

• SC = SC el vien łeto come inteła paroła MASCIO (łeto "mas-cio"), in vèneto i soni "sh" no i existe.

• AÇENTI = I açenti i ghe va soło in sti caxi qua:

1. Intel'ultima vocałe de na paroła se l'açento el va in fondo. Se sta paroła ła finise co na consonante l'açento no'l se scrive miga (PARON se łexerà "parón").
2. intel conjutivo e in altri verbi 'ndo che l'açento el va inteła penultima paroła.
3. Inteła paroła SÉ(= a sé stesso), SÈ(= pronome impersonale) par diferensiar da SE(= in tal caso).
4. Intei partiçipi pasài inteła penultima vocałe.
5. Intełe parołe che łe ga ła -TI- co l'açento soła I.

Testi

Deso ve vojo mostrare come che vienrìa fora i testi e come che el vèneto el vienria pì unio.

Testo orijinałe

El Veneto ła xe na región itałiana, spartìa in 7 provinzse: Venezsia, Bełun, Padoa, Rovigo, Treviso, Verona e Vicenzsa. Le lengue pi' parlade in tel Veneto łe xe el Veneto e el 'Tałian. El Veneto el xe in tel nord-est de l'Italia, el ga na popolasión de 4.490.000 àneme (2001) e 'l se estende par 18.930km², co' na densità de 244 ab/km².

(Ciapà da: http://vec.wikipedia.org/wiki/V%C3%A8neto)

Testo intel'altra maniera

El Veneto la ze na rejon italiana, spartìa in 7 provinçe: Venetia, Belun, Padoa, Rovigo, Trevizo, Verona e Vicença. Le lengue pì parlade intel Veneto le ze el Veneto e el 'Talian. El Veneto el ze intel nord-est de l'Italia, el ga na popolation de 4.490.000 aneme (2001) e'l se estende par 18.930 km², co na densità de 244 ab/km².