URL

In tełecomunicasion e enformàdega un Uniform Resource Locator o URL ła xe na sequensa de carateri che ła identifega univocamente l'indiriso de una risorsa in Internet, de sołito prexente su un server, come a exenpio un documento, na imagine, un video, rendendoła acesibiłe a un client che ne fa dimanda atraverso l'utiłixo de un web brausér.

Descrision

Ad exenmpio, l'URL de sta pajina el xe http://vec.wikipedia.org/wiki/URL.

Na definision formałe de sto identificativo, scrita da Tim Berners-Lee, se cata inte ła RFC 3986 de ła Internet Engineering Task Force.

Strutura

Ogni Uniform Resource Locator se conpone normalmente de sie parti, alcune de łe cuałi opsionałi:

protocoło://<username:password@>nomehost<:porta></percorso><?querystring><#fragment identifier>

• protocoło de rete:

Descrive el protocoło, tipicamente de liveło aplicasion, da utiłixar par l'aceso al server. I protocołi pì comuni i xe l'HTTP, HTTPS, FTP evc. Se el protocoło nò'l vien spesificà, xeneralmènte el brausér utiłixa "HTTP://" come predefinìo.

• username:password@ (opsionałe):

Subio dopo el protocoło, xe posibiłe spesifegare l'autenticasione (username e password) par l'aceso a ła risorsa. Alcuni server i consente de spesifegare inte el URL łe informasion par l'autenticasion inte el formato "username:password@". Tutavia, l'autenticasion in URL xe estremamente riscìoxa in quanto łe credensiałi de aceso łe vien inviàe al server in cìaro.

• nomehost:

Raprexenta l'indiriso fixico del server su cui risiede ła risorsa. Pol esar costituìo da un nome de dominio o da un Indiriso IP.

El DNS xe invese el database che el contien ła corispondensa intrà nomi de host e indirisi IP necesaria par ła risołusion da uno all'altro indiriso e el sucesivo indirisamento-instradamènto del fluso dati dexiderà tramide el protocoło IP so ła rete Internet.

• porta (opsionałe):

Indica al sistema operadivo dell'host remoto ła porta del proceso server al cuałe afidare ła dimanda. Ghè xe ła necesità de indicar sto parametro quando el proceso server xe in ascolto so na porta mìa conforme a ło stàndar definìo prima da IANA e in seguito da ICANN. In caxo contrario pol esar omeso e el client provederà a conpletar sto canpo dell'URL cò el vałore stàndar asocià al protocoło indicà inte ła dimanda.

• percorso (opsionałe):

Percorso (pathname) inte el file system del server che identiega ła risorsa (xeneralmènte na pajina web, na imagine o un file multimediałe). Se el nome del file nò'l vien spesifegà, el server el pol esar configurà par restituir el file predefinìo.

• querystring (opsionałe):

Se dimandà, al termine dell'url xe posibiłe xontar na query string separandoła utiłixando el sinbolo "?". Ła query string ła xe na stringa de carateri che consente de pasar al server uno o pì parametri. De norma, ła query string gà sto formato: [...]?parametro1=valore&parametro2=valore2.

• fragment identifier (opsionałe)

Se prexente indica na parte o na poxision all'interno de ła risorsa.

Controło de autorità	GND (DE) 4753514-3