Topeta

Da Wikipedia, l'ençiclopedia libara.
Jump to navigation Jump to search
Sto articoło el xe scrito in venesian

Ła Topeta xe 'na inbarcasión a fondo piato tìpega de ła tradision łagunar veneta. Grasie ałe ridote dimensión e ała discreta capiensa xe xornalménte utiłixàda co' motór forabordo par uxo diportistico (capiensa consentìa 6 persone)e par el strapòrto de picołe rate de mercansìe. Pol esar armàda co' veła al terso ma ła pol esar spenta anca a remi.

Se tràta de 'na variànsa de dimensión più ridote de ła topa; come staltra ła topeta gà un anpio specio de pope, łargo poco manco de ła larghesa masima de ł'intièra inbarcasión e praticamente perpendicołar al pian de gałegiamento. Ga bande alte a prova anpia e afuxołàda.

El material tradisional par ła costrusión del scafo xe 'l legno e ła so łavorasión richiede ł'uxo de forme e piegadùre a caldo. Recentemente, vista ła versatiłità e 'l suceso de cui gode sto tipo de inbarcasión i costrutóri ricóre senpre più speso a ł'utiłixo de ła veroraxa.


Voxe łigàe[canbia | canbia el còdexe]