Tridentum

Da Wikipedia, l'ençiclopedia libara.
Jump to navigation Jump to search
'Sto artìcoło el 'é scrito doparando ła grafìa dita DECA
Mapa de Tridentum

Par serte teorie, Tridentum, ła sità de Trento de deso, ła se gavarìa zviłupà so un presedente insediamento rètego inte'l fondo de ła vałe. E A ze proabiłe che ghe sia on antigo castełier rètego so'l Doss Trento, che el ze on pìcoło montezeło che oncora ancó el dòmena ła sità, fursi anca doparà da i Romani drioman de ła concuista, par uno de i primi nucrei urbani de ła sità. A ze rajonévołe retenjer che ła Vałe de l'Àdeze, granda via de comunegasion da'l nord a'l sud de primaria inportansa, ła gapia favorìo on mucio de scanbi culturałi co altre popołasion pre-romane, cofà i Veneti, i Etruschi e i Gałi.

Storia[canbia | canbia el còdexe]

Ła concuista romana de'l Trentin ła ze stà inte'l corso de'l primo sècoło v.C. Trento, cresuda za prima de ła concuista cofà canpamento miłitar roman (castrum), ła ze venjesta batezà Tridentum ("sità de i tri dinti"), fursi parché inte ła visinansa de ła sità A ghe ze propio tri cołi che on pocheto i someja a tri dinti (el Doss Trento, el Doss Santa Àgata e el Doso de San Roco). Ła sità ła ze deventada municipium tra el 50 e el 40 v.C.

Ancó A ze posìbiłe vizitar racuanti siti archeołòzeghi cofà ła bazìłega pałeocristiana de San Viziłio soto ła catedrałe, el Spasio Archeołòzego Sototera de'l Sas soto A ła piasa Sézare Batisti (Piasa Itałia), cueło inte ła piasa Pazi), cueło inte ła Piasa de Santa Maria Major e cueło inte'l muzèo diosezan (co ła porta Veronensis) a Trento. Resenti scavi i ze drio portar a ła łuze cueło che fursi el pòdaria èsar ła piasa de ła sità soto de ła cieza de Santa Maria Major.