Salta al contegnùo

Stato sovran

Pending
Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Stati sovrani

Un Stato sovran, drio cheło che dize ła lejislasion internasionałe, el ze na entità zurìdega reprezentada da un goerno sentrałizà che el ga sovranità sora de na determenada àrea zeogràfega. Le leji internasionałi łe definise i Stati sovrani co cuatro condision fondamentałi: gaver na popołasion permanente, un teritòrio definio, un goerno e ła capasità de stabiłir rełasion co altri Stati sovrani[1]. Teoregamente se considera cusita anca un Stato sovran che no el depende e no el ze sotometesto a calsìase altro Stato o poder pułìtego superior[2][3][4][5].

La ezistensa o ła sparision de un Stato ła ze na cuestion de fato[6]. Drio cheło che dize ła teòria declarativa dei Stati, un Stato sovran el połe susìstar sensa vegner reconosesto da altri Stati sovrani, i Stati no reconosesti de frecuente i cata grande dificultà par sotoscrìvar tratai internasionałi in parità de condision e par stabiłir rełasion diplomàteghe piene co altri Stati sovrani.

Orìzane dei Stati

[canbia | canbia el còdaxe]

I Stati i se zera zenerai cuando łe persone "i ghea trasferio gradualmente ła so lealtà de un sovran individuałe (cofà un Rè, un duca, o un prìnsipe) a na entità pułìtega teritoriałe intanzìbiłe, el Stato"[7]. I Stati in orìzane no i zera altro che vari sistemi pułìteghi emerzesti da ła Eoropa feudałe, cofà che łe zera stà łe sità-Stato, łe confederasion o i inperi co invocasion universałiste al conceto de autorità[8].

El conceto de sovranità dopo de ła Paze de Westfàlia

[canbia | canbia el còdaxe]

Dopo de ła Paze de Westfàlia inte el 1648, se ghea inponesto el conceto moderno de Stato-nasion, bazà inte ła piena sovranità de ogni Stato inte el so teritòrio.

La sovranità ła ze na paroła de ła cuała ghe se abuza co frecuensa[9][10]. Inte el XIX sècoło indrentà, el conceto radicałizà de un "stàndar de ła siviłizasion" el zera sta doparà frecuentemente par dir che serti pòpołi del mondo no i zera "siviłizai" parché no i ghea na socetà organizada. Sta pozision ła se speciava e ła se ghea fondà inte ła idea che èsarti pòpołi ghe mancava totalmente ła "sovranità", o al manco sta cuà ła ghea un caràtero inferiore a cheła là dei pòpołi "siviłizai"[11].

Posteriormente, ła sovranità ła ga asumesto un significà diferente col desviłupo del prinsìpio de autodetermenasion e el divieto de menasa o de ła dòpara de ła forsa cofà norme ius cogens del derito internasionałe moderno. La Carta de łe Nasion Unie, el Projeto de Declarasion sui deriti e gaveri dei Stati e łe carte de łe organizasion internasionałi rejonałi łe espresa ła vizion che tuti i Stati i ze conpagni zuridegamente, e che partanto i disfruta dei istesi deriti e i ze sojeti ai istesi gaveri, bazàndose sul fato che i susiste soto del derito internasionałe[12][13]. El derito de łe nasion de determenar el so pròpio sistema pułìtego e de ezersitar ła sovranità permanente drento dei confini de ła so zurisdision teritoriałe el ze anpliamente reconosesto[14][15][16].

Inte ła siensa pułìtega, ła sovranità ła ze normalmente definia cofà l'atribusion pì bàzega del Stato, in forma de ła so totałe autosufisensa inte el contesto de un serto teritorio, inte el cuało l'ezèrsita ła so supremasia pułìtega co indipendensa da Stati stragneri[17].

Cołocuialmente, i tèrmani "paeze", "nasion" e "Stato" i costuma dopararse cofà sinònimi; parò intendesti stretamente, i esprime conceti difarenti:

  • Paeze denota na rejon definia da ełementi zeogràfeghi o da frontiere pułìteghe.
  • Nasion denota un spàsio popolà da na comunità che ła ze comunada da dòpari, costumari, rełijon, léngua, orìzeni, disendensa o istòria comuni.
  • Stato se refarise a ła union de istitusion de goerno e aministrative che łe ga sovranità inte un teritòrio e na popołasion determinada. I Stati sovrani i ga na personałità zurìdega.

Reconosimento

[canbia | canbia el còdaxe]
Par savèrghene de pì, vardarse anca ła voze Reconosimento internasionałe.

El reconosimento de un Stato signìfega ła decizion de altri Stati sovrani de tratarlo cofà un Stato sovran[18]. El reconosimento el połe èsar tanto esprimesto cofà inplìsito, e normalmente el ze retroativo inte i so efeti. El reconosimento no el signìfega nesesariamente el vołer stabiłir o mantegner rełasion diplomàteghe co sto Stato.

