Traersa (ferovia)

Da Wikipedia, l'ençiclopedia libara.
Jump to navigation Jump to search
On binàrio.

Co la parola traersa (o sveler, cofà che łe se denòmena inte el bełumato) a se intende cheła sotostrutura del binario a ła cuała le xe fisae łe sine.

La inportansa de łe traerse[canbia | canbia el còdaxe]

Łe traerse i ga la dopia funsion de mancener el scartamento e de trasmeterghe a el teren el peso del treno che el pasa deograsia de la so superficie on bel poch pì granda de chela de la rotaja. Sto ultimo fato, intuitivo, el xe gnest senpre pì inportante par via del aumento de le mase de le motrisi e de i vagoi in xenere e el xe anca el motivo par el cual la distansa tra łe traerse ła xe pì granda inte łe linee secondarje o vece che senò inte chele pì moderne e svelte; sta diferensa la ciapa el nome de modulo. da sto tento deriva che l numero de sveler doperai par le linee feroviarje el xe tanto grando e par el pasà, co gnea doperà solche legn par farli, co gnea fato na nova linea feroviarja gnea tajà do gron estension de bosch. A la fin del 2003 la cuantità de le rotaje de la Deutsche Bahn AG in xermania la ea na longhesa de circa 35 600 km, poxae su sirca 54 miljoni de sveler.

Łe traerse łe pol eser fate de:

Sveler de legn[canbia | canbia el còdaxe]

Sveler tradisionai de legn.

Par el pasà i xera el ùnxoło tipo de sveler e incoi i xe ancora cuei che se cata par la gron part inte el mondo. Łe traerse de legn de solito i xe de fagher, roro e de pin. Prim de gner doperai i subise on tratamento che el serve parchè i pode rexister de pì a inmarsirse e a gner tacai da i bis e da chelaltri parasiti del legn; i gnen inpregnai co ojo de catrame de carbon fosile anca parchè i pode durar de pì contro i efeti anbientai. Pì ch sia te i paes tropicai se dopera altri tipi de legn come el teak e altri legn duri e rexistenti.

Sveler de fer[canbia | canbia el còdaxe]

Sveler de fer fruai de lamierae aciajo stanpada.

Łe traerse de aciajo de solito i xe costituidi da na sbara de longhesa justa co na sesion a "C" a la cual ghe gnen inbolonade le piastre de fisajo de le rotaje.

Inte serti caxi gnen doperà anca sveler ibridi de fer-cimento costituidi da do blocheti de cimento, co i ancoraxi a la rotaja, xontai tra de lori a la distansa justa del scartamento da na sbara de profilà de fer a sesion reduxesta.

Tutidoi i tipi i gnen doperai par ferovie secondarie o tramvie extraurbane par via de la manco rexistensa a velocità e sforsi asiai pì alti.

Sveler de cimento armà[canbia | canbia el còdaxe]

Tipeghe traerse de cimento armà preconpreso co atachi premontai de tipo elastego par rotaje UNI60

Da i ani sesanta se dopera senpre de pì sveler de cimento armà preconpreso inte łe nove opere feroviarie e te i laori de inmodernamento a el posto de łe traerse veci de legn. Da' che i ga on peso pì grando (circa 350–400 kg) che senò łe traerse de legn, che i garantise na stabilità inte ła posision de montajo e na posibilità pì granda de doperar machinari par la costrusion e la manutension, i representa romai el standard par tute le linee feroviarie inportanti e a alta velocità.

Sveler a Y[canbia | canbia el còdaxe]

On exenpio de sveler a Y (a sinistra) e de tipo normal (a destra).

Na altrenativa ła xe el sveler a Y, inte ła cual se xonta sagome de aciajo modelae a copia par er on sveler a forma de Y. inte el binàrio el sveler a Y el gnen montà co la ponta da na parte e i do atachi da chel'altra, e chel che gnen dopo el gnen posisionà inte ła maniera contrària. el rexultà el xe che łe traerse i descrive na linea che la va a zig-zag parte e l'altra del binàrio. I vantaji del sveler a Y i xe na sesion de costrusion pì cea, la alta stabilità de posision del binàrio anca aonde che se à raxi de curva streti e on fondo de jaron pì streto. el sveler a Y el presenta na rexistensa pì alta del binàrio a spostamenti trasversai e on conportamento pì elastego che senò łe traerse de cimento armà. el svantajo el xe dato dal costo che el aumenta co el preso alto del aciajo. par de pì, stłe traerse no i se adata a tute le tecnoloxie moderne mecanixae de rinnovamento e manutension del binàrio, co velocità pì base inte ła laorasion mecanizada in confronto a i binari a sveler tradisional. se xonta chela che la velocità de i treni ła xe limitada a 120 km/h. Diverse olte su tochi atresai co sveler a Y ła xe stata notada na tendensa forta a la ondulasion, che la porta a far pì rumor. Par stro motiu no i gnen doperai se ghe ol responder a serte richieste tecnico-acusteghe anbientai.

Alternative a łe traerse[canbia | canbia el còdaxe]

Baxamento de cimento armà preconpreso

Te l metà de i ani otanta i xe stati svilupai diversi sistemi de costrusion come i baxamenti de cimento armà a modui preconprexi. Sti cua i xe in sostansa lastroi de mesura predefinida da i cuałe inte el muxo sora vansa fora sveler integrai, inte altri caxi blocheti de cimento armà o superfisi de taco a le cuałe le gnen fisae le rotaje de solito co sistemi de taco elàstego. el vantajo el xe costituì da la asensa de jaron vibrà, dal livelamento pì stabile e ghe da la posibilità de circolasion de veicoi gomai inte el caso de emerxensa.

Doperar da novo łe traerse[canbia | canbia el còdaxe]

Par colpa del conenuto alto de inpregnanti nosivi a la salute łe traerse i gnen catalogai tra i materjai incuinanti e no gnen asà doperarli par far fogo. na olta comuncue cuesto el xera el inpiego solito. Sveler de scarto i xe stati doperai anca come material da costrusion o recinsion de sostegno par mur e a. A partir da i ani otanta łe traerse i pol gner doperai par diversi fini forestai, da' che i xe on refugot ricuperabile co el còdaxe cer 17.02.04*. Ghe n'è dite a norma de lexe che le laora par render el sveler materia prima evitanto che tochi de legn così grosi i gnen mandai a i inseneritori.

Bibliografia[canbia | canbia el còdaxe]

  • Ivo Angelini, Treni e ferrovie:ieri oggi domani, 1975. Casa editrice Salani s.p.a. Firense

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàGND (DE7669188-3 · NDL (ENJA00567422
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Traersa_(ferovia)&oldid=943109"