Java (lenguajo de programasion)

Logo Java

Java xe un lenguajo de programmassion orientà ai ogeti, derivà dal C++ (e quindi in qualche manièra anca dal C) e creà da James Gosling e altri ingegniri dea Sun Microsystems. A piataforma de programassion Java xe fondà sol linguajo stesso, soa Macchina virtuae Java (Java Virtual Machine o JVM) e soe API Java. Java xe un marchio registrà de Sun Microsystems.

Storia

El grupo de sviupatori del proget li ga tacà laorare nel 1991, al linguajo ghe xera sta dato el nome Oak, ma li ga dovesto canbiarlo in Java par rogne de copyright (Ghe gera xa un linguajo de nome Oak). I programaturi infatti li ndava bevarse un cafe al bar par parlare de sto projeto, e da questo ghe ga dato el nome. (Java xe na sorta de cafè che vien da l'isoea de Giava, in Indonesia. Gnanca farlo aposta, el magic number che identifica un file de bytecode otegnuo dala compiassion de un file Java xe 0xCAFEBABE (pararia riferirse aa cameriera che ghe portava el cafe).

Java xe stà presentà ufficialmente el 23 maio 1995 a SunWorld.

El 13 novembre 2006 a Sun Microsystems ga rilassà el compiatore e a Machina Virtuae Java soto GPL.

L'8 maio 2007 SUN ga rilassà anca e librarie, (manco dee parti che no gera dea Sun) soto licensa GPL, faxendo in modo de rendare Libaro el Java!.

Caratteristiche

Java xe stà creà par quatro rason:

1. essare orientà ai ogeti
2. essare funsionante in ogni piataforma
3. gaver strumenti e librarie par el networking
4. essare projettà par eseguire codexe da sorgenti remote in modo sicuro

Par fare in modo che i programatori vecio-stie i podesse usare sensa tante rogne sto linguajo, i ga mantegnesto tante robe del C, a sintassi de base, (struture de contreo, operatori e cussì via).

Orientamento ai ogeti

La prima carateristega, l'orientamento ai ogeti, a se riferisse a un moderno metodo de programasion e projetasion, la programasion orientà ai ogeti (OOP).

L'idea ala base dea OOP a xe de rapresentar, nea projetasion del software, le entità reali o astratte che compone el problema soto forma de ogeti. I ogeti xe caraterixai da dele proprietà (definìe variabili o campi de istansa o de esemplare) e de metodi aplicabili sui ogeti stessi, che pode ad esempio modificarne lo stato o estrarne informasion.

I programi scriti in Java i pode essere unicamente orientài ai ogeti, de conseguensa tuto el còdese el gà da essere necessariamente incluso in una classe.

Siben che Java possa operar sia su ogeti che su tipi de dati primitivi, el xe considerà un lenguajo ad ogeti puro, overo nel quale i ogeti xe le entità de base del lenguajo, anziché essere costruìi partendo da costrutti ad un inferiore livèo de astrasion.

Versioni

• JDK 1.1.4 (Sparkler) 12 setenbre 1997
  • JDK 1.1.5 (Pumpkin) 3 dicembre 1997
  • JDK 1.1.6 (Abigail) 24 aprile 1998
  • JDK 1.1.7 (Brutus) 28 setenbre 1998
  • JDK 1.1.8 (Chelsea) 8 aprile 1999
• J2SE 1.2 (Playground) 4 dicembre 1998
  • J2SE 1.2.1 (none) 30 marzo 1999
  • J2SE 1.2.2 (Cricket) 8 lujo 1999
• J2SE 1.3 (Kestrel) 8 majo 2000
  • J2SE 1.3.1 (Ladybird) 17 majo 2001
• J2SE 1.4.0 (Merlin) 13 febraro 2002
  • J2SE 1.4.1 (Hopper) 16 setenbre 2002
  • J2SE 1.4.2 (Mantis) 26 giugno 2003
• J2SE 5.0 (1.5.0) (Tiger) 29 setenbre 2004
• Java SE 6 (1.6.0) (Mustang) 11 dicembre 2006
• Java SE 7 (1.7.0) (Dolphin) Prevista par el primo semestre 2010

Coegamenti esterni

• (EN) Java sul sito dea Sun Microsystems
• (EN) Sito dea Sun Microsystems
• (EN) El novo portae de Java OpenSource
• (EN) Java e e so tenologie (Opensource)
• (EN) Java open source: not an hoax
• (EN) OpenJDK
• (EN) Full Java Tutorial
• (EN) Java Application Development on Linux Libro in formato pdf (open source)
• (IT) Programi Java con sorgenti opensource
• (IT) Portae dea comunità MokaByte
• (IT) Javaportal
• (IT) Un video corso in talian su Java
• (IT) Articoi sue varie tenologie java
• (IT) Evento itinerante organixà dai Java User Groups italiani