Telefonin

Da Wikipedia, l'ençiclopedia libara.
Jump to navigation Jump to search
Un telefonin

El tełefonin, dito anca tełefono çełułare, el xe n'aparecio che el te parmete, dovunque te te trovi, de ciacolar a distansa co n'altra persona. Defati, a difarensa del telefono tradisional, el xe talmente picenin che te pol portartelo in giro tranquilamente dovunque te vè. In più el funsiona a baterie che se pol ricaricar, quindi par funsionar no'l gà par forsa bisogno de èssar tacà a la corente. El laora grassie a dele onde radio che le vien captà da na rete de anténe fate aposta. Có te ciami calcheduni col telefonin, l'aparechio el ghe manda un segnale radio a l'antena pi vizina, da cui el segnale el vien inoltrà fin a rivar a la persona con cui te vol parlar.

Storia[canbia | canbia el còdexe]

Inventà nel 1973, al zorno d'uncuò el telefonin el xe uno dei mezi de comunicasion pi doparài al mondo: nel 2009 secondo l'ONU el 61% dei abitanti de la Tera el gà un telefonin.[1]

Funsioni[canbia | canbia el còdexe]

Oltre che ciacolar a voce, coi telefonini se pol anca mandarse dei curti messaji de testo: i famosi SMS. Col passar de i ani i telefonini i gà ormai senpre pi funsioni e i xè senpre pì ajornai (i smartphone): con serti modèłi se pol anca videociamarse, far le foto, navigar in Internet, scoltar la musica in MP3 e tante altre robe.

Modei[canbia | canbia el còdexe]

Telefonin (tochi)

Ai dì nostri ghe ze senpre pi modei de telefonini, tanto che quei coi tasti i xè drio scomparir, a favor de quei col schermo che te tochi (touch screen).

E multinasionai pi grande e xè par esempio Samsung, Sony, LG, Huawei e Motorola. In tei paesi emergenti ghe ze marche cinesi come Xiaomi, Meizu, Lenovo e altre.


Note[canbia | canbia el còdexe]

  1. E' un mondo di cellulari Sono oltre 4 miliardi. Repubblica.it, 4-3-2009. URL consultà el 4-3-2009.