Unità nasionałe

Par unità nasionałe s'intende ła condision traerso cuałe, ła parte preponderante de na nasion xe sojeta a ła sovranità de on Stato ùgnolo.

Połe, par raxon storiche, no esarghe par łonghi periodi de tenpo; esare pal momento desfada pa colpa de guere siviłi (come ła Spagna co ła guera 1936/'39 o l'Itałia tra el 1943 e el '45) opure de ocupasion miłitari de tochi che conta del teritorio statałe da parte de exersiti foresti (come ła Fransa del 1940/'45).

Ła storia ne dà exenpi de nasion separae in dò anime statuałi tute e do indipendenti una co che altra, sasguna proclamada ła lexitima raprexentante de el steso popoło. Xe el caxo de ła Xermania, fin al 3 de otobre 1990 divixa inte na Republica Federałe de Xermania (Xermania Ovest) e inte ma Republica Democràtega Todesca (Xermania Est). St'ultoma divixion ła xe finia co ła disołusion de ła Republica democràtega e l'union dei so Länder a cheła federałe.

On'altra divixion oncora operante - sta olta so'ase Nord-Sud - xe cheła tra ła Republica Democràtega Popołare de Corea (Nord, comunista) e la Republica de Corea (Sud, de sostansa democratica).