The Greatest American Hero

Da Wikipedia, l'ençiclopedia libara.
Jump to navigation Jump to search
Curly Brackets.svg
A sta voxe ghe va xontà el modèl {{FictionTV}}
Par piaser, xontaƚo in mòdo giust e pò cava sto avixo.
Par le altre pàgine che gà bixògno de sto modèl, varda la categorìa ligada.

The Greatest American Hero (conosùa in Itaƚia come Ralph supermaxieroe e in Braxile come Super-Herói Americano) ła xe 'na serie tèłevixiva produzesta in te i Stati Unìi e trasmetesta par la prima volta dal 1981 al 1983 so'l canałe ABC. In Italia ła xe stà trasmesa so Canale 5 e drìoman so Italia 1.

El tełefilm xe una commedia so' supereroi. Ła sèrie xe tìpega del stìłe del produtór Stephen J. Cannell, in cui ła trama xe secondaria a łe rełasión tra i personaxi. El mecanixmo del tełefilm l'è baxà so' łe dificoltà de tre persone comùni che vive aventure da supereroe in tel mondo reałe.


Trama[canbia | canbia el còdexe]

Ralph Henley (e no Hinkley: sto cognome xe stà scansà in quanto gera quèło de cołù che gà ferìo el Presidente dei Stati Unìi Ronald Reagan) xe un comùn insegnante che riseve dai estraterestri un costume spesiałe dal cołóre roso vivo che ghe fornìse abiłità superomane. Ralph anpo', abiando xmarìo el manuàłe de istrusión fornìo co' el costume, no' riese a inparàr a uxàr el costume coretametne e gà da proarghe co' tentadìvi, deventando un supereroe asè inbalsamà. A jutarlo in secrèto, in te ła so misión al servìsio de ła łexe, l'agente de l'FBI Bill Maxwell e so moròxa, po'mujèr, Pam Davidson.

Episodi[canbia | canbia el còdexe]

Stajón Epixodi Prima TV orixinałe Prima TV Italia
Prima stajón 9 1981
Segónda stajón 22 1982
Tersa stajón 14 1983

Personaxi e intrèpiti[canbia | canbia el còdexe]

Ła parte del protagonista Ralph Henley xe stà interpretà da William Katt, Bill Maxwell interpretà da Robert Culp, e Connie Sellecca gà interpretà Pam Davidson.

Sigla[canbia | canbia el còdexe]

Ła sigla insiałe Believe It or Not xe cantà da Joey Scarbury. Ła cansón xe deventàda un mucio famóxa durante ła sèrie. Ła gà debutà in clasìfega in te ła Top 40 de ła mericàna Billboard Hot 100 el 9 majo 1981, raxonxendo ła segónda poxisión in te ła stemàna dal 15 al 22 agosto, restando in clasìfega par ben 18 setèmane in te łe prime quarànta poxisión. El tòco xe montà anca in sìma a ła clasìfega Record World Chart.

Opare łigàe[canbia | canbia el còdexe]

Greatest American Hero[canbia | canbia el còdexe]

In tel 1986 se gà proàa rełansàr ła serie, ma qualméntre el protagonista William Katt no gà vołesto pì interpretàr el personàxo, ła protagonista xe deventà Mary Ellen Stuart, visìn a tuto el resto del cast orixinàłe. Xe nasésto cusì The Greatest American Heroine, xe stà reałixà un pilot direto da Tony Mordente e scrito da Babs Greyhosky che però no xe stà seguìo da 'na staxón tełevìxiva e 'l projeto xe pericołà. Sto epixodio ło se pol comunque consideràr come ultemo capìtoło de l'istòria, indóve che se asiste a un ideàl pasàjo de consègne tra el vècio protagonista e ła nòva eroina.[1] El pilot xe stà trametesto sòło che da tv minóri e presto xe stà dexmentegà.

La trama vedeva Bill contàr a un registrator łe aventure visùe coì Ralph fin al xorno in cui, durante el salvatagio de 'na tóxa, Ralph vien visto da tuti e 'l Presidente dei Stati Unìi d'America ło dichiara "El più grando eroe american". La fama e łe conpàrse tełevixìve però ghe inpedìse l'anonemà vołesto dai estraterestri e anca el raporto co' Pam se deteriora; i do vien rapìi dai alieni che dixe a Ralph de darghe el costume a un altro "portatór" par conbatér el mal. Co' el costume vegnarà cedùo i alieni farà sì ch'el mondo se desemntega de Ralph, de Pam, Bill e de łe so aventure.

Dopo alcune riserche i cata Holly Hathaway, 'na insegnante ełementàr, che ciapa ła caraterìsteghe de fiłantropìsmo e bontà domandàe dai alieni. Bill se trovarà riłutante a doverle far da istrutór e po' in cùbia co' èła afrontarà un novo caxo. A ła fin łe so pìtime so'l laoràr co' 'na dona desparìse e taca el nòvo sodałìsio.

Altre opare[canbia | canbia el còdexe]

Editi da ła "Catastrophic Comics", direta dal steso William Katt, in tel 2008 xe stà publegà tre albi a fumeti so ła serie The Greatest American Hero anbientà in tel 2008.[2]

'Na serie de 6 web-epixodi co' protagonisti un nòvo Ralph, 'na nòva Pam e un nòvo Bill (fiancàdi da 'na cheerleader anca èła in costume) xe stà reałixà in tel 2009 e riciapa i temi del tełefilm.

In tel 2008 gera stà anuncià anca un adatamento sinematografego de ła serie. Rimandà e programato quindi par el 2013 co' ła regia di Stephen Herek e ła senegiaùra de Chris Matheson e Ryan Rowe[3][4], del film, drìoman, no se gà più avùo notìsia.

Influensa culturałe[canbia | canbia el còdexe]

Note[canbia | canbia el còdexe]

  1. «Scheda sul telefilm», Super Eroes lives. URL consultato in data 10 dicembre 2011.