UNESCO

⟨⟩

La bandiera de l’UNESCO

L’Organisasion Culturale Sientifica e par l'Educasion dele Nasioni Unite che par scurtarlo se usa UNESCO, che l'è l'acronimo de la stesa tiritera in lengua inglese United Nations Educational, Scientific and Cultural Organization) l'è stà fondada dale Nasioni Unite nel 1946 per darghe corajo ale nasioni de laorar insieme nele robe che ghe nela papardela longa: educasion, siensa, cultura e comunicasion.

Andove i stà e sa i fa

Nel marso del 2005 fasea parte de l’UNESCO, 191 stati e 6 membri che stati no jè mia. I capi i stà a Parigi in Francia, e i organisa scambi educativi, de siensa e de cultura. I gà 60 ufici par per el mondo. Oltre a quel che i fa lori, i ghe sta drio a robe de i altri. I sponsorisa laori sientifici internasionali; i iuta chi ghe insegna a lesàr e scrivar, i prepara gente che va a insegnar come se fa a insegnar; i ghe sta drio a chi proa a riscrivar la storia che la ghe vaga ben a tuti (pensa a come i insegnava na olta a noaltri e ai tedeschi come ierà nà le guere); e le cooperasioni par far in maniera che se salva el patrimonio de la cultura e de la natura dela Tera visin gavemo i croati che i proa a scacelar Venesia, i serbi e i albanesi che i se scancela quasi i ghe gavese la scolorina, e distante i talebani i buta so statue alte come condomini). In più i ghe da na man a ci vol difendar i diriti umani.

Drento l’UNESCO i barufa come mati. pararea che fuse facile nar d'acordo su ste robe, ma i se rompe i cosideti e fa peso dei buteleti. Nei ani 70 e anca nei ani 80, ghera dele nasioni ocidentali, specialmente come i Stati Uniti e el Regno Unito, che i disea che l'Unesco i le usava i stati comunisti e del terso mondo, par dirghe su a l’ocidente. Par questi i Stati Uniti i è na fora, sbatendo la porta, nel 1984 e el Regno Unito l'ano dopo (el Regno Unito l'è tornà nel 1997 e i SUdA nel 2003). Altri i dise che l’UNESCO el gà na burocrasia fora de testa (masa lenti) e che la costa masa. Quei de l’UNESCO i fa na lista del patrimonio de l'umanità. Lì i sa mesi d'acordo su tanti posti che par la storia, la cultura e par la natura val la pena de tendarghe n'ocio par far in maniera che i posa godarseli i nostri fioi e i nostri neodi. In altre e grose parole la conservasion e la sicuresa l'è importante par la comunità del mondo.

L’UNESCO la gà ambasiatori.

Guarda anca

• Lista dei patrimoni de l’umanità Da le nostre parte ghè nè asè.

Colegamenti fora da wiki

• Sito uficiale de l’UNESCO
• Sito dei patrimoni de l’umanità
• Sito dei patrimoni de l’umanità in Sicilia