Tamise

Da Wikipedia, l'ençiclopedia libara.
Va a: navigasion, serca
'Sto artìcoło el 'é scrito doparando ła grafìa dita Grafia Veneta Clasega
Tamise
(EN) Thames
Thames river lambeth bridge.jpg
fiume a Łondra
Longhesa 323 km(convenzional)
Portada mexana 90 m³/s
Basin idrografego 11 350 km²
Altitudine de ła sorxente 113 m s.l.m.(Thames Head)
Nase Kemble inte le Cotswold Hills
Sboca Mar del Nord
Rejon traversae bandiera Regno Unìo
Mapa del fiume

El Tamise (in inglexe Thames, dal łatin Tamesis) el xe un fiume de l'Inghiltera meridional che el traversa Łondra e finisse inte'l Mar del Nord: ancorché no'l sie el mazor par longhezza e portada, el xe da considerar de gran longa el primo par importansa storega e economega. El so basin idrografego el xe abità da zerca 15 milioni de persone.

La longhezza del fiume la xe ozeto de chiacole parché, se xe bastanza chiaro dove che el scuminzia (ma anca inte sto caso a ghe xe difarenti interpretazion), a no a xe assolutamente seguro fin a dove che el vaga considerà el corso del fiume in quanto el va drento, co un profondo estuario, inte'l Mar del Nord e elora se ga da considerar na longhezza convenzional: siché se destinve na prima longhezza de 272 km infra Thames Head (la sortiva convenzional) e el London Bridge (scuminzio del Porto de Londra); na seconda longhezza de 323 km fin al banco de Nore (dove, in corespondenza del faro, finisse el gran Porto de Londra che el ga un desvelupo de 88 km) indove che l'estuario el xe lrgo 16 km; na terza longhezza de 365 km a la fose de la Medway, vicin Sheerness, che, par tanto, secondo alguni Autori el sarìa da considerar un fiume con un proprio sboco al mar, secondo altri, el sarìa l'ultimo afluente del Tamise.

Contrariamente a quelo ca se pol credar le so portade mese le xe modeste (ancorché pitosto regolare, mancando grande seche e grande piene) e no le supera, in zenare, el centener de metri cubi al secondo a la foce, ma zò che lo fa importante xe la larghezza de l'estuario e el fato che la marea la va su ben oltra el centro de Londra, fasendolo navigabile inte ogni stazon: a Teddington, inte l'area metropolitana ocidental londenese (a 6 m s.l.m., indove che finisse el corso fluvial vero e propio parché pì su non se risente pì la marea), infati la portada minema de setembre la xe de 28 m³/s, mentre quela massima de zenaro la xe de 129 m³/s, ma al London Bridge, el fiume, co l'alta marea, el xe fondo 9 m e el xe łargo 240 m, e questo a lo fa comodamente navigabile da grosi batei.

Łe sorgenti łe se cata visin al viłajo de Kemble intel Gloucestershire inte la cadena colinera de le Cotswold Hills, dove na serie de rivi (convensionalmente sete - The Seven Wells -) i sgorga da tereni permeabii formando el Churu, considerado come ramo sortivo; ma altri i considera la vera sorgente a Thames Head (Testa del Tamiji), 5 km a est de Cirincester. I principai fluenti i xe Windrush, Evenlode, Cherwell, Thame, Kennet, Colne, Wey, Mole, tuti pitosto regolari come regime idraulego.