Traersa (ferovia)

An binarjo.

Co la parola sveler se intende quela sotstrutura de 'l binarjo a la qual le è fissade le rotaje.

La inportanža de i sveler

I sveler i à la dopia funžion de mancener al scartamento e de trasmeterghe a 'l teren al peso de 'l treno che 'l passa deogražia de la so superficie an bel poch pì granda de quela de la rotaja. Sto ultimo fato, intuitivo, al è gnest senpre pì inportante par via de 'l aumento de le masse de le motrici e de i vagoi in genere e al è anca al motivo par al qual la distanža tra i sveler la è pì granda te le linee secondarje o vece che senò ten quele pì moderne e svelte; sta diferenža la ciapa al nome de modulo. da sto tent deriva che l numero de sveler doperadi par le linee feroviarje al è tant grant e par al passà, co gnea doperà solche legn par farli, co gnea fat na nova linea feroviarja gnea tajà do gran estension de bosch. A la fin de 'l 2003 la quantità de le rotaje de la Deutsche Bahn AG in Germania la ea na longheža de circa 35 600 km, pojade su circa 54 miljoni de sveler.

I sveler i pol esser fati de:

• legn
• fer
• cemento armà.

Sveler de legn

Sveler tradižionai de legn.

Par al passà i era al unico tipo de sveler e incoi i è ancora quei che se cata par la gran part te 'l mondo. I sveler de legn de solito i è de fagher, roro e de pin. Prim de gner doperadi i subiss an tratamento che al serve parchè i pode resister de pì a inmaržirse e a gner tacadi da i biss e da quelaltri parassiti de 'l legn; i gnen inpregnadi co ojo de catrame de carbon fossile anca parchè i pode durar de pì contro i efeti anbientai. Pì ch sia te i paess tropicai se dopera altri tipi de legn come al teak e altri legn duri e resistenti.

Sveler de fer

Sveler de fer fruadi de lamierade aciajo stanpada.

I sveler de aciajo de solito i è costituidi da na sbara de longheža justa co na sežion a "C" a la qual ghe gnen inbolonade le piastre de fissajo de le rotaje.

Ten žerti casi gnen doperà anca sveler ibridi de fer-cimento costituidi da do blochet de cimento, co i ancoragi a la rotaja, dontadi tra de lori a la distanža justa de 'l scartamento da na sbara de profilà de fer a sežion redusesta.

Tutidoi i tipi i gnen doperadi par ferovie secondarie o tramvie extraurbane par via de la manco resistenža a velocità e wsforž assiai pì alti.

Sveler de cimento armà

Tipici sveler de cimento armà preconpresso co atachi premontadi de tipo elastico par rotaje UNI60

Da i ani sesanta se dopera senpre de pì sveler de cimento armà preconpresso te le nove opere feroviarie e te i laori de inmodernament a 'l posto de i sveler veci de legn. Da' che i à an peso pì grant (circa 350-400 kg) che senò i sveler de legn, che i garantiss na stabilità te la posižion de montajo e na possibilità pì granda de doperar machinari par la costružion e la manutenžion, i representa romai al standard par tute le linee feroviarie inportanti e a alta velocità.

Sveler a Y

An esenpio de sveler a Y (a sinistra) e de tipo normal (a destra).

Na altrenativa la è al sveler a Y, te la qual se donta sagome de aciajo modelade a copia par er an sveler a forma de Y. Te 'l binarjo al sveler a Y al gnen montà co la ponta da na parte e i do atachi da que l'altra, e quel che gnen dopo al gnen posižionà te la maniera oposta. Al risultato al è che i sveler i descrive na linea che la va a zig-zag parte e l'altra de 'l binarjo. I vantagi de 'l sveler a Y i è na sežion de costružion pì cea, la alta stabilità de posižion de 'l binarjo anca aonde che se à ragi de curva streti e an fondo de jaron pì stret. Al sveler a Y al presenta na resistenža pì alta de 'l binarjo a spostamenti trasversai e an conportamento pì elastico che senò i sveler de cimento armà. Al svantajo al è dat da 'l costo che al aumenta co al prežo alt de 'l aciajo. par de pì, sti sveler no i se adata a tute le tecnologie moderne mecanizade de rinnovament e manutenžion de 'l binarjo, co velocità pì basse te la laoražion mecanizada in confronto a i binari a sveler tradižional. se donta quela che la velocità de i treni la è limitada a 120 km/h. Diverse olte su toch atrežadi co sveler a Y la è stata notada na tendenža forta a la ondulažion, che la porta a far pì rumor. Par stro motiu no i gnen doperadi se ghe ol responder a žerte richieste tecnico-acustiche anbientai.

Alternative a i sveler

Basament de cimento armà preconpresso

Te l metà de i ani otanta i è stati svilupadi diversi sistemi de costružion come i basament de cimento armà a modui preconpressi. Sti qua i è in sostanža lastroi de mesura predefinida da i quai te la facia sora vanža fora sveler integradi, ten altri casi blochet de cimento armà o superfici de ataco a le quai le gnen fissade le rotaje de solito co sistemi de ataco elastico. Al vantajo al è costituì da la assenža de jaron vibrà, da 'l livelament pì stabile eda la possibilità de circolažion de veicoi gomadi te 'l caso de emergenža.

Doperar da novo i sveler

Par colpa de 'l conenuto alt de inpregnanti nocivi a la salute i sveler i gnen catalogadi tra i materjai inquinanti e no gnen assà doperarli par far fogo. na olta comunque questo al era al inpiego solito. Sveler de scarto i è stati doperadi anca come materjal da costružiono recinžion de sostegno par mur e a. A partir da i ani otanta i sveler i pol gner doperadi par diversi scopi forestai, da' che i è an refugot ricuperabile co 'l codice cer 17.02.04*. Ghe n'è aziende a norma de lege che le laora par render al sveler materia prima evitando che toch de legn cossì grossi i gnene mandadi a i inceneritori.

Bibliografia

• Ivo Angelini, Treni e ferrovie:ieri oggi domani, 1975. Casa editrice Salani s.p.a. Firenže

Altri progeti

Altri progetti

• Wikimedia Commons

• Wikimedia Commons el detien imàjini o altri file so sveler

Colegamenti foresti

• Il binario

Portałi:Modeło:Portałe trasporti |