4G

Co el tèrmano 4G (acrònemo de fourth Generation), in tełefonia mòbiłe, a se intende łe tecnołoxie e i stàndar de cuarta xenerasion, che i parmete aplegasion multimediałi vansae e cołigamenti dati co na pì granda cuantità de banda pasante rispeto al 3G. Inte el 2010 el ITU el ga autorixà ła doparasion de ła denomenasion 4G par tecnołoxie cofà LTE e WiMAX.

Tranxision

El grupo de laoro ciamà Next Generation Mobile Networks (NGMN), costituio da racuanti dei majori operadori de tełefonia mòbiłe, el ga stabiłio łe norme par ła costrusion de ła rete, baxada so na architetura a comutasion de pacheto, che ła ga consentio ła tranxision graduałe verso na rete IP de łe reti 2G e 3G.

Istòrego

Inte el setenbre del 2005 NTT DoCoMo, el pì inportante operador mòbiłe japonexo, el xe sta bon de far on test al streaming vìdeo de 32 filmai a alta definision so on novo termenale conetesto a on mini-network 4G. I test i xe stai fati drento de na autovetura in movimento che ła se spostava a na vełosità de 20 km/h: a sta vełosità ła reprodusion no ła se ga mai interonpesto. I tècneghi japonexi i ga declarà che i novi termenałi i xe boni de risévar finmente on màsemo de 100 megabit/s in movimento e 1 gigabit/s in poxision stàtega: in pràtega el contegnuo de on normałe DVD vìdeo el podaria vegner descargà da internet in cuaxi on minuto da on termenałe conetesto a na rete 4G

El 5 de novenbre del 2012 ła Comision Eoropea ła deside de consédar altri 120 MHz datorno a ła banda de GHz, doparai par i servisi UMTS, a ła tecnołoxia 4G. Sto spetro el gavea da èsar fato dispunìbiłe dai Stati menbri entro el 30 de zugno del 2014. In sta panjiera, ła Union Eoropea ła ghea a dispoxision el dópio de ła banda de alta vełosità in confronto dei Stati Unii e ła xe rivada de consevensa ai 1.000 MHz totałi..

Voxe corełae

• 1G
• 2G
• 3G
• 5G

Linganbi foresti

• (EN) 3GPP LTE Encyclopedia
• (EN) Nomor Research: Progress on “LTE Advanced” - the new 4G stàndar
• (EN) Brian Woerner, Research Directions for Fourth Generation Wireless (PDF), June 20–22, 2001.

(118kb)

• (EN) Information on 4G mobile services in the UK – Ofcom
• (EN) The Scope of 4G Technology: A Review Archivià il 27 de febraro 2021 in Internet Archive.

- OM Institute of Technology & Management