El reconosimento de un stato sovran no el ze obligatòrio par un'altro stato, pròpio parché no el ze ligà a prinsipi o criteri legałi, ma inte ła pràtega i ze del tuto prinsipi pułìteghi[19]

Inte el derito internasionałe ghe ze vàrie teorie sul reconosimento de un stato sovran[20]:

Teoria costitutiva

[canbia | canbia el còdaxe]

La teoria costitutiva dei Stati sovrani i definise un Stato cofà sojeto del derito internasionałe, se e solché se el ze reconosesto cofà sovran da altri Stati. Sta teoria de reconosimento ła zera sta desviłupada inte el secoło XIX. Drio cheło che dize sta teoria, un Stato el ze sovran se un altro Stato sovran el lo reconose cofà tałe. Par via de sta teoria, i novi Stati i podaria no formar parte da suito de ła comunità internasionałe e de consevensa i podària no èsar sojeti a łe leji internasionałi, e inplìsitamente se ga stabiłio che łe nasion za stabiłie no łe gaveva da respetar el derito internasionałe inte łe so rełasion co sti novi stati no reconosesti[21].

Inte el 1815, el Congreso de Viena el ghea reconosesto solché 39 Stati sovrani inte el sistema diplomàtego eoropeo, afermando firmemente che inte el futuro i novi Stati i gavarà da vegner reconosesti da altri Stati, significando inte ła pràtega che cade ver el reconosimento da na o pì da parte de łe grande potense de ła época[22].

Teoria declarativa

[canbia | canbia el còdaxe]

Par contrasto, ła teoria declarativa de ła condision de Stato sovran ła definise un Stato cofà un sojeto del derito internasionałe se el sudisfa i seventi criteri:

  1. un teritorio definio;
  2. na popołasion permanente;
  3. un goerno;
  4. na capasità de stabiłir rełasion co altri Stati

Drio cheło che dize ła teoria declarativa, un Stato el ze sovran indipendentemente dal so reconosimento par altri Stati. El modeło declarativo el zera sta espresà inte ła conosesta Convension de Montevideo del 1933[23].

Stati de fato e de iure

[canbia | canbia el còdaxe]

La imensa majoransa dei Stati sovrani i ze de iure e de fato (saria dire che, i lo ze legalmente e de fato). In altra magnera, un Stato el połe vegner reconosesto solché cofà un Stato de iure, cofà inte el cazo del goerno lejìtimo de un teritòrio sora del cuało no el ga controło reałe. Altre entità łe połe gaver controło de fato sora un teritòrio parò no i ga reconosimento internasionałe[24].

Rełasion intrà Stato e goerno

[canbia | canbia el còdaxe]

No-ostante de che i términi "Stato" e "goerno" i costuma dopararse de forma indistinta[25], el derito internasionałe el difarénsia intrà na entità statałe e el so goerno: par ezénpio, a un "goerno in bando" el ghe ze aplicàbiłe nìtidamente sta distinsion[26][27]. I Stati łe ze entità zurìdeghe inmateriałi, e stretamente no i se coresponde co nisun tipo de organizasion[28]. Sensa dubi, normalmente solché el goerno de un Stato połe sotoscrìvar inpegni inte el so nome, cofà, par ezénpio, inte el cazo de ła sotoscrision de tratai internasionałi[29].

Estinsion de un Stato

[canbia | canbia el còdaxe]

In zenerałe, i Stati łe ze entità permanenti, anca se ze pusìbiłe ła so sparision, che ła sìpia de forma vołuntària o par ła inpozision de forse esteriori, cofà inte el cazo de łe concuiste miłitari. Dato che i Stati no łe ze entità zurìdeghe fìzeghe, ła so estinsion no ła połe vegner portada co ła escluziva dòpara de forsa fìzega[30]. Inte ła pràtega, abołir un Stato dimanda na sèrie de ati zudisiałi e sociałi.

