Tony Musante

Da Wikipedia, l'ençiclopedia libara.
Jump to navigation Jump to search

Anthony Peter "Tony" Musante (Bridgeport, 30 xugno 1936 - New York, 26 novenbre 2013 xe stà un ator statunitense.

Biografia[canbia | canbia el còdexe]

El nase in una fameja de itałoamericani del Connecticut, el se diploma a l' Oberlin College e laora par qualche ano come insegnante. 'Ntel 1960 el fa el so exordio so'i palcosenici de l'Off-Broadway e tre ani drìo el vien rimarcà dal produtor David Susskind che ło selie pa'l ròło del xovane małavitoxo nel senegià tełevixivo Ride With Terror. A questa seguirà altre interpretasion in tełefilm, cofà par exenpio queła ne ła sełebre serie Alfred Hitchcock presenta.

El gà speso dovesto recitar ròłi da tepista o da personaxo de poca comandaìsa. 'Ntel 1967 el porta in tełevixion el so primo ròło, ne ła ridusion sinematografega de Ride with terror cimàda New York ore tre: l'ora dei vigliacchi]] (The Incident), vadagnando subito premi, vixibiłità e suceso. Dopo altri połiseschi, el vien ciamà in Itałia par un spaghetti-western, ma el film che ło farà conoser al publico itałian xe L'uccello dalle piume di cristallo, film de exordio de Dario Argento.

Dopo sto film ghe n'è dei altri de gran suceso comerciałe : Metti una sera a cena (1969) e Anonimo Veneziano (1970), entranbi interpretà co' Florinda Bolkan, cołega che trovarà da nòvo quindexe ani drìo in La gabbia.

'Ntel 1973 el torna in tełevision co' ła serie de tełefilm Torna, in cui el raprexenta l'omonemo połisioto itałoamerican del New Jersey. Ła serie durarà soło che 'na staxon e 'l ròło fortunà sarà redità da Robert Blake co'l nome Baretta.

Ancora 'ntel 1973 in Itałia el recita in Il caso Pisciotta de Eriprando Visconti, seguìo da Goodbye & Amen e Eutanasia di un Amore. No'l traxanda però l'atività dei Stati Unìi, dove el se dedica a film de xenere połisiesco, cofà Ancora tu, maledetto sbirro, Uno sbirro dalla faccia d'angelo, Squadra Antidroga.

Nei ani otanta el gà avùo soło de ròłi de rimarco, nel film xa cità La gabbia de Giuseppe Patroni Griffi e ne Il Pentito de Pasquale Squitieri.

So'l fenìr dei ani novanta el se parteçipa a ła serie tełevixiva de ła HBO Oz, nel ròło del stratemùdo boss itałoamerican Nino Schibetta.

'Ntel 2003 el recita nel film La vita come viene, par la regia de Stefano Incerti, e 'ntel 2007 el interpreta un połisioto nel film I padroni della notte. De recente el xe conparso in alcuni łavori tełevisivi, cofà par exenpio Pupetta - Il coraggio e la passione par la regia de Luciano Odorisio nel ròło de Don Luigi Vitiello

El mor el 26 novenbre 2013 a l'età de 77 ani par conplicanse drìo aver subìo un intervento chirurgico[1]

Filmografia parsiałe[canbia | canbia el còdexe]

Musante nel ròło de David Toma ne ła serie TV Toma.

Note[canbia | canbia el còdexe]

  1. È morto l’attore Tony Musante Aveva interpretato il detective Toma. La Stampa, 28 novembre 2013. URL consultà el 28 novembre 2013.

Cołegamenti esterni[canbia | canbia el còdexe]