Streaming

Da Wikipedia, l'ençiclopedia libara.
Va a: navigasion, serca
'Sto artìcoło el 'é scrito doparando ła grafìa dita DECA

El tèrmene streaming, inte'l canpo de łe tełecomunegasion, l'identìfega un fluso de dati àudio/video trazmesi da na sorzente a una o pì destinasion traverso de na rete tełemàtega. 'Sti dati cuà i vien reprodoti man man che i riva a destinasion.

Tipi[canbia | canbia el còdexe]

Visto el suceso grando che'l ga vesto el streaming, doramài i ze tanti asè i server costruìi a posta par ospitar escluzivamente file àudio o video. Una de łe pì resenti apregasion de ła tegnołozìa streaming ła ze stà apregà inte'l canpo de ła publisità co ła creasion de videobrochure. Sostansialmente A eziste do tipołojìe de streaming:

  1. Streaming on demand
  2. Streaming live

Siben che a volte par trazmision via web A se dòpara el tèrmine "streaming" cofà sinònemo de "direta", A ze da ciarir che un contenjudo in streaming el pol èsar live o anca nò.

Streaming on demand[canbia | canbia el còdexe]

I contenjudi àudio/video a l'inisio i ze conprimesti e memorizài so un server cofà file. Un utente el pol domandarghe a'l server de inviarghe i contenjudi àudio/video. A no ghe ze mìa de bezonjo de descargarli par intiero so'l PC par poderli reprodur: i dati resevesti i vien deconprimesti da'l codec e reproduzesti pochi secondi dopo de l'inisio de ła risesion. 'Sto retardo cuà el serve a crear na memoria tenporanea ("buffer" in zergo) par remediar a łe łatense o a łe microintarusion de ła rete. De 'sto tipo cuà i ze i flusi streaming de Real Video e Real Audio, Windows Media Player, QuickTime, Adobe Flash Video. 'Sto ùltemo tipo de formato de file el jera doparà da'l sito de YouTube, prima de l'introdusion de'l łinguajo HTML5 che'l parmete nativamente el streaming àudio/video.

Streaming live[canbia | canbia el còdexe]

El ghe someja a ła tradisionałe trazmision radio o video in broadcast. Anca in 'sto cazo i dati i ze trazmesi doparando oportune conpresion par łezarir el pì posìbiłe el càrego so ła rete. Ła conpresion de i contenjudi ła introduze inte'l fluso un retardo de sirca dieze secondi. De sòłito inte'l canpo de'l streaming live 'sto retardo no'l costituise un problema.