Taumatawhakatangihangakoauauotamateaturipukakapikimaungahoronukupokaiwhenuakitanatahu

Da Wikipedia, l'ençiclopedia libara.
Carteło stradałe par identificar Taumata

Taumatawhakatangihangakoauauotamateaturipukakapikimaungahoronukupokaiwhenuakitanatahu o Taumatawhakatangihangakoauauotamateapokaiwhenuakitanatahu xe el nome in łéngua maori de na cołina de scarsa riłevansa, alta sirca 305 metri, visina a Porangahau, a sud de Waipukurau inte ła Hawke's Bay meridionałe, in Nova Zełanda. El nome xe par senplisità abrevià in Taumata da i abitanti del logo.

El nome scrito so l'indicasion stradałe xe Taumatawhakatangihangakoauauotamateaturipukakapikimaungahoronukupokaiwhenuakitanatahu, che se traduxe pì o meno El cijo [o ła sima] de ła cołina [o del logo], andove Tamatea, l'omo co i grandi xanoci, che el xe sbrisià [xò], montà [sora] e che el ga parà baso łe montagne, [par percorare ste tere], [che xe] conosùo cofà cueło che magna łe tere, el ga sonà [có] 'l propio flauto [naxałe] pà ła so amata. Co 85 litere, xe uno dei toponimi pì longhi che se conossa.

Ghè xe diverse tradusion e pronunse par sta cołina, una di queste xe Tetaumatawhakatangihangakoauaotamateaurehaeaturipukapihimaungahoronukupokaiwhenuaakitanarahu, 92 litere, ed xe entrà inte el Guinness dei primati co sto nome.

Ła version pì longa del nome xe aparentemente pì resente, o forse pì formałe. Se dixe che el nome pì longo, che atualmente se cata in un segnałe stradałe, xe stà senpre dopàra da łe popołasion Maori. I gałexi i sostien parò che st'ultima version del nome ła xe stà alungà aposta a partir da queła orixinałe par essar pì longa de Llanfairpwllgwyngyllgogerychwyrndrobwllllantysiliogogogoch, che a so olta qualcun sostien che ła xe stà alungà de propoxito masa par divegnére el pì longo toponimo inglexe.

El nome inte ła cultura popołare[canbia | canbia el còdaxe]

Ła forma pì breve del nome xera dopàra inte na canson scrita e interpretà dal muxicista neoxełandese Peter Cape (1926-1979). In seguito a ła canson de Cape, el nome xe conparso inte el suceso pop inglexe The Lone Ranger, de Quantum Jump, inte el 1979. Ła canson ricorda, inte el tono e inte ła mùxega, ła cultura de i Indiani d'America, in acordo có'l testo de ła canson. Kenny Everett gà interpretà questa canson par el so Video Show so Independent Television (ITV).

Łigadure foreste[canbia | canbia el còdaxe]

canson su sto posto

- dixe che ła pronunsa xe Tetaumatawhakatangihangakoauaotamateaurehaeaturipukapihimaungahoronukupokaiwhenuaakitanarahu o Taumatawhakatangihangakoauauotamateapokaiwhenuakitanatahu