Strage de Bronte
Ła Strage de Bronte el xe sta on ecidio de civiłi, fato a Bronte (CT) da łe trupe garibaldine comandà da Nino Bixio, inte ł'agosto del 1860.
I «fati de Bronte»
[canbia | canbia el còdaxe]Dopo ło sbarco de i Miłe, inte ł'aretrato entrotera siciłian a se gera intacà parece speranse de riscato sociałe da parte soratuto de ła mèdia borghexia e de łe clasi poarete. A Bronte, a łe pendici de ł'Etna ła contrapoxision ła gera forte intrà i sostenitori de ła Duchesa de Nelson, ciamà "ducałi", e i "comunisti" de ispirasion sociałista e łiberałe, capexà da ł'avocato Nicolò Lombardo.
El 2 de agosto al malcontento popołare a se ga zontà diversi sbandai provenienti dai paexi łimitrofi e a xe scatà ł'insuresion.
A xe sta cusì che a xe stqa bruxà caxe, el teatro e ł’archivio comunal. Quindi a xe tacà na cacia a ł'omo e ben sedexe a xe sta i morti [1] intrà nobiłi, ufisiałi e civiłi, prima che ła rivolta ła se placase.
Par riportare ł'ordine a xe rivà on batajon de garibaldini ai ordeni de Nino Bixio. I critici i ga ciapà łe diverse sfumadure dei intenti de Garibaldi, che probabilmente no i gera soło volti al mantenimento de ł'ordine publico, ma soratuto a protexare i intaresi inglexi, Paexe che fortemente el sostegneva ł'inpresa dei Miłe.
Quando che Bixio el ga tacà ła so inchiesta sui fatti caità larga parte dei responsabiłi i gera scapà via, mentre alcuni ufisiałi i ga ciapà ł'ocaxion par acuxare i aversari połiteghi. Ł'avocato Nicolò Lombardo el xe sta ingiustamente individuà come cao rivolta sensa prove.
El tribunale misto de guera inte on proceso durà manco de quatro ore el ga giudicà ben 150 persone e el ga condanà a morte Nicolò Lombardo, insieme a altre quatro persone: Nunzio Ciraldo Fraiunco, Nunzio Longi Longhitano, Nunzio Nunno Spitaleri, Nunzio Samperi. Ła sentensa ła xe sta fata mediante fuxiłasion el 10 de agosto, a ł'alba.
Filmografia
[canbia | canbia el còdaxe]Florestano Vancini, Bronte - Cronaca di un massacro che i libri di storia non hanno raccontato, 1973
Bibliografia
[canbia | canbia el còdaxe]- Cesare Abba, Da Quarto al Volturno. Noterelle d'uno dei Mille, 1891
- Leonardo Sciascia, La corda pazza, Torino, Einaudi, 1970
- Benedetto Radice, Memorie storiche di Bronte, Bronte, ed. Banca Popolare, 1984
Łigamenti foresti
[canbia | canbia el còdaxe]- L'eccidio di Bronte, da agora.it Archivià il 30 de setenbre 2007 in Internet Archive.
- L'eccidio di Bronte, da Brigantaggio.net
- Ricostruzione storica e proclami originali, da Bronteinsieme.it
- Recensione del film di Vancini, da Paleokastro.it