Notasion

[canbia | canbia el còdaxe]
  1. ↑ Véase el libro siguiente: International law, in Cambridge University Press, 2003, pp. 178.
    «Article 1 of the Montevideo Convention on Rights and Duties of States, 1 lays down the most widely accepted formulation of the criteria of statehood in international law. It note that the state as an international person should possess the following qualifications: (a) a permanent population; (b) a defined territory; (c) government; and (d) capacity to enter into relations with other states.».
  2. ↑ Véase el libro siguiente: Nandasiri Jasentuliyana (curà da), Perspectives on international law, in Kluwer Law International, Nandasiri Jasentuliyana, 1995, pp. 20.
    «So far as States are concerned, the traditional definitions provided for in the Montevideo Convention remain generally accepted.».
  3. ↑ Henry Wheaton, Elements of international law: with a sketch of the history of the science, Carey, Lea & Blanchard, 1836, p. 51.
    «Uno Stato sovrano è generalmente definito come qualsiasi nazione o popolo, qualunque possa essere la forma della sua costituzione interna, che si governa indipendentemente dalle potenze straniere.».
  4. ↑ sovereign, in The American Heritage Dictionary of the English Language, 4th, Houghton Mifflin Company, 2004. entrada il 21 febbraio 2010.
  5. ↑ sovereign, in The New Oxford American Dictionary, 2nd, Oxford, Oxford University Press, 2005, ISBN 978-0-19-517077-1.
  6. ↑ Notes to pages, in Determining boundaries in a conflicted world: the role of uti possidetis, McGill-Queen's Press - MQUP, 2002, pp. 181, ISBN 978-0-7735-2424-8.
  7. ↑ Political Geography, in Wiley, Hoboken, 2004, pp. 14, ISBN 0-471-35266-7.
  8. ↑ The Sovereign State and its Competitors: An Analysis of Systems Change, in Princeton University Press, Princeton, NJ, 1994, ISBN 0-691-03356-0.
  9. ↑ Sovereignty: Organised Hypocrisy, in Princeton University Press, 1999, ISBN 0-691-00711-X.
  10. ↑ Jorge Emilio, About the Impossibility of Absolute State Sovereignty, in International Journal for the Semiotics of Law.
  11. ↑ From Trusteeship to Self-Determination and Back Again: The Role of the Hague Regulations in the Evolution of International Trusteeship, and the Framework of Rights and Duties of Occupying Powers, in Loy. L.A. Int'l & Comp. L. Rev., vol. 31, 2009.
  12. ↑ Chapter IV Fundamental Rights and Duties of States, in Secretariat of The Organization of American States. entrada il 21 de noviembre de 2010.
  13. ↑ Draft Declaration on Rights and Duties of States (PDF), in UN Treaty Organization, 1949. entrada il 21 de noviembre de 2010.
  14. ↑ General Assembly resolution 1803 (XVII) of 14 December 1962, "Permanent sovereignty over natural resources", in United Nations. entrada il 21 de noviembre de 2010.
  15. ↑ Schwebel, Stephen M., The Story of the U.N.'s Declaration on Permanent Sovereignty over Natural Resources, 49 A.B.A. J. 463 (1963)
  16. ↑ International Covenant on Civil and Political Rightsohchr.org.
  17. ↑ Grinin L. E. Globalization and Sovereignty: Why do States Abandon their Sovereign Prerogatives?
  18. ↑ "Recognition", Encyclopedia of American Foreign Policy.
  19. ↑ See B. Broms, "IV Recognition of States", pp 47-48 in International law: achievements and prospects, UNESCO Series, Mohammed Bedjaoui(ed), Martinus Nijhoff Publishers, 1991, ISBN 92-3-102716-6 [1]
  20. ↑ Thomas D. Grant, The recognition of states: law and practice in debate and evolution (Westport, Connecticut: Praeger, 1999), chapter 1.
  21. ↑ Sourcebook on Public International Law, in Routledge, 1998, ISBN 1-85941-050-2.
  22. ↑ Kalevi Jaakko Holsti Taming the Sovereigns p. 128.
  23. ↑ Recognition in International Law, in Cambridge University Press, 2012, pp. 419.
  24. ↑ Staff writers (20 February 2008).
  25. ↑ E. H. Robinson, The Distinction Between State and Government (PDF), in The Geography Compass, vol. 7, nº 8, 2013, pp. 556-566. entrada il 24 gennaio 2019 (archivià dal URL orizenałe il 2 novembre 2013).
  26. ↑ The Distinction Between State and Government (PDF), in The Geography Compass, vol. 7, nº 8, 2013. entrada l'11 de septiembre de 2016.
  27. ↑ The Creation of States in International Law, in Clarendon Press, Oxford, 2006, ISBN 0-19-826002-4.
  28. ↑ An Ontological Analysis of States: Organizations vs. Legal Persons (PDF), in Applied Ontology, vol. 5, 2010. entrada l'11 de septiembre de 2016.
  29. ↑ J. Crawford, The Creation of States in International Law, 2nd, Oxford, Clarendon Press, 2006, ISBN 978-0-19-826002-8.
  30. ↑ The Involuntary Extinction of States: An Examination of the Destruction of States though the Application of Military Force by Foreign Powers since the Second World War (PDF), in The Journal of Military Geography, vol. 1, 2011. entrada l'11 de septiembre de 2016.


Bibliografia

[canbia | canbia el còdaxe]



  • Chen, Ti-chiang. The International Law of Recognition, with Special Reference to Practice in Great Britain and the United States. London, 1951.
  • Crawford, James. The Creation of States in International Law. Oxford University Press, 2005.

ISBN 0-19-825402-4

, pp. 15–24.




  • Raič, D. Statehood and the Law of Self-determination. Martinus Nijhoff Publishers, 2002.

ISBN 978-90-411-1890-5

. p 29 (with reference to Oppenheim in International Law Vol. 1 1905 p110)

  • Schmandt, Henry J., and Paul G. Steinbicker. Fundamentals of Government, "Part Three. The Philosophy of the State" (Milwaukee: The Bruce Publishing Company, 1954 [2nd printing, 1956]). 507 pgs. 23 cm. LOC classification: JA66 .S35 Fundamentals of government

Linganbi foresti

[canbia | canbia el còdaxe]
With cases and commentary. Nathaniel Burney, 2007.

information on tracking, evaluating and managing sovereign risk for trade and permanent investment

Resorse

[canbia | canbia el còdaxe]


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Stato_sovran&oldid=1171657"