Servìsio de rete sociałe

Inte el Web 2.0 un servisio de rète sociałe^[1], de solito ciamà in inglexe social network, che deriva da social network service, xe un servisio Internet, chel se pole doparar col browser o aplicasion mobili, poxandose so la so relativa piataforma, par la jestion dei raporti soçiałi e che la permete la comunicasion traerso mesaji testuali, multimedia e ciamade, videociamade. I servisi de sto tipo qua, i l'è nati a la fin dei ani 1990 e divegnui un mucio popolari inte el dexenio dopo, andove i permete a le persone che i uxa de crearse un so profilo, organixar na lista dei contati, publicar un proprio fluso de ajornamenti (stati, stories e direte) e de vardare i flusi de ajornamento de che'altri. Ghe xe varie sorti de sti servisi, che i canbia a segonda del tipo de relasion (amicali, laoradive, publeghe) chel servisio rixerva a chi che lo dopara e anca al target de età. El tipo de relasion che un servisio permete e el target de età, el se pol capire da le so funsionalità, come par exenpio: testi curti, testi longhi o se no se se posa publicare foto o no.

Definision

Vardando la granda cuantità de reti sociali che ghe xe, tuti pì o men difarenti intrà de lori, sta situasion complega mucio la creasion de na definision spesifega, parò tute ga un calcosa in comun. se pole definir social networks i servisi che:

piataforme baxade sol Web 2.0
che permete la creasion de un profilo publego o semi-publigo drento a un sistema vincolà; (i jestori del servisio, deçide le funsion)
che permete l'interasion intra persone/grupi; (mesaji e ciamade (testo, audio e/o video), post, stories..)

Sorti de reti sociali

Ghe xe anca reti sociali anca masa specialixade par exenpio US Intelligence Community A-Space, pensada come spasio de laoro comun par analisti.
In pì, uncò tantisimi sistemi de mesajistega istantania i ga algune funsionalidà de le reti sociali, par exenpio WhatsApp, Telegram, QQ e altre.

Notasion

↑ sevente altre varianse e grafie anca servìsio de rete sociałe e servisio de réte soçałe

Controło de autorità	LCCN (EN) sh2006006990

[1] sevente altre varianse e grafie anca servìsio de rete sociałe e servisio de réte soçałe

[